يسعدك ربي اخي الغالي

بالنسبة للجزء الأول انا سؤالي ايش جاب الانزيمات للدم اصلا واحنا بالتالي بنكشف عنه من عينة الدم بغض النظر ايش مانع التجلط

وبالنسبة للجزء الثاني في حالة انه كان جوابك صحيح .. ليش بنقيس الاكتيفيتي ومابنقيس التركيز زي اي مادة ثانية في الدم
وبعدين يعني ايش اكتيفيتي واتمنى انك تشرحه مستدلا بالوحده حقت الانزيمات

السؤال الأول/

صحيح الإنزيمات موجودة بالأنسجة وأعتقد وجودها ف الدم هو بحكم حركة الدم داخل الأنسجة حيث تخرج نسبة معينة من الانزيم إلى الدم أما التركيز العالي للإنزيم فيكون متمركز ف النسيج...وعند حدوث أي تلف ف النسيج يتحرر الأنزيم من النسيج إلى الدم فترتفع نسبته ف الدم..

أما بالنسبة للسؤال الثاني/
و طبعا احنا ما نقيس تركيز الانزيم لأن الوظيفة الاساسية للإنزيم هي تنشيط التفاعلات الكيميائية وعشان كذا الانزيم لا يستهلك ف التفاعل يعني يخرج من التفاعل مثل ما دخل تماما .

شرح السبب مع الاستدلال ب وحدة قياس فاعلية الانزيم /

أولا معناها هو قياس نشاط الانزيم بوزن البروتين اللازم لتحضير جزئ واحد من المليون من المادة المتفاعلة ف الدقيقة الواحدة تحت الظروف المناسبة.

يعني ان الانزيمات تكون في قمة نشاطها لما تكون المادة "الSubstrate " عالية ويقل نشاطها كل ما قلت المادة حتى تصل بالتفاعل الى حد الاتزان أما تركيز الانزيم فهو ثاااااااااااابت.

شكرا اختي لاجابتك وننتظر باقي الاجابات

ايش العالم بح ؟!

نوقف الموضوع الفترة هذه ولا ايش رأيكم؟

بالعكس احنا جدا مستمتعين بالأسئلة وأتمنى الإستمراااااااااااااار ...:sm188:
فعلا مرات أكون جدا مشغولة بس أدخل المنتدى عشان اشيك على موضوع للمتمكنين فقط...

واتمنى ان صفحات ها الموضوع ما تجف مثل ما جف البحر...:sm180:

نتمنى الاستمرار في هذه الاسئلة بس بعض الاسئلة طلعت عيوني ...

الله يسعدك يا رب ...

نتمنى المواصله استاد جف والاستمرار على هدا الاسئله المهمه والغير عاديه وانشالله يكون التفاعل اكثر ومشكور استاد على هدا المجهود الي تبدله ويعطيك العافيه


تحياتي:sm171:

السلام عليكم
اول شي نتمنى من جف البحر المواصلة والاستمرار بأسئلة الابداع التي تبعث العقل على التفكير والبحث وممنوع التوقف :sm180: وعساك عالقوة دوم بإذن الله
انا كافي علي موضوع تعالوا نشخص سوا اللي توقف وللحين مكتئبة وودي يرجع وان شاء الله يوصل الكلام لاستاذ عوني فلو سمحت جف لا تكملها علي

احلى شي هذي المواضيع المتجددة اللي ما تمل منها


اللحين خلصت المقدمة نجي نتفرغ للسؤال:
الانزيمات موجودة بشكل طبيعي في الدم ولكن بمعدلات محددة وقليلة عادة ويكون مركزها ووجودها بشكل كبير في الانسجة باختلافها
عند حدوث مرض او خلل في النسيج تتلف خلاياه وتخرج الانزيمات بكمية عالية في الدم وهذا ما يدل على وجود خلل
نقيس الانزيمات بنشاطها وليس بتركيزها لان اهم شي انها تكون نشطة يعني وجودها بدون نشاط مثل عدمه
مثل G6PD لما يعملوا له quantitation ممكن يعطي كمية جيدة ولكن المريض يعاني من الانيميا والسبب يكون نقص النشاط

( على فكرة انا كرهت طاري الانزيمات من محاضرة الجامعة مع الدكتور .... اللي عقدنا فيه , بس ان شاء الله استفيد واحبه من منتداي الغالي )

تحياتي

يسعد ايامكم طموحة ..هيماتولوجست..حسين..وستاف

الموضوع هذا ماله اي قيمة فعليه الا بتواجدكم

ونجاحه مهو بسببي .. بالعكس انا اشوف انه بسببكم

الهدف العلمي منه معروف لديكم وقلته قبل كذا
السبب الشخصي انه بكرة في حالة اي احد منكم واجه سؤال مشابه او موقف مشابه يفتكر المعلومة ويقول الله يوفقك يا همام على المعلومة

فالنجاح يكون بيكم انتو فقط ..

.......................................

نجي لسؤالنا ..

طبعا الكل اجاب اجابات غير مكتملة او غير دقيقه و في بعض الاجزاء اقرب للخطأ..

الشي الصحيح الي كان مكتمل هو معنى وحده الانزيمات الي قالته طموحه ..

الانزيمات هي بالاصل مصنوعة من اساس بروتيني

مكان تصنيعها الطبيعي هو داخل الخلية ولا يفرز الانزيم في الدم في الوضع الطبيعي ولا يتواجد الا داخل الخلية فقط ..

كل خلية في جسم الانسان ايا كان نوعها لها عمر افتراضي ماعدا طبعا خلايا المخ والخلايا العصبية ..
الخلية لمن ينتهي عمرها الافتراضي يصير لها تكسر .. وتكسرها هاذا ينتج عنه خروج مكوناتها كلها الى الدم .. من ضمن المكونات الانزيمات ..
عشان كذا بيكون عندنا في المختبر لها نورمال رينج ..
اذن وجودها في الدم هذا بسبب تكسر الخلايا الطبيعي .. وما بتتواجد تحت اي ظرف في الدم بشكل طبيعي فيه !
النقطة هذه اتمنى انها تكون وضحت وانتهينا منها ..

النقطة الثانية في حالة ارتفاع الانزيم.. هذا يعني تكسر لخلايا أكثر من الطبيعي .. بالتالي يعني مرض في هذه الناحية من الخلايا سبب تكسرها وخروج الانزيم للدم والي احنا بنقيسه ونعرف انه اعلى من الطبيعي ..
النقطة الثالثة .. هو انه دائما الواحد يدور على انزيم موجود في خلايا معينة عشان يعطينا انطباع او معرفة انه المشكلة في العضو هذا تحديدا ..
بمعنى .. لو جينا نكشف عن انزيم الـAmylase ولقيناه مرتفع .. هذا يعني شي من اثنين .. اما اصابة في الغدد اللعابية او اصابه في البنكرياس او كلاهما ..
لكن لو كشفنا عن انزيم الـ Lipase فراح تكون المشكلة فقط في البنكرياس لأنه خلايا البنكرياس هي المصنعة الوحيده لهذا الانزيم

النقطة الأخيرة انه احنا بنقيس نشاط الانزيم لأنه مافي طريقة علميه حتى الان تقدر تقيس لنا تركيز الانزيم .. لأنه تركيزه قليل جدا جدا .. ومافي اختبار عنده حساسية حسابه ..

أتمنى أنه تكون معلومات اليوم قيمة .. و استعدو للسؤال الي بعده اليوم على منتصف اليل ان شاء الله وحيكون في الكمستري برضو

جف..!

رااااااااااااائع جدا معلومات قيمة , الله يسعدك ويبارك فيك يا رب ...

:sm194:Thank you very much for givivng this specific & great answer we are really lucky to have it.

:sm205:sorry ,Iam forced to write in English because of keyboard that Iam using it write now.

الله يسعدك ويوفقك اخوي
شرح اكثر من راااائع
تسلم :sm189:

شكرا للجميع

سؤال اليوم ..

ماهو نوع الخلايا التي بإمكانها تصنيع هرمون الإنسولين في الإنسان؟ولماذا؟

السلام
على ما اذكر انها خلايا لانجرهانز في البنكرياس
لماذا؟ الله اعلم
بس ما فهمت لماذا ؟ يعني لماذا تفرزه البنكرياس؟؟؟
الظاهر القصد هو نوع الخلايا مش اسمها ؟

بالتحديد
beta cells in islet of langerhans