إعـــــــلان

**د..رغد** · 16-12-2009, 02:33 PM

السلام عليكم ورحمه الله وبركاته
اولا دى ارزاق
وعايز الصبر
لان اى حجاجه فى اولها محناجه الصبر ثم الصبركى لانفشل
وبعدين الدعايه سوف تقوم على المعامله الحسنه للناس
والاداره الحكيمه
وعلى فكره فى الشتا االشغل بيكون نايم شويه
وان شاء الله خير

**mohamedhamdy82** · 16-12-2009, 05:10 PM

شكرا ليكى يا دكتوره رغد .. بس انا كنت محتاج افكار فى الدعايه .. معقول انا هستنى الناس لما يجولى .. انا كنت عاوز اعمل دعايه بس مش عارف اعمل ايه ؟؟
ناس قالت لى اروح للدكاتره اللى فى البلد علشان اعرفهم .. طيب اروح لهم اقول لهم ايه ؟؟ مش عارف ..

**د..رغد** · 16-12-2009, 11:57 PM

ياريت لو حد عنده خبره يفدنا

**جورجيت** · 19-12-2009, 02:31 PM

ممكن تتبع مبدأ الخصم حتى تصبح معروف لدى الناس وبعدها انشاء الله سوف يتوسع رزقك

**askar** · 19-12-2009, 05:32 PM

السلام عليكم ورحمه الله
المفروض انك تنزل زيارات للاطباء فى القريه معاك بمعنى تعارف بسيط وتعرفه انواع التحاليل الى بتعملها والفترة اللى ممكن المريض ياخد النتيجه خلالها لان الطبيب المعالج هو المصدر الرئيسى للثقه فى المعمل وان شاء الله بالتوفيق

**mohamedhamdy82** · 20-12-2009, 03:12 PM

شكرا لكل اللى ردوا عليا ..
اولا انا اتبعت النصيحه الاولى .. وهى مبدأ الخصم .. من 10 الى 20 % ..وساعات 30 % .. ماذا كانت النتيجه ؟
يعنى الشغل مشى شويه بس الناس بدأت اول ماتيجى تسأل على الخصم قبل مانسحب منهم العينه .. ولو ماعجبهموش يحاولوا ينزلوا اكتر ..او يمشوا .
فئه تانيه من الناس بتبعت اولادها ياخدوا التحليل ( بعد ما أكون عرفتهم الفلوس وعملت لهم التحليل ) ويكون معاهم فلوس أقل من المطلوب .. ماهو مبدأ الخصم اتفتح وبيفتكروا ان كده المعمل هيرضى بأى حاجه ..
فئه تالته بتكون عايزه تعمل خصم كبير لنفسها ( ماهو انا اللى فتحت الباب ) فتقول احنا سألنا على التحاليل اللى انتوا بتعملوها ب 50 جنيه فى المعمل التانى بيعملها ب 20 جنيه بس !! ومش بكون عارف هما عايزيين ينزلوا وخلاص ولا فعلا المعمل التانى بيحاول ينافسنى فى الفلوس وخلاص علشان الناس ماتسيبهوش ؟؟

لكن لسه مانزلتش للدكاتره .. لما انزل لهم هقول النتيجه ايه ..

**safary** · 20-12-2009, 05:18 PM

هقولك حاجه بما انك فتحت في الريف يبقي سيبك خالص من الناس دلوقتي وسيبك من موضوع الخصم دا لان مفيش معمل محترم بيعمل خصم غير للدكاترة فقط
انزل زيارات للدكاترة بهدايا رمزيه دعايه للمعمل يعني يكون اسم معملك عليها واتعرف عليهم وحاورهم ومن خلال كلامك معاهم لو كنت متمرس في مهنتك هيقتنعوا بيك فورا ويبعتولك مرة والتانيه واتاكد لو استمر موضوع الخصم اللي عملته صدقني مش هتخلص
خلي عندك حد بره ياخد الفلوس من الناس وميهمكشي موضوع المعامل التانيه انت بشغلك هتجبر الدكتور يبعتلك لان نتايجك موثوق فيها
وربنا معاك وخلي بالك من شغلك ربنا يوفقك

إعـــــــلان

فتحت معمل تحاليل ومحتاج مساعده

فتحت معمل تحاليل ومحتاج مساعده

تعليق

تعليق

تعليق

تعليق

تعليق

تعليق

تعليق