أولا اشكر الأخ المتميز عوني بس أنا راح أذكر الشرح بالعربي وبطريقة بسييييطة جدا :

1.أي بكتيريا عندها جدار خلوي
2.الجدار الخلوي ف البكتيريا الجرام البوسيتيف يكون سميك أما ف النيجاتيف يكون رقيق.
3.ف الخطوه الأولى نحط الكريستال فايوليت وهذي الصبغة تصبغ البوسيتيف و النيجاتيف.
4.بعدها يجي ال اليود واللي يتفاعل مع الكريستال فايوليت ف البكتيريا البوسيتيف بطريقه كيميائية ويكون مركب(كريستال فايوليت مع اليود) يرتبط بشده مع الجدار الخلوي للبكتيريا البوسيتيف بحيث ان الصبغه تكون مقاومه الى حد ما للخطوة اللي بعدها.
5.الخطوة اللي بعدها تعتبر اهم خطوةلأن في هذي الخطوة يظهر الفرق بين البوسيتيف والنيجاتيف وهي استخدام الاسيتون كييييييييييف؟
-بعد استخدام اللأسيتون البكيريا البوسيتيف ماتسمح للأسيتون بانتزاع الصبغه الأوليه اللي هي الكريستال فايوليت(والسبب ذكرته ف البدايه و هو سماكةالجدار) فيظل لونها أزرق أما البكتيريا النيجاتيف فما تقدر تقاوم الأسيتون ف أول ما يجي عليها الأسيتون بسهوله يخترق الجدار الخلوي ويزيل اللون كله و تصير من دون لون.

بس كيف تصير لونها احمر؟؟؟؟؟
طبعا الجواب ف الخطوة الأخيره وهي السافرانين وهو يعتبر "كاونتر ستين" و معنى الكاونترستين هو صبغة تكون آخر خطوة ويصبغ الأجزاء الغير مصبوغةو أهم صفه فيها ان لونها يكون مخالف للصبغة الأصليه عشان يكون فرق واضح بين الخلفية و البكتيريا.
أتمنى يكون الشرح واضح .