السلام عليكم ورحمه الله وبركاته ..
كيفكم الحال انشالله تكونون بخيـــر .. والله يا حسيت بوساعه صدر يوم الصدفه طيحتني عليكم .. سجلت بدون ما اشاور او حتى الف بالمنتدى ومن عقب ما سجلت جلست فترة اتابع .. وما اقول الا عيني بارده عليكم .. مواضيع رائعه جدا .. ناس فاهمه وتفتح الصدر .. وكلام يشرح الصدر مع ان الوضع الحين اختلف 800 درجه عن قبل .. خلونا من القرق هذا ونبي نتناقش في موضوع للأسف الحين صار حديث خريجين الكليات الصحيه ..
طبعا ف السعودية الحين .. وزارة الصحه شالت يدها من الخريجين ومثل ما احنا عارفين ان وزارة التعليم العالي تكفلت بتوظيف خريجين الكليات والمعاهد الصحيه في جميع الاقسام .. لــكن كل هذا حبر وورق ..
زمان كان الخريج يتخرج من الكلية الصحيه و كل اللي عليه انه ينتظر تليفون يقولون تعال رقمك طلع وانطلق واستلم وظيفتك الحين لا .. وزراة والتعليم العالي تكفلت بالموضوع هذا .. وطبعا انا مالي اي حق اني احكم لانها حتى الان ما بدت ولا سمعنا انها وظفت او بدت توظف - والمرارة هي ان اول دفعه بيطبق عليها هالنظام هي دفعتنا - طبعا البعض متفائل والبعض متشاؤم والبعض يقول ما تفرق - طبعا غير اختبارات هيئة التخصصات اللي 5 بالمية من طلاب المعاهد الصحيه ينجحون فيها و95 بالميه راسبين
- يعني هل من المعقول ان واحد يحصل على 4.30 معدل تراكمي متخرج من كليات العلوم الصحيه يرسب فيها يكون ما عنده ما عند جدتي - وداج ؟ تتوقعون انه ما يعرف شي ف قسم المختبر ؟ ام هيئه التخصصات تسمع بشي اسمه تعقيد ؟
- وش الفرق بين اول والحين - ليش جميع المستشفيات الخاصه حاليا لا تقبل اي فني مختبرات او اي قسم ثاني الا بعد ما يختبر هيئه تخصصات ؟
والله العظيم اني لما كنت اطبق والله العظيم والله يشهد على كلامي اني كنت اعلم موظفين كيف يسوي كنترول مثلا لجهاز الكوباس ف البايوكمستري -
تعرفون جهاز الاليكترولايت ؟ جهاز يقوم بقياس معدل الصوديوم والبوتاسيوم - موظف له اربع سنين الساعه 3 الفجر وقت المناوبه ايام التطبيق ما يعرف يسوي له كليبريشن - وانا اللي مالي 3 شهور قلت له يسويها , جالس اقشر بصل بعد التخرج - ما تركت مستشفى ف الرياض الا و قدمت فيه
كنت اجلس دوامين وربي - ف الاول كانوا يقولون بس مجرد حماس عشان سنه جديده وبدايه حياه جديده بعد المذكرات والدراسه خخخ
بس جلست ست شهور ف الامتياز ما مليت - جلست ست شهور وشفت موظفين ما يفرقون بين التيوب حق البايو و السي بي سي -
ولما تخرجنا ننصدم بالواقع - ان ديون الخدمه المدنية يقولون لنا انتظروا لما نوظف الاخصائيين بعدين نشوف الفنيين -
خريجين المختبرات لعام 1428 - 1429 هـ جلسوا سنه و 4 شهور وللعلم ان هذي اول دفعه في تاريخ الصحه تتأخر كل هالمده - طبعا استثنوا الخريجين اللي جلسوا سنة او سنتين عشان مكان الوظيفه غير المنطقه اللي طلبها -
طبعا هم متخرجين و اوراقهم تبع وزارة الصحه - لما راحوا للوزارة و حبوا يستفسرون عن وضعهم تفاجأوا برد وزارة الصحه وهو ان الوزارة ليس لهم اي علاقه بالخريجين وعليهم مراجعه ديوان الخدمه المدنيه ( وزارة التعليم العالي) راحوا لوزارة التعليم والصدمه ان وزارة التعليم العالي (جحدت) ابو ابوهم وقالوا ما وصلنا شي وحنا مالنا دخل بخريجين السنه هذي !!!!!
تشوفون اللخبطه ؟ تشوفون المطرسه ؟
ورفعوا اوراقهم لمجلس الشورى - واللي قامت بدورها بمعالجه الاشكاليه هذي بمتابعه من خادم الحرمين الشريفين ( لبى قلبك يابو متعب :sm199: )
ما كتبت هالموضوع الكبير العريض الا من الغبنه والقهر وودي افضفض بس -
هالحين وش السالفه ؟ احد سمع شي ؟ احد لقط شي من هنا ولا من هنا ؟
لا تقولون لي رح موقع وزاره الصحه لانهم ما عندهم اي جديد !!
وو بس
تعليق