ابشروا بالوظائف ياطلاب المختبرات!!

[azozi]

هاذي اول مشاركه لي واتمنى ان تحوز على رضاكم...حبيت اطمئن جميع طلاب المختبرات العرب وخصوصا علوم طبيه (جامعة الملك سعود) ...بأن هناك وضائف عديده متوفره وبما اني كنت طالبا في هذه الكليه اقول لكم عليكم الاجتهاد فإن القسم في تطور مستمر وايضا له مستقبل باهر فجميع التخصصات
لها اهميتها ...تمنياتي لكم بالتوفيق والازدهار:sm188:

[lab.com]

حياك الله عزوز , والحمد لله انه فيه وظائف ...

شكرا لك

[HIV]

هلا والله اخوي بك في المنتدى......
وماشاء الله اول مشاركه حلوه >>>>>> فيها تشجيع

بالنسبه الى التوظيف .....
نعم بالفعل قاعدين يوظفوا ..وفي وزاره الصحه عندها اماكن شاغره بس لازم تجلس مابين 3 شهور الى سنه وشويه بعد طبعا انت وحظك...
كما يمكن التقديم في القطاع الاخرى(المستشفيات العسكريه،المستشفيات الجامعيه، مستشفيات التخصصيه) وحتى في المستشفيات الخاصه ولكن اكثر المستشفيات الخاصه رواتبها منخفضه ولذلك الناس ماترغب لها....

وخصوصا علوم طبيه (جامعة الملك سعود)

ويش قصدك؟؟
قصدك ان جامعه الملك فيصل بلوشي

بالنسبه الى التوظيف في وزاره الصحه مافي فرق بين الجامعات السعوديه ...وحتى الا القطاعات الثانيه ..
وطبعا ماشفت الا في مستشفى سعد الصانع التخصصي انه كاتب في اعلان كان موجود في الجريده
انه في وظائف للمختبرات والاولويه الى جامعه الملك فيصل

سلاااااااام

[فيصل]

أخبار جميلة و أيجابية

صراحة لما قالت لي أحد الاخوات هنا بالمنتدى انها هي و الدفعة التي قبلها لم يتوظف أحد تفاجأت وكان المستشفيات مليانه بالاخصائيين !

HIV....

بس لازم تجلس مابين 3 شهور الى سنه وشويه بعد طبعا انت وحظك...

غريبة ايش السبب ؟

مستشفى سعد الصانع التخصصي انه كاتب في اعلان كان موجود في الجريده
انه في وظائف للمختبرات والاولويه الى جامعه الملك فيصل

وين يقع هذا المستشفي ؟ اكيد عندكم بالدمام بس بصراحة ما الومهم لانهم عارفين ان التدريب بجامعة الملك سعود سيئ للغاية و وضع الكلية اسوء و اسوء اما انتم تدربوا بالمستشفي وهذي نقطة قوتكم يعني فرق السماء عن الارض اما حنا متى نشوف المستشفي ؟ في المستويات الاخيره للاسف ...

[رائد فرزان]

مرحبا فيك مستر عزوز واشكرك على الاستجابة لطلبي
منت منتدى الجامعة وتوجهك لمختبرات العرب منتدى زملائك
من الكلية ومن جامعات المملكة ومشكور على التشجيع
واسال الله ان يوفقك

تحياتي

[white falcon]

هلابك اخوي عزوز

لاتصير مندوب وزارة الصحة

اول شي ياحبيب قلبي الوظائف كثيرة ومحد قال انها قليلة

لكن وش مميزات هذي الوظائف ؟؟ وهل يعينونك على شهادتك ؟؟ اخصائي !!

انا اعرف طلاب من الدفعة اللي قبلنا ماتوظف منهم الا 7 او 8 في المستشفيات اللي تعطي اخصائي ورواتبها عالية وهذا مبتغى الخريجين

ام البقية فلسى ماتوظفوا والسبب المشكلة هذي ومنهممن دخل عسكرية

موجود وظائف كثيرة بالجامعي ووزارة الصحة برضوا بس مايبون يقدمون عليها

ووزارة الصحة يبي لك اقل شي 6 شهور تقدم على الديوان وترسل اوراقك لمدري وين وبعد كذا اذا فيه ارقام ييتم التوظيف عليها وتحديد المستشفى الشغغلة تطول

المهم محد ماخذ رزق غيره والارزاق مكتوبة لك قبل ماتنولد

ماعليك الا العمل بالاسباب والدعاء

شكرا لك

[HIV]

اخوي ارابز لاب....
دفعتين من تخصص المختبرات ماتوظفوا غريبه والله !!!!
انا دائما اسال الموظفين الموظفات الجدد على المده الي جلسوها ...طبعا الي شغالين مع وزاره الكحه
اقل شي سمعته 3 شهور واكثر شي سنه وشهرين..
وللاسف التوظيف عشوائي يعني بدون مايعملوا حسابات للمعدل التراكمي او سكنك للنفس المدينه...
فمثلا اعرف واحد بتاع الكليه الصحيه دخل بواسطه الكليه واتخرج بعد 4 سنوات بتقدير مقبول وبعدين يتوظف في احد المستشفيات المعتمد والمركزيه وزميله بامتياز وظفوه في مستشفى يبعد عن بيتهم 250 كيلو

بصراحه المستشفيات الي تقدر راعي البكالوريوس هي المستشفيات العسكريه ...
واحسن شي في المستشفيات الجامعيه انك تاخذ اخصائي مختبر وانت محلك

اما بالنسبه الى مستشفى سعد فهو يقع في الخبر قرريب الى المستشفى الجامعي ...وايضا الجامعه
علما انه طلب قسم الطب والمختبرات والتمريض وطلب الاولويه الى جامعه الملك فيصل...
يعني مو بس المختبرات

المهم محد ماخذ رزق غيره والارزاق مكتوبة لك قبل ماتنولد

ماعليك الا العمل بالاسباب والدعاء

سلمت اناملك ياولد
سلااااااام

[MBSc. Mohammad]

أخوي عزوز حيـــاكـ الله بيننا

الوظائف موجودة بإذن الله

بالنسبة لطلاب جامعة القصيم توظفوا تقريباً كلهم بس غالبيتهم يتوظف فني مع أقدمية ويحول بعد سنة أو سنتين هو وحظه إلى أخصائي .... وفي ناس حولت إلى أخصائي بعد 6 شهور وأعرفهم شخصياً

وزراة الصحة توظف بعد 3-6 شهور حسب معلوماتي بسبب أجراءات التوظيف الروتينية
أيضاً مافي فرق عند الديوان بين الجامعات الحكومية السعودية

والله أعلم

[azozi]

السلام عليكم جميعا ..حبيت ازيد على موضوع(ابشروا بالوضائف ياطلاب المختبرات)وبعض الردود...بالنسبه للوضائف مافي شي يجي بالراحه ..هو فيه وضاااائف متوفره كثير ه بعد..بس اجراءات التوضيف تاخذ وقت طويل وهاذي ماأعتقد انو فيها مشكله يعني اقصد شي روتيني احنا نتكلم عن وضيفه ترا..انا بالنسبه لي متوفر لي في اربع اماكن ومضمونه منها مدينة الملك فهد الطبيه ومستشفى الجامعي واجراءات التوضيف على وشك الانتهاء.. انا من وجهة نضري ومن تقديمي للمستشفيات الوضائف مافيها مشكله لعشر سنوات قدام صدقوني...بس المشكله في اختيار المستشفى يعني كل مستشفى له مزايا يعتمد هل انت تبغى بعثه والا لا؟ هل انت تبغى راتب قوي بس كرف او تبي راحة البال وعلاوه كويسه على الديوان....يعني يعتمد على امور كثيره والواحد مايدري وين الخيره فيه.وبالنسبه للأخ اللي يقول تدريب جامعة الملك سعود سيئ ماأدري على اي اساس قلت كذا بالعكس التدريب اصلا يعتمد على المستشفى اللي انت موجود فيه وانا اعتقد ان كلية العلوم الطبيه تخرج افضل طلاب مختبرات مع احترامي لباقي الكليات وهذا الشي اصلا معروف وانا اقولك صحيح في تقصير بالخطه الدراسيه لبعض التخصصات مثل الكميستري بس هذا شي عادي وطبيعي ولكن بشكل عام التدريس ممتاز وبعدين ترا يعتمد على الطالب في الاخير اذا هو مجتهد ومهتم في دراسته راح يكون من افضل الطلاب حتى مع بداية التدريب ...والكليه بصدد الانتقال الى مبنى جديد مجهز وسمعت ايضا ان فيه تغيرات بتصير خصوصا بعد ماغيروا مدير القسم جزاه الله الف خير ... هذا تقريبا اللي بغيت اوضحه.......وشكرا:sm188:

[فيصل]

وبالنسبه للأخ اللي يقول تدريب جامعة الملك سعود سيئ ماأدري على اي اساس قلت كذا بالعكس التدريب اصلا يعتمد على المستشفى اللي انت موجود فيه

الاخ الي قالك هالكلام هو أنا

لكن أنا ما أقصد التدريب في المستشفي لانه شئ بديهي ان التدريب من مستشفي لاخر يختلف , ما أعنيه هو خلال الدراسة العادية , كنت اعتقد نفس اعتقادك لكن للاسف بعد ان تعرفنا على الاخوه من بقية الجامعات بالذات الملك فيصل عرفت أننا لا نعتبر شئ أمامهم ! ما يحتاج أطلعك لك الفضايح و خل الطابق مستور يكفي وضع كم موضوع يبين مساوئ الكلية , على كل حال الامل بالله ثم بالانتقال للمبنى الجديد على الاقل و المتوقع راح يكون فيه لابات مجهزه أفضل تجهيزه و أمكانيات دراسية أفضل و أعلى ... حنا ما نكره الخير لكليتنا لكن الاعتراف بالخلل و النقص هو أول خطوات التصحيح ...

فيه تغيرات بتصير خصوصا بعد ماغيروا مدير القسم جزاه الله الف خير

الدكتور خالد الحربي فيه كل خير و ما يقصر ابداً في تطوير القسم لكن اتوقع (الشق أكبر من الرقعه) و الحل للكثير من المشاكل بالانتقال للمبني الجديد بأعتقادي المتواضع.

هذه وجهة نظر و أتمنى أن تكون أقرب للصواب و حياك الله

[رغد]

ممكن تخبروني عن المستشفيات التي تبع الوزارة الصحة
من ناحية الدوام والرواتب ؟
وشكرا

[HIV]

اولا اهلا بك اختي في المنتدى
بالنسبه الى الفلووووس
اول راتب بالنسبه الى حاملي البكالوريوس يكون 6700 ريال وزياده الشهريه اول سنتين تكون 200 او 300 ريال

بعد كم سنه تحصل على الاخصائي ويكون الراتب موزون مع الراتب الي تحصلي عليه في درجه الفني
ويقف الراتب على 16 الف...اما الفني فيقف على 12 او 14 الف ماتذكر بصراحه بالضبط كم

اما بالنسبه الى الدوام ...
على حسب المستشفى والللاب نفسه بس يكون عادة مريح في في الشغل...
والدوام من 7،30 الى 4.30 وخميس وجمعه اوف الا اذا كان في شفتات فبيكون في دوام بعض الاسابيع الخميس او الجمعه مع اجازه يومين خلال الاسبوع

[moveo=left]سلاااااااااااااااااااااام[/moveo]

[رغد]

مشكور على هذة المعلومات

[DelloCocci]

وخصوصا علوم طبيه (جامعة الملك سعود)

:sm188:

الله يطمنك بالخير

محتاجين عبارات تحفزنا

وإن شاءالله نكون وضعنا أقدامن بالطريق الصحيح ..

[Brave Heart]

مرحبا خيوة

والله رفعه المعنويات بعد تحطيم بعض الناس


يعني مافيه خوف من المدير يعني ان رفع صوته فقعت راسه ببايبت ونقلت على اقرب مشفى ثاني:sm187:


ايه كذا الحريه ولابلاش................((اياني واياك تخليني قدوك والله تروح فيها :sm198:

شكرللك اخوي ثانيه