تويت
هلا...
السلام عليكم
الموضوع طويل بس اتمنى من كل واحد يقراه للاخر...
الصراحة كل ما جيت اكتب هالموضوع كل ما لها داعي لأني مني من الناس الي على قولتهم سوداويين النظرة يعني الي يناظر السلبيات وبس لكن يوم راجعت حساباتي لقيت ما فيها شيء لو جلسنا نعدد اخطائنا لان الشخص مهو معصوم وخصوصا فيه أخطاء واضحة وتأثيرها المشلكة مو على الشخص نفسه لا يتعدى تأثيرها على الجميع فهنا لازم ننبه بعضنا على هالاخطاء ...
بس الجد أنا شفت اليوم موقف خلاني اتحمس عشان اكتب هالموضوع....عاد الحين ابسرد هالمواقف الي احس ان لازم نعدل من وضعها...
اولاً/اليوم وأنا نازل للمسجد ابصلي التراويح بالعادة المواقف وشولن طريقتها المعروف ان يصير سيارتين متقابلتين وبعدين ممر بسيط عشان الي يبي يمر من السيارات اكيد هذا الي تشوفونه المشكلة اليوم وش الي صار أقسم بالله تقل منتب بمواقف لا كانك بمعرض سيارات السيارات مرصوصة رص تخيل بدال سيارتين لا اربع سيارات طيب أسألك بالله الحين ياللي حديت هالناس وش ذنبهم انك تجي وتحده ذنبه الوحيد انه جا مبكر وحصل موقف قريب وحلو وانت جاي متاخر والي يقهرك بعد انه شوي ويوقف السيارة بمحراب المسجد مهوب بالمواقف يعني على قولتهم فوق الشين قوي عين جاي متاخر ويبي موقف قريب طيب افهق"يعني ابعد " موترك شوي ومغط رجيلاتك شوي ...طبعا هذا مو بمواقف المسجد وبس تلقاه وللأسف بكل مكان ما ادري وش هالقناعة الي عند الناس....
الشيء الثاني/المطبات الحين الي يشوف هالمطبات اقسم بالله يقول تقل بسباق تخطي حواجز مهوب بشارع يعني من جد ما فيه اي مراعاة لحقوق هالمسيكين هالمواطن المشكلة تدري وين الي ماسك المشروع حق االزفلت يروح ويقول للعامل رح سولك هنا مطب وبس طيب قله لا يتعدى ارتفاعه كذا ولا يصير كذا....ولا تحطه زي الشكل هذا ....لا ما فيه شيء من هذا يصير يجيك هالعامل ويحط على كيفه عاد توهق بها انت خصوصا اذا كانت سيارتك من النوع الصيغر زي الكامري والكورولا وغيرها يا عمري عمرها تحك من تحت وحالك حالة ومن المسؤول محد ....
الشيء الثالث/فائض الميزانية ....طبعا هنا ما ااتكلم عن ميزانة الدولة لا اتكلم عن موقف صار معي يعني كمل قبل لا تحكم على كلامي هذا الله يسلمك مرة من المرات بديرتنا المهم لقيتهم قايمين وحايسين الرصيف قلت يمكن تمديد مواصير مويه ولا شيء زي كذا يعني متعودين على هالشيء المهم جلست ارقبهم الين خلصوا الشغل تدرون وش سووا بكل هالصجة عقب ما شالوا الرصيف وحاسوا الشارع راحوا سووا الرصيف من جديد بس تدرون ليه كل عشان ينقصون خمسة سنتي من جهة وخمسة سنتي من الجهة الثانية انا هنا اقسم بالله بغيت اتوطى ببطن العامل الي جالس يشتغل يعني حراااااااااام كل هالفلوس تروح على حركة ما لها داعي يعني مهوب ضار شيء اذا ما زدتوا هالعشرة سنتي انا ما خشت مزاجي هالحركة فرحت اكلم واحد له علاقة قوية بحقين البلدية تدري وشوله سووا هالشيء ...يقول هذا الله يسلمك الي فائض من الميزانية المقررة للبلدية وبدال ما يرجعونها للميزانة العامة حقت الدولة قاموا وسووا هالمشروع العظيم ....اقسم بالله مهزلة ما بعدها مهزلة حرااااااام والله حرااااااام تضيعون هالفلوس بمثل هالاشياء يا شيخ خلها تزود الميزانية الباقي رجعه للميزانية العامة ليش تروح وتضيع المال العام بمثل هالاشياء .بس وش تقول الله يهديهم ..
الشيء الرابع/ عندنا واحد من الي مغني الله عليهم الله يستر عليه تدرون هذا وش قصته هذا الله يسلمك عنده مزرعة بالنفود تبي تقولون وش دخلك فيه بعد لا الرجال بكيفه والله يرزقه ويزيده بس سووا شيء اقسم بالله لو انه ابوي كان سويت عليه حجر تدرون وش سوى قام وبنى جدار اقرب ما له سور الصين العظيم لا احد يضحك هذا الي صار اقسم بالله زين له جدار وش كبره وين حاطه على نفود وشوله شكل بس يعني لو بانيه عشان يبني فوقه بيت ولا شيء زي كذا كان نقول مو مشكلة لكن كذا شكل وبس تدرون وش الي قاهرني هالفلوس الي ضاعت مو حرام طيب عندك فلوس ما تدري وين تحطها شف المجاعات الي بأفريقيا يا شيخ ناس ما تلقى الي تاكله حتى من الزبايل ما تلقى ليه لأن كل الناس يدورون بها ويخلص الي بها على طول يعني يا تجارنا ليه بدال ما تضيعون هالفلوس سووا بها اعمال تلقونها عند ربكم كالجبال تنفعكم بالدنيا والاخرة سووا بها دعم للعلماء والدعاة شوفوا بأفريقيا عملية التنصير بس ما فيه دعم للدعاة المسلمين قدام هالعملية .الله يسهل ..
الشيء الخامس/ تبرعاتنا الحين اغلبها للبرا يعني العارق فلسطين وغيرهم طيب الله يجزاهم خير هالي يتبرعون طيب انت شفت الي بحارتك يمكن فيه ناس يستحقون هالتبرعات وفي امس الحاجة لها الفلوس ليش تبرعاتنا تصير كلها للي برى والي عندنا ما نعطيهم شيء او نعطيهم شيء ما يسد الجوع اسألكم بالله هذولا مو بكرة يبي يطلعون ناقمين على المجتمع وعلى الناس وعلى البشر كلهم وكله ليش عشان تبرعاتنا ما عطيناهم منها طيب مو القريب اولى من البعيد....
الشيء السادس / الحين الأحذية وانتم بكرامة الي يدخل المسجد يشوف هالشكل المقزز او سمه زي ما تبي شكل اقسم بالله يدل على تندي واضح في اساسيات الثقافة البسيطة يعني لو ما فيه دولاب حق الاحذية كان اقول معذورين لكن المشكلة عندنا الدواليب موجودة بس ما تلقى الا واحد والا اثنين هم الي حاطين نعالهم وانتم بكرامة والي باقي وين حاطينها على الارض طيب وش يبي يضركم اذا حطيتوا نعالكم بهالدولاب لكن وش تقول الله يهدي الجميع..
الشيء السابع/ صالات الانتظار بكل مكان تلقاها فاضيه ليه لأن الناس واقفين بالسيب ليه عشان ما يروح عليه الدور يعني الناس ما عندها احترام للدور يعني الي ما ياقف بها السيب ترى يبي يروح عليه الدور انا مرة قلت خلني اسوي نفسي محترم وابجلس بصالة الانتظار تصدقون محد عبرني يعني لو اني بقيت جالس بالصالة كان انتهى الدوام ومحد كلمني ليه لاني الناس على طول جالسين بالسيب وما فيه اي احترام للدور طيب يا ناس تحسون بالحركة هذي شجاعة وانكم قوين قسم بالله انها حركة بايخة وما يسويها الا واحد منحط بكل شيء....
صراحة ادري اني طولت عليكم بس هذا شيء واقع لازم نتكلم عنه اتمنى من الجميع الى عنده مثل هالحركات يحطها هنا خلونا نتناقش فيها ونضع لها حلول اتمنى من الجميع التفاعل....
ولي عودة للاضافة...
السلام عليكم
الموضوع طويل بس اتمنى من كل واحد يقراه للاخر...
الصراحة كل ما جيت اكتب هالموضوع كل ما لها داعي لأني مني من الناس الي على قولتهم سوداويين النظرة يعني الي يناظر السلبيات وبس لكن يوم راجعت حساباتي لقيت ما فيها شيء لو جلسنا نعدد اخطائنا لان الشخص مهو معصوم وخصوصا فيه أخطاء واضحة وتأثيرها المشلكة مو على الشخص نفسه لا يتعدى تأثيرها على الجميع فهنا لازم ننبه بعضنا على هالاخطاء ...
بس الجد أنا شفت اليوم موقف خلاني اتحمس عشان اكتب هالموضوع....عاد الحين ابسرد هالمواقف الي احس ان لازم نعدل من وضعها...
اولاً/اليوم وأنا نازل للمسجد ابصلي التراويح بالعادة المواقف وشولن طريقتها المعروف ان يصير سيارتين متقابلتين وبعدين ممر بسيط عشان الي يبي يمر من السيارات اكيد هذا الي تشوفونه المشكلة اليوم وش الي صار أقسم بالله تقل منتب بمواقف لا كانك بمعرض سيارات السيارات مرصوصة رص تخيل بدال سيارتين لا اربع سيارات طيب أسألك بالله الحين ياللي حديت هالناس وش ذنبهم انك تجي وتحده ذنبه الوحيد انه جا مبكر وحصل موقف قريب وحلو وانت جاي متاخر والي يقهرك بعد انه شوي ويوقف السيارة بمحراب المسجد مهوب بالمواقف يعني على قولتهم فوق الشين قوي عين جاي متاخر ويبي موقف قريب طيب افهق"يعني ابعد " موترك شوي ومغط رجيلاتك شوي ...طبعا هذا مو بمواقف المسجد وبس تلقاه وللأسف بكل مكان ما ادري وش هالقناعة الي عند الناس....
الشيء الثاني/المطبات الحين الي يشوف هالمطبات اقسم بالله يقول تقل بسباق تخطي حواجز مهوب بشارع يعني من جد ما فيه اي مراعاة لحقوق هالمسيكين هالمواطن المشكلة تدري وين الي ماسك المشروع حق االزفلت يروح ويقول للعامل رح سولك هنا مطب وبس طيب قله لا يتعدى ارتفاعه كذا ولا يصير كذا....ولا تحطه زي الشكل هذا ....لا ما فيه شيء من هذا يصير يجيك هالعامل ويحط على كيفه عاد توهق بها انت خصوصا اذا كانت سيارتك من النوع الصيغر زي الكامري والكورولا وغيرها يا عمري عمرها تحك من تحت وحالك حالة ومن المسؤول محد ....
الشيء الثالث/فائض الميزانية ....طبعا هنا ما ااتكلم عن ميزانة الدولة لا اتكلم عن موقف صار معي يعني كمل قبل لا تحكم على كلامي هذا الله يسلمك مرة من المرات بديرتنا المهم لقيتهم قايمين وحايسين الرصيف قلت يمكن تمديد مواصير مويه ولا شيء زي كذا يعني متعودين على هالشيء المهم جلست ارقبهم الين خلصوا الشغل تدرون وش سووا بكل هالصجة عقب ما شالوا الرصيف وحاسوا الشارع راحوا سووا الرصيف من جديد بس تدرون ليه كل عشان ينقصون خمسة سنتي من جهة وخمسة سنتي من الجهة الثانية انا هنا اقسم بالله بغيت اتوطى ببطن العامل الي جالس يشتغل يعني حراااااااااام كل هالفلوس تروح على حركة ما لها داعي يعني مهوب ضار شيء اذا ما زدتوا هالعشرة سنتي انا ما خشت مزاجي هالحركة فرحت اكلم واحد له علاقة قوية بحقين البلدية تدري وشوله سووا هالشيء ...يقول هذا الله يسلمك الي فائض من الميزانية المقررة للبلدية وبدال ما يرجعونها للميزانة العامة حقت الدولة قاموا وسووا هالمشروع العظيم ....اقسم بالله مهزلة ما بعدها مهزلة حرااااااام والله حرااااااام تضيعون هالفلوس بمثل هالاشياء يا شيخ خلها تزود الميزانية الباقي رجعه للميزانية العامة ليش تروح وتضيع المال العام بمثل هالاشياء .بس وش تقول الله يهديهم ..
الشيء الرابع/ عندنا واحد من الي مغني الله عليهم الله يستر عليه تدرون هذا وش قصته هذا الله يسلمك عنده مزرعة بالنفود تبي تقولون وش دخلك فيه بعد لا الرجال بكيفه والله يرزقه ويزيده بس سووا شيء اقسم بالله لو انه ابوي كان سويت عليه حجر تدرون وش سوى قام وبنى جدار اقرب ما له سور الصين العظيم لا احد يضحك هذا الي صار اقسم بالله زين له جدار وش كبره وين حاطه على نفود وشوله شكل بس يعني لو بانيه عشان يبني فوقه بيت ولا شيء زي كذا كان نقول مو مشكلة لكن كذا شكل وبس تدرون وش الي قاهرني هالفلوس الي ضاعت مو حرام طيب عندك فلوس ما تدري وين تحطها شف المجاعات الي بأفريقيا يا شيخ ناس ما تلقى الي تاكله حتى من الزبايل ما تلقى ليه لأن كل الناس يدورون بها ويخلص الي بها على طول يعني يا تجارنا ليه بدال ما تضيعون هالفلوس سووا بها اعمال تلقونها عند ربكم كالجبال تنفعكم بالدنيا والاخرة سووا بها دعم للعلماء والدعاة شوفوا بأفريقيا عملية التنصير بس ما فيه دعم للدعاة المسلمين قدام هالعملية .الله يسهل ..
الشيء الخامس/ تبرعاتنا الحين اغلبها للبرا يعني العارق فلسطين وغيرهم طيب الله يجزاهم خير هالي يتبرعون طيب انت شفت الي بحارتك يمكن فيه ناس يستحقون هالتبرعات وفي امس الحاجة لها الفلوس ليش تبرعاتنا تصير كلها للي برى والي عندنا ما نعطيهم شيء او نعطيهم شيء ما يسد الجوع اسألكم بالله هذولا مو بكرة يبي يطلعون ناقمين على المجتمع وعلى الناس وعلى البشر كلهم وكله ليش عشان تبرعاتنا ما عطيناهم منها طيب مو القريب اولى من البعيد....
الشيء السادس / الحين الأحذية وانتم بكرامة الي يدخل المسجد يشوف هالشكل المقزز او سمه زي ما تبي شكل اقسم بالله يدل على تندي واضح في اساسيات الثقافة البسيطة يعني لو ما فيه دولاب حق الاحذية كان اقول معذورين لكن المشكلة عندنا الدواليب موجودة بس ما تلقى الا واحد والا اثنين هم الي حاطين نعالهم وانتم بكرامة والي باقي وين حاطينها على الارض طيب وش يبي يضركم اذا حطيتوا نعالكم بهالدولاب لكن وش تقول الله يهدي الجميع..
الشيء السابع/ صالات الانتظار بكل مكان تلقاها فاضيه ليه لأن الناس واقفين بالسيب ليه عشان ما يروح عليه الدور يعني الناس ما عندها احترام للدور يعني الي ما ياقف بها السيب ترى يبي يروح عليه الدور انا مرة قلت خلني اسوي نفسي محترم وابجلس بصالة الانتظار تصدقون محد عبرني يعني لو اني بقيت جالس بالصالة كان انتهى الدوام ومحد كلمني ليه لاني الناس على طول جالسين بالسيب وما فيه اي احترام للدور طيب يا ناس تحسون بالحركة هذي شجاعة وانكم قوين قسم بالله انها حركة بايخة وما يسويها الا واحد منحط بكل شيء....
صراحة ادري اني طولت عليكم بس هذا شيء واقع لازم نتكلم عنه اتمنى من الجميع الى عنده مثل هالحركات يحطها هنا خلونا نتناقش فيها ونضع لها حلول اتمنى من الجميع التفاعل....
ولي عودة للاضافة...
.. حتى تصرف ..
تعليق