كتكوت مختبرات عنده كم سؤال

[صدز عاد]

السلام عليكم ورحمة الله وبركاته


الله يحي زملاء المهنه كلن بإسمه

ابدخل بالموووووضوع

انا طالب مستوى اول في المختبراات الطبيه وبصراحه دخلت ولا ادري وش هي المختبرات الطبيه

يعني عندي كم سؤاال وياااليت من اخواني يجااوبني..

س1/ وش اطلع اذا تخرجت يعني وش مسمى وظيفتي دكتوور ولا اخضاائي والاخصائي وش يفرق عن الدكتور ؟؟

س2/ كم استلم من دراهم في اول سنه لي بالوظيفه انا سمعت ان اول مرتب 8000 ريال فقط لا غير هل هذا الكلام صحيح ؟؟

س3/ الوظاائف منوفره في كل مكان ولا لا و وش احسن تخصص في المختبرات الطبيه ؟؟

س4/ سمعت ان اخصاائي او دكتور المختبرات اذا مرض هو او واحد من عياله ماله تأمين صحي بعكس التخصصات الطبيه الثاانيه اللي من يكح ببيتهم يستقبله المستشفى؟؟


وسلامتكم

[خالد الزعيم]

اخوي الله يوفقك والله يعلم من يحيا باقي لك خمس سنوات شد حيلك

[راعي ميكروبات]

أخوي تخصص المختبرات الطبية تخصص جميل وواسع

حاول أنك تركز فيه ويكون عندك ربط بالمعلومات على مدى دراستك كلها وراح تطلع مبدع فيه بإذن الله

استفساراتك بدري عليها وبنفس الوقت ماتدري وش يصير بالمستقبل القريب

مسألة الراتب قريبة من اللي ذكرت وبنفس الوقت ممكن يتغير مع الوقت

مسألة التأمين جديدة وبأن الله تكون من صالح الشعب عامة

مسألة مسمى الوظيفة تختلف من قطاع لقطاع من أخصائي لفني وغيرها من الوظايف


ارجع وأقول ركز بالعلم والباقي يجي مثل ماتبي وأحسن بس تفوق


الله يوفق