إعـــــــلان

تقليص
لا يوجد إعلان حتى الآن.

حكايتي مع الحب............

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حكايتي مع الحب............

    يالله شو كنت أحلم بالحب,
    وبقصة حب حقيقي,وبوردة حمراء,يالله شو كنت بحب الورد,
    وشو كنت بحب العصافير وتغريدها,وشو كنت بحلم ,
    وشو كنت بروح لعالم بعيد بس بقرأ روايه أو اسمع
    قصة من قصص الحب ,ووو...يمكن أحيانا كنت أقول
    انه ما في حب كله حكي مسلسلات ,عند جد هيك
    كنت فكر بفترة من الفترات,وبعدين صرت فكر بعقل
    وبلشت أحلل الموضوع,قلت انه فيه حب والا لو كان
    حكي مسلسلات فشو بيطلعوا قيس وليلى وجميل وبثنة
    وكثير وعزة وغيرهم وشو بتطلع أغاني أم كلثوم وفيروز,كنت
    اسمع انه العشاق كلهم بيسمعوا أم كلثوم وفيروز وقلت لما
    حب راح ساوي هيك بسمع لفيروز وأم كلثوم مع اني ما
    كنت اسمع اغاني بوقتها,كان هيدى تفكيري زمان ,بس مع هيك
    كنت كتير بحب قصص الحب ورواياته وكتير بحب
    قصص الحب اللي بالمسلسلات وخصوصا السورية,
    ولما بلشت الدراما التركية
    تنتشر ما تابعت ولا مسلسل لأني ما حبيتهن ولا حبيت حبهم
    حسيته سخيف وما بيتناسب مع مجتمعاتنا وكمان كنت عامله
    فيها مثقفة وعلى أساس انها بتأثر على الفكر,تتذكروا مسلسل
    سنوات الضياع ونور كانوا أهلي بيتابعوه طبعا مو كلهن وأنا قلت
    لا مستحيل وقعدت انصحهم بس ما سمعوني ,بس بعدين ندموا
    على متابعتهن,
    ومرت الأيام وحبيت,وعشت قصة حب جنونية وعرفت انه الحب
    شي حقيقي وموجود مهما حاولنا انكاره وجحوده,كانت فكرة
    حبي له مجنونه وحاولت قاوم الحب وانكره ,مولشي بس لأني
    كنت بعرف انه عمره ما راح يكون الي, وحاولت انه اخفي
    مشاعري ,وحاولت انه ما اعطيه فرصة ليعبر عن مشاعره,
    بس في لحضة انهارت مقاومتي,قالي بحبك قلت له احلف
    وحلف انه بيحبني ,قلت له وانا كمان قالي انتي شو قلت
    له بحبك...
    وبلشت القصة ومرت بأحداث كثيرة وعشت أجمل ايامي
    بس انتهت بالفراق مثل ما كنت اتوقع,,,
    نسيت أقول لكم,سمعت فيروز وحسيت بأغانيها وقريت
    روايات في الحب وعشت الجنون يلي كنت مفكرته
    حكي مسلسلات...
    وبس...
    وهلا لا عدت اقرأ هيك روايات ولا تابع هيك مسلسلات
    من الأساس صرت ما بتابع مسلسلات,ولا عادت
    الورود بتعني لي شي كبير,صارت عاديه,,,
    مع اني لساتني عند رأيي انه الحب موجود,,,,
    بس ما بعرف شو صار لي,,

    بس انتهت الحكاية.................حكايتي أنا ...
    بقلمي: مسك

  • #2
    يعطيج العافية مسك
    http://alamel11.blogspot.com/

    تعليق


    • #3
      ربي يقويك وتنسين وتعيشي حياه افضل واجمل

      تعليق

      يعمل...
      X