المساعد الشخصي الرقمي

مشاهدة النسخة كاملة : اخبار الاختبارات .. تعال وسجل انطباعاتك ..

الغزال الشارد
22-01-2007, 08:26 PM
مرااااااااااااحب يامختبراتجيه


كيفكم ان شاء الله تمام ومناح


طبعا انا عارفه ان الاسبوعين الكل منشغل ومغتث بالاختبارات

وعاد دكاترتنا مايقصرون بالكرفه


فكرة الموضوع انك تدخل وتسجل انطباعك عن الاختبار


تسال عن شي اذا قبل


طبعا هالموضوع للتواصل

ولتفريغ الشحنات الزائده

وعلشان الناس الفاضين يدخلون ويدعون لنا بالتوفيق



ولكم كل تمنياتي الحاره بالتوفيق بالاختبارات
الغزال الشارد
22-01-2007, 08:29 PM
طبعا اليوم الاثنين


خلصت اول اختبار مع الدكتور طلعت

ما ادري يمكن خبصت شوي

بس حاسه اني مرتاحه وربي يستر من اخر هالراحه

وبنفس الوقت


قدمت بحثي التخرج وافتكيت من همه

وبهذا الصدد >>> حلوه دي :)

حابه اشكر كل من ساعدني بالموضوع

وخصوصا وايت فالكون وارب لابز وماننسى طبعا اختنا المتميزه الواقع والحياد

اشكركم على دعمك لي :)


وبالتوفيق للجميع ان شاء الله
العملاق
22-01-2007, 09:49 PM
بسم الله الرحمن الرحيم . بالنسبة أنطبعي للأختبارات , فأول اختبار كان يعني يمشي الحال, ولكن عندي مشكلة اعاني منها وهي قلت تركيزي في المذاكرة أريد من الجميع يساعدني في حل هذة المشكلة وأخيراً ادعو الله أن يفرج عني همي وكربتي وعن هموم و كرب أخواني وأخواتي.:sm188:
HIV
22-01-2007, 11:52 PM
وعلشان الناس الفاضين يدخلون ويدعون لنا بالتوفيق

احم احم ...تقصدي من ؟؟ ض1

الله يوفق جميع الطلاب والطالبات .... ونتمنى منهم الاستمرار في المذاكره والجهد والتركيز ...لازم بيجي يوم التخرج وبتقولوا واااااااو كنا نتعب كثير وها حصلنا الثمر ض1

ولكن عندي مشكلة اعاني منها وهي قلت تركيزي في المذاكرة أريد من الجميع يساعدني في حل هذة المشكلة وأخيراً ادعو الله أن يفرج عني همي وكربتي وعن هموم و كرب أخواني وأخواتي.

اخي هناك تفاوت في قدره التركيز بين الطلاب ....
ولكن انت احسبها عدل ....كيف؟؟

في بعض المواضيع مثلا تلاحظ ان احد زملائك يفهم هذ الموضوع في ساعه واحده... ولكن هناك زميل اخر يفهم نفس الموضوع هذا في ساعتين...وهذه حقيقه ولكن ليست عيب

بهذه الطريقه يجب على الزميل الاخير ان يذاكر اكثر من ساعتين على شان يتغلب على الزميل الاول...

وهذه طبعا من واقع التجربه لي ...

سلاااااااااام
Reemkj
23-01-2007, 12:11 AM
Dr Talaat ?????????


what does he teach ?


?
رائد فرزان
23-01-2007, 03:13 AM
د. طلعت يدرسنا بيسك مايكروبيولوجي . ماشاء الله عنده دكتوراة في الميكرو
والبيوكيمستري ..

غزال .. الله يوفقك ويعيننا على الامتحانات

عملاق .. يا رجل ربك يفرجها توكل على الله :)
the boss
23-01-2007, 08:48 AM
العملاق (خلك من الحب)
الغزال طلعت حبيب وترى يدف لاتخافين
المنسي رح ذاكر وخلك من المنتدى
hiv صدقني انك حلاوه المنتدى
ArabsLAB
23-01-2007, 11:49 AM
الله يوفق الجميع , و إن شاء الله نشوف الجميع يحصل على معدلات مرتفعة :)

أما الدكتور طلعت هو دكتور Microbiology في جامعة الملك سعود ماخذ بروفيسور في البكتريولوجي حسب علمي ايضاً حاصل على شهادات (لا اعلم هي دبلوما او دكتوراه) في البيوكمستري لارتباطها بعلم البكتيريا حسب قوله .. :)

فعلاً هذا الشخص علم وأخلاق رفيعه وايضاً خفة دم ض1

بالتوفيـــق للجميع , :) .
الغزال الشارد
23-01-2007, 12:10 PM
بسم الله الرحمن الرحيم . بالنسبة أنطبعي للأختبارات , فأول اختبار كان يعني يمشي الحال, ولكن عندي مشكلة اعاني منها وهي قلت تركيزي في المذاكرة أريد من الجميع يساعدني في حل هذة المشكلة وأخيراً ادعو الله أن يفرج عني همي وكربتي وعن هموم و كرب أخواني وأخواتي.:sm188:



هلابك اخوي

بالنسبه لقلة التركيز ما اتوقع هي مشكله عنك لوحدك

انا من الناس الي يتشتت تفكيري اثناء المذاكره واحاول الهي نفسي باي شي


بس الواحد لما يحس ان وراه هدف وان في ناس يتمنون منه الافضل فهو يحاول يركز علشانهم


ان حدد وش تبي بالضبط

واذا انت تبي تجيب معدلات حلوه بتحاول قد ما تقدر تركز

يمكن زي ماقال اخوي في قدرات فرديه تفرق بين شخص وشخص

بس بالاخير لكل مجتهد نصيب

وبالتوفيق لك
الغزال الشارد
23-01-2007, 12:11 PM
احم احم ...تقصدي من ؟؟ ض1

الله يوفق جميع الطلاب والطالبات .... ونتمنى منهم الاستمرار في المذاكره والجهد والتركيز ...لازم بيجي يوم التخرج وبتقولوا واااااااو كنا نتعب كثير وها حصلنا الثمر ض1



اخي هناك تفاوت في قدره التركيز بين الطلاب ....
ولكن انت احسبها عدل ....كيف؟؟

في بعض المواضيع مثلا تلاحظ ان احد زملائك يفهم هذ الموضوع في ساعه واحده... ولكن هناك زميل اخر يفهم نفس الموضوع هذا في ساعتين...وهذه حقيقه ولكن ليست عيب

بهذه الطريقه يجب على الزميل الاخير ان يذاكر اكثر من ساعتين على شان يتغلب على الزميل الاول...

وهذه طبعا من واقع التجربه لي ...

سلاااااااااام


هلا خيو

من زمان عن فلسفتك

اقول لو اقولك الي على راسه بطحه يحسس عليها تمشي :)

والله يججيب يوم التخرج ونفتك

هانت على قولتهم ..

وانت لا تنسانا من دعواتك الحلوه

الا على فكرة خلصت امتياز ولا لسا ..
الغزال الشارد
23-01-2007, 12:18 PM
Dr Talaat ?????????


what does he teach ?


?

اهلين خيتو

اتوقع الشباب ماقصرو وقدمو الاجابه بخصوص البروف طلعت :)
الغزال الشارد
23-01-2007, 12:27 PM
العملاق (خلك من الحب)
الغزال طلعت حبيب وترى يدف لاتخافين
المنسي رح ذاكر وخلك من المنتدى
hiv صدقني انك حلاوه المنتدى

هلابك خيو

وبالنسبه للدف انا مابي الدف الله يهديك

درجاتي حلوه عنده مابيها تنحاس :)

وهو حليل معنا ويقول اننا شاطرين
عساه بس يعطينا معدلات زينه ..:)
الغزال الشارد
23-01-2007, 12:31 PM
الله يوفق الجميع , و إن شاء الله نشوف الجميع يحصل على معدلات مرتفعة :)

أما الدكتور طلعت هو دكتور Microbiology في جامعة الملك سعود ماخذ بروفيسور في البكتريولوجي حسب علمي ايضاً حاصل على شهادات (لا اعلم هي دبلوما او دكتوراه) في البيوكمستري لارتباطها بعلم البكتيريا حسب قوله .. :)

فعلاً هذا الشخص علم وأخلاق رفيعه وايضاً خفة دم ض1

بالتوفيـــق للجميع , :) .


هلابك خيو

وبالنسبه للدكتور فهوم ماعليه كلام من جد

الله يديمه على هالحال الين مانتخرج ان شاء الله

والله يوفق الجميع ان شاء الله


الا على فكرة
انا بسالكم
مين الدكتور السعودي الي يدرس هيماتولوجي
وهل هو حليل ولا لاء :)
الغزال الشارد
23-01-2007, 12:33 PM
د. طلعت يدرسنا بيسك مايكروبيولوجي . ماشاء الله عنده دكتوراة في الميكرو
والبيوكيمستري ..

غزال .. الله يوفقك ويعيننا على الامتحانات

عملاق .. يا رجل ربك يفرجها توكل على الله :)




هلابك خيو

الله يوفقك الجميع ان شاء الله ويعيننا كلنا على هالبلوه

بس انتم شكلكم مابعد بديتوا

الله يعيننا حنا هالاسبوع ضغط بقوه ..
ArabsLAB
23-01-2007, 12:53 PM
مين الدكتور السعودي الي يدرس هيماتولوجي
وهل هو حليل ولا لاء

الحقيقة ما درسني الا الان ... لكن أعرف بعض الزملاء يمدحونه بشكل كبير و أخلاقه مع طلابه رائعة .

يعني بشكل عام يمدحونه ويذكرونه بالخير ..

هذا الي أعرفه عنه , و أن شاء الله يسد الفراغ الحاصل بعد أولو و يكون أحسن منه ..

:)
اولو بن حفيظ الله القرش
23-01-2007, 04:28 PM
ميت اهلا وسهلا بالشباب والصبايا

والله بالنسبه لموضوع الاختبارات احنا خلصنا العملي والسلم

وان شاء الله انها كويسه بس باقي الاهم

وبالنسبه لطعت القرش فانا ما ارضى ان احد يعتدي عليه

بكيل الاتهامات وبتشوفين يا غزوله كيف الدف في الدرجات

الله يوفق الجميع

والوعد ارتفاع المعدل او انخفاضه

:sm187:
الغزال الشارد
23-01-2007, 04:55 PM
الحقيقة ما درسني الا الان ... لكن أعرف بعض الزملاء يمدحونه بشكل كبير و أخلاقه مع طلابه رائعة .

يعني بشكل عام يمدحونه ويذكرونه بالخير ..

هذا الي أعرفه عنه , و أن شاء الله يسد الفراغ الحاصل بعد أولو و يكون أحسن منه ..

:)


اهلين خيو

بصراحه هو وقف يكلمنا امس

وبجد كان اسلوبه حلو

يعني على غير العاده دكتور سعودي وياخذ ويعطي باريحيه مع الطالبات ولا مايعرفهم حتى

بس هو الي قلط علينا :)

وياريت يقدر يدرسنا الترم الجاي ازين من الي عندنا :(
الغزال الشارد
23-01-2007, 04:58 PM
ميت اهلا وسهلا بالشباب والصبايا

والله بالنسبه لموضوع الاختبارات احنا خلصنا العملي والسلم

وان شاء الله انها كويسه بس باقي الاهم

وبالنسبه لطعت القرش فانا ما ارضى ان احد يعتدي عليه

بكيل الاتهامات وبتشوفين يا غزوله كيف الدف في الدرجات

الله يوفق الجميع

والوعد ارتفاع المعدل او انخفاضه

:sm187:


اهلا وسهلا

اقولك اولو

مين بق بطن مين

رح اسال الكتور عني

على قوله الشهيره بالمنازعه بمين بق بطن مين :)

بس في سؤال يسدح نفسه

انت مو لفل 5

يعني اول سمستر يدرسك فيه الدكتور

فمن وين بتعرف انه انواع الف وانت ماجربت

ترى الميدات ماتهم احس

اهم شي الفاينل ووش يجيك بالاخر >>>>>متعقده

بعدين حنا ماتعدينا

بالعكس نمدحه :) وهو يستاهل


وبالتوفيق للجميع ان شاء الله
قمر
23-01-2007, 08:16 PM
اهليييييييين
كيييييييفكم ياشباب وصبايا
وكيف الامتحانات معاكم؟؟
انا اليوم خللللللصت امتحاااااااااااااااااااااان دكتور طلعت....مستوى تاسع
والله داخلين اليوم الامتحان..ومعتمدين على معلوماتنا اللي نتذكرها من المحاضرات..
والحمدلله كااان حلوووو..
ياحبي له هالدكتور:sm199:
.جاب لنا اغلب الاسئله من اسئله الشهر الاول والثاني...يعني كانت اغلبها مكرره:sm197:
وعلى مذاكرتنا كااانت الاسئله حلوووه
واهم شييي قدمت بحث تخرجي وخللللللللصت:sm174:
الحمدلله
باااقي لي 4 ايااااااااااااام واخلص من اختبارات الجاااااامعه للأبد...
الله يووووفق الجمييييييييييييع يارب
سي يووو
الغزال الشارد
23-01-2007, 09:12 PM
هلا بقموووورررره

اي وصلتني علوم اختباركم انها حلوه

الحمد لله عوضك بالاخر

والله يعطيكم على قد تعبكم


بس ماقلتيلي يالدبا متى قدمتي بحثك :)

وكيف كان انطباع الدكتوره عنه ..
قمر
23-01-2007, 09:15 PM
هلااااااا والله بالغزال ......
قدمته يوم الاحد ...والحمدلله عجب الدكتوره ..
وانتي متى قدمتييييييييه؟؟
وش قالت عنه حضرتها؟؟
رائد فرزان
23-01-2007, 10:54 PM
مين الدكتور السعودي الي يدرس هيماتولوجي
وهل هو حليل ولا لاء

هو الدكتور عثمان آل سعيد والكل يشيد باخلاقة وعلمة نتمنى يكون
موجود لمن تجي المقررات اللي يدرسها

تحياتي
the boss
24-01-2007, 05:04 AM
والله طقيتوها سواليف
هي اصلا السواليف ماتصلح الا ايام الأمتحانات

والله طلعت جاي جاي ولاندري الأختبار بيكون سهل ولا لا

اما بنسبه لدكتور السعودي فهو خلوق جدددداااااااااااااااااااااااا

اولو (صاحب النكبه)

الوعد طلعت انشاء الله انا وانت وابوخلود نفس الدرجه

بلا خيانه عشان نطقم سوا

غزوله صحيح يادافوره ماتحتاجين دف

الله لنا (ماشاء الله عشان ماتقولين حسدني)(امزح مالها داعي يجي الكعب في راسي )
السمرة
24-01-2007, 08:25 AM
وعلشان الناس الفاضين يدخلون ويدعون لنا بالتوفيق


اللهم لاحسد




طيب يا بنت بالتوفيق لك لزملاءك في امتحاناتك



وروحي زاكري >>>>>>>>>>>>>>هههههههههههههههههههههههههههه
the boss
24-01-2007, 12:59 PM
هلا والله سموره
ويننننننن النااااس
من زمان عن المنتدى

احس الصفحه غبرت يوم شفت اسمك
من وين طلعتي


امزح نورتي المنتدى بعودتكي يا اختاه
الغزال الشارد
24-01-2007, 01:00 PM
هلااااااا والله بالغزال ......
قدمته يوم الاحد ...والحمدلله عجب الدكتوره ..
وانتي متى قدمتييييييييه؟؟
وش قالت عنه حضرتها؟؟

هلا بالغلا


قدمته يوم الاثنين

يعني بعدك

ولا علقت ولا قالت شي بصراحه

واذا جيتي للحق احس ولا تقعد تتفلسف علي زي غيري :)
الغزال الشارد
24-01-2007, 01:07 PM
هو الدكتور عثمان آل سعيد والكل يشيد باخلاقة وعلمة نتمنى يكون
موجود لمن تجي المقررات اللي يدرسها

تحياتي


الحين اسمه عثمان

طيب اجل منهو عباس ؟؟؟
رائد فرزان
24-01-2007, 01:16 PM
ايوة ايوة معليش عباس صح عليك انا لخبطت شوية :)
الغزال الشارد
24-01-2007, 01:17 PM
والله طقيتوها سواليف
هي اصلا السواليف ماتصلح الا ايام الأمتحانات

والله طلعت جاي جاي ولاندري الأختبار بيكون سهل ولا لا

اما بنسبه لدكتور السعودي فهو خلوق جدددداااااااااااااااااااااااا

اولو (صاحب النكبه)

الوعد طلعت انشاء الله انا وانت وابوخلود نفس الدرجه

بلا خيانه عشان نطقم سوا

غزوله صحيح يادافوره ماتحتاجين دف

الله لنا (ماشاء الله عشان ماتقولين حسدني)(امزح مالها داعي يجي الكعب في راسي )



هلا خيو


اسكت بس رفعلي ضغطي اليوم طلعت

وانا اذاكر استقبلني باغلاط يقول انها اغلاطي بالاختبار جابلي تحطيم نفسي

لا وبعدها عطاني درجه الفاينل غلط منقصني 5 درجات

بغيت اموت من القهر وبقوه ماكنت مستوعبه

اخر شي رحت قلتله تاكد من الاسم لان في ثنتين

قال والله طيب عطيني الاست نيم ويقول متاكد

وبعدها بشوي دقت وحده من زميلاتي تقولي تعالي طلع الدكتور ملخبط

بس والله قهرني اسلوبه

بس المهم اني انتصرت بالنهايه :)

واذا تبي نصيحتي بعد ماتذاكر ركز على الاسئله حتى السمسترات الي فاتت

لان وحده من البنات هاوشتني بعد الاختبار اني مافتحت ملزمة الاسئله تقول كثير الاختبار جاء منها

واذا صار ماصار وجاني شي

دورتك واخذت من اثرك :)
وترى الموضوع مفتوح علشان نتفقد احوال الرعيه :)
الغزال الشارد
24-01-2007, 01:19 PM
اللهم لاحسد




طيب يا بنت بالتوفيق لك لزملاءك في امتحاناتك



وروحي زاكري >>>>>>>>>>>>>>هههههههههههههههههههههههههههه

خخخخخخخخخخخخخخخخخخخخخخخخخخ


سمورة مانحسدك قلبو خلاص بنلحقك قريب ان شاء الله

بس نقول يعني فرغو وقتكم لنا شوي واكسبو اجرنا بالدعاوي
الغزال الشارد
24-01-2007, 01:23 PM
ايوة ايوة معليش عباس صح عليك انا لخبطت شوية :)


خخخخخخخخخخخخخخخخخخخخخخخ
زاد شككتني بالسالفه :)

يالله ربي يسهلكم

على فكرة شكلكم بتنقلون خلاص السنه الجايه

يالله بيصير من حظكم الكليه الجديده وبتخلون لنا الخياس :)


بس بكل الاحوال انا بخلص معكم :)
الغزال الشارد
24-01-2007, 01:35 PM
اليوم الاربعاء

خلصت ثاني اختبار لي

وكان فايرولوجي مع الدكتور جمال

الدكتور حبوب بس الاسئله مدري ماكانت مرة واضحه

خصوص الشورت نوت ما تدري وش يبي بالضبد


وهذا الي يضيع

مقدر اعلق على حلي

بس نتمنى الخير ان شاء الله
راعي ميكروبات
26-01-2007, 05:53 AM
اللــــــــه يوفــــــــــــق الجميــــــع
الغزال الشارد
27-01-2007, 11:36 PM
اللــــــــه يوفــــــــــــق الجميــــــع


الله يوفق الجميع ان شاء الله

مشكور خيو
the boss
30-01-2007, 10:54 AM
سللللللللللللام وبعد اول اختبار لعمو طلعت

صراحه ما ادري حليت ولا لا احيان احس اني بدعت واحيان احس اني جايب العيد

لكن عموم الأختبار كان سهل

بس اهم شي ان الشباب كلهم يكونون بدعو ا

وبكل صراحه اشكر كل الي ساعدونا اننا نتغلب على صعوبت هذي الماده

وهم بشكل عام

وعلى راسهم اربز لاب

the forgit

lo magore
اولو

حبيب قلبي ice cub:sm198:

د.مناحي

ابوخلود


غزوله مشكوره على نصيحه الأسئله

لو اني ماذاكرتها بس شريتها:sm198:
بسمة خجل
30-01-2007, 12:55 PM
خلصنااااااااااااااا بايو وباثووو
والله يعييييييييييييين ع المايكرو والانسترو

الله يوفق الجميييييييييييييييييييييع
LO MEJOR
30-01-2007, 01:45 PM
حمدالله..ذبينا هم المايكرو
الله يوفقنا في الاختبارات الجايه جميعا.

حبيب البي ذا بوس..ولو ما خدمنا الا غالين..

الله يوفقنا في الاختبارات الجايه جميعا.
الغزال الشارد
31-01-2007, 04:41 PM
سللللللللللللام وبعد اول اختبار لعمو طلعت

صراحه ما ادري حليت ولا لا احيان احس اني بدعت واحيان احس اني جايب العيد

لكن عموم الأختبار كان سهل

بس اهم شي ان الشباب كلهم يكونون بدعو ا

وبكل صراحه اشكر كل الي ساعدونا اننا نتغلب على صعوبت هذي الماده

وهم بشكل عام

وعلى راسهم اربز لاب

the forgit

lo magore
اولو

حبيب قلبي ice cub:sm198:

د.مناحي

ابوخلود


غزوله مشكوره على نصيحه الأسئله

لو اني ماذاكرتها بس شريتها:sm198:



هلابك خيو

اذا على الدكتور طلعت مدري وش اقولك

بس اذا يطمنك فحنا درجات دفعتنا مرة كويسه كانت وبالاصح مرة مرتفعه

يعني بقوه ماقصر معنا

بس انا في كلمة تقرقع بخاطري

وكانك تعرفني ما احب اخلي شي يقرقع بخاطري

اذا كل هالشباب ماشاء الله ساعدوك

من باقي بالقروب ما افتى وتفلسف معك :)


وبالتوفيق لك خيو

وان شاء الله الجاي احلى
الغزال الشارد
31-01-2007, 04:54 PM
خلصنااااااااااااااا بايو وباثووو
والله يعييييييييييييين ع المايكرو والانسترو

الله يوفق الجميييييييييييييييييييييع


هلا

الحمد لل حبوبه خلصتو من ليلى
اتوقع ايديكم انشلت من الكتابه يومها على انها تخفف اسالتها بالفاينل

والله يعينكم على المايكرو
وعلى فكرة ركزو فيه
وبالنسبه لفدوى يقولو بنات 7 انها غيرت طريقة اسئلتها عن الميد
فانتبهو مايندرى وش يجي من وراها

اما سعديه
فالماده سقيمه اولا
هذا عدا ان دكتورة سعديه تدرسها
بقوه ارحم حالكم لانها من اسو المواد الي مرت علي بالقسم
وبجد كنت ابكي ليلة الامتحان لاني على قد ماذاكرتها اكان يرسخ براسي شي
ذكريات هالانسترومنت
وعلى فكرة اتوقع 70% اسئلة عاصف بتتكرر بالنهائي مع فروق ارقام
4 اسئلة مايجيب غيرها
ركزو عليها

وبالتوفيق لكم حبوبه
الغزال الشارد
31-01-2007, 04:57 PM
حمدالله..ذبينا هم المايكرو
الله يوفقنا في الاختبارات الجايه جميعا.

حبيب البي ذا بوس..ولو ما خدمنا الا غالين..

الله يوفقنا في الاختبارات الجايه جميعا.



هلا لو ميجورا

نورت خيو

مبروك على خلاصكم من المايكرو والعبال الباقي ان شاء الله

وان شاء الله تكون نتايجكم حلوه
الغزال الشارد
31-01-2007, 05:01 PM
وواااااااووووووو


طبعا اليوم اربعاء

بجد فله

خلصت مادتين هالاسبوع

وحده السبت والثانيه اليوم

يعني طاح حمل

وماباقيلي الى يوم السبت


ياااااااااااااااااااااااااي

ماده وحده واعطل

بجد انكرفت هالسمستر

النتايج الي قبل طلت وكانت حلوة الى حد ما ولو اني كنت ابي الافضل

بس عدت على خير :)

وان شاء الله نعوضها بالجاي


وبالتوفيق لكم

ادعولي ربي يسهل يوم السبت

لان بجد بايو 8 سقييييييييييييييم
the boss
01-02-2007, 11:10 AM
هلابك خيو

اذا على الدكتور طلعت مدري وش اقولك

بس اذا يطمنك فحنا درجات دفعتنا مرة كويسه كانت وبالاصح مرة مرتفعه

يعني بقوه ماقصر معنا

بس انا في كلمة تقرقع بخاطري

وكانك تعرفني ما احب اخلي شي يقرقع بخاطري

اذا كل هالشباب ماشاء الله ساعدوك

من باقي بالقروب ما افتى وتفلسف معك :)


وبالتوفيق لك خيو

وان شاء الله الجاي احلى




خخخخخخخخخخخخخخخخخخ

حلوه تقرقع

بس فهمتي الموضوع غلط

هم سو مذكره سهلت علينا العناء في المنهج


هذي هي القصه


وبعدين مبرووك على قرب اجازتك حنا تونا مطولين الين يوم الأربعاء الجاي:sm184:


وربنا يسمع منك ونقيب درقات حلوه عند طلعت
قمر
03-02-2007, 12:38 PM
اهليييييييييييييين
كييييييييفكم؟؟
وكيف الامتحااانات معاكم

حبيييت اهنيء الغزال الشاارد لانها خلصوا اليوم
الف الف مبرووووك على الخلاااااااااص
وعقبااال النتيجه الحلوه ان شاء الله

اما المستوى التااااااااسع..باقي لنا يوم واحد..يوم الثلااثاء ان شاء الله ونخلص
اليوم كان امتحااان lab management
قسم بالله ان هالماااده غثثثثثثثثثثه
اول مره تمر علي ماده اكرهها بهالشكل..
اتوقع لاني قدرتي على الحفظ مو مثل قدرتي على الفهم..
وهي ماده كلها حفظ في حفظ
وتخيللوووا بس اربعة اسئلة..وكل سؤال يعني جوابه تكتبين كل المحاضره
اهم شي اننا خلصنا ..وان شاء الله نعدي..
ادعوا لنا بالتوفيييييييييييق

انتوواا كيف اخبااااااركم؟؟
الغزال الشارد
04-02-2007, 12:17 AM
خخخخخخخخخخخخخخخخخخ

حلوه تقرقع

بس فهمتي الموضوع غلط

هم سو مذكره سهلت علينا العناء في المنهج


هذي هي القصه


وبعدين مبرووك على قرب اجازتك حنا تونا مطولين الين يوم الأربعاء الجاي:sm184:


وربنا يسمع منك ونقيب درقات حلوه عند طلعت


ياحبيلي
اصلا كل شي يجي مني حلو >>> بدينا الغرور <<< وسع صدرك وحده معطله تعبر عن شعورها


وان شاء الله ربي يفرحكم بالدرجات الحلوه ويعطيكم على قد تعبكم
الغزال الشارد
04-02-2007, 12:21 AM
اهليييييييييييييين
كييييييييفكم؟؟
وكيف الامتحااانات معاكم

حبيييت اهنيء الغزال الشاارد لانها خلصوا اليوم
الف الف مبرووووك على الخلاااااااااص
وعقبااال النتيجه الحلوه ان شاء الله

اما المستوى التااااااااسع..باقي لنا يوم واحد..يوم الثلااثاء ان شاء الله ونخلص
اليوم كان امتحااان lab management
قسم بالله ان هالماااده غثثثثثثثثثثه
اول مره تمر علي ماده اكرهها بهالشكل..
اتوقع لاني قدرتي على الحفظ مو مثل قدرتي على الفهم..
وهي ماده كلها حفظ في حفظ
وتخيللوووا بس اربعة اسئلة..وكل سؤال يعني جوابه تكتبين كل المحاضره
اهم شي اننا خلصنا ..وان شاء الله نعدي..
ادعوا لنا بالتوفيييييييييييق

انتوواا كيف اخبااااااركم؟؟

هلا والله بالحلوه الي جايه تهنيني

نورتي ياحلوه
والله يبارك فيك الحمد لله افتكينا

واذا على المانجمنت الله يعينكم على هالغثى
بس انا لو منكم ما اسكت
وعلى فكرة مو بس انتي الي صايبتك نفس هالحاله
كل البنات مغتثين
والله يستر علينا منها

والله يوفقكم ان شاء الله

ومبروووك مقدما التخرج :) عقبالينا
الغزال الشارد
04-02-2007, 12:25 AM
ياااااااااااااااااااااااانااااااااااااااااااااااس

ياااااااااااااااااااهووووووووووووووووووووووووو

اناااااااااااااااااااااااااااااااااااااااااااااااا ااااااااااااااااااااااا

عطلللللللللللللللللللللللللللللللللللللللللللللللل للللللت



لولولولولولوولولوولولوولولولولوولولولولووي


:)



بجد شعور ممتع الفراغ :)

يعني ماوراك كتب

مافي ملازم

مافي احد يدق يسال عن تخطييط


محد يسال عن اسئله


يوووووووووووووووووووووووووه

مابغيناا



خخخخخخخخخخخخخخخخخخخخخخخخخخخخخخخخخخ

اليوم مسويه حفله

وشبيكم لبيكم اطلب ويكون بين يديكم

خخخخخخخخخخخخخخخخخخخخخخخخخخخخخخخخخخخخخخخخخخخخخخخ



مبروك لي ولصاحباتي الخلاص

وعقبالكم ان شاء الله

وان شاء الله يتكلل التعب بالمعدلات الحلوه
بسمة خجل
04-02-2007, 11:16 AM
مبرووووووووووووووووووووووووووووووووووووووووووووووك
غزوووله :sm199:
وان شالله درجاتك تطلع حلوه
ويارب معدلك يرتفع
وكلناااااااااااااا يارب

من جد يوم تقولين انشلت ايادينا من الكتابه مع سعديه واسالتها
بس الله كريم ان شالله درجاتنا زينه هذا المهم
احنا اليوم اختبرنا مايكرو فدوى
صراحه اسهل من الميد الاول والميد الثاني
بس في وحده من صاحباتنا ابوها توفى الله يرحمه
فـ ضاق صدري عليها ومدري وش حليت
الله يعينها ويصبرها ويعظم اجرها ويجعل فراقها لوالديها اخر احزانها
الغزال الشارد
04-02-2007, 12:26 PM
مبرووووووووووووووووووووووووووووووووووووووووووووووك
غزوووله :sm199:
وان شالله درجاتك تطلع حلوه
ويارب معدلك يرتفع
وكلناااااااااااااا يارب

من جد يوم تقولين انشلت ايادينا من الكتابه مع سعديه واسالتها
بس الله كريم ان شالله درجاتنا زينه هذا المهم
احنا اليوم اختبرنا مايكرو فدوى
صراحه اسهل من الميد الاول والميد الثاني
بس في وحده من صاحباتنا ابوها توفى الله يرحمه
فـ ضاق صدري عليها ومدري وش حليت
الله يعينها ويصبرها ويعظم اجرها ويجعل فراقها لوالديها اخر احزانها


هلا والله

الله يبارك فيك حبوبه
وان شاء الله الدرجات تكون حلوه لنا ولكم وترتفع معدلاتنا :)

والحمد لله ان الاسئله طلعت حلوه
والله يرحم ابو زميلتكم ان شاء الله
ويعظم اجرها ويصبرهم على ما ابتلاهم يارب
قمر
06-02-2007, 01:24 PM
واخييييييييييييييييييرا خلصت اليوم
اخر ماااااااااااده لي في قسم المختبرات
باركوووووووووا لييييييييييييييييييييي
الحمدلله
ان شاء الله ربي ما يضيع لنا تعب
...............................................
وابااااااااااارك لكل اللي خلصوووووووووووووووا
سيي يووووو
azozi
07-02-2007, 10:17 PM
الف مبرررررررررررررروك اختي قمر ...عقبال الماستر والدكتوراه....الله يوفقك يارب
رائد فرزان
09-02-2007, 09:11 AM
ولله الحمد خلصنا اختبارات اول امس بعد كرف المستوى الخامس وتعب وحجره
خاصة من بعد رمضان قسم بالله كرف ابليس لكن النتايج بدت تظهر نصها وكانت مطمئنة ماعدا
مادتين الله يستر منها .. القروب بالكامل تقريبا اجتمع بعد الاختبار ليلة الاربعاء باستراحة وكان موجود
وايت فالكون وطبعا المدير .. الجمعه كانت بمناسبة انتهاء الاختبارات ولحقنا على الزملاء قبل لا يسافرون
خاصة الموظفين الكبار ض1 عفوا اثصد بعض الناس :)
green zoro
10-02-2007, 03:01 AM
لحمد لله رب العالمين إنه خلصنا من هم الإختبارات وبا قي هم النتائج الله يخارجنا
the boss
10-02-2007, 01:27 PM
مبرووووووووووووووووكككككككككككككككككككككك لجميع المخترجيه


وعقبال النتايج الحلوه


معني ماضنيت بنسبه لى

لكن وش نسوي


الله يعين