إعـــــــلان

تقليص
لا يوجد إعلان حتى الآن.

أرجو تفسير هذا التحليل

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أرجو تفسير هذا التحليل

    يا جماعة بشكركم على المنتدى الرائع و ماطولش عليكم

    يا ريت تقروا كل كلمة بعناية عشان يوصلكم كل شئ

    انا اتطلب منى تحليل دم للاطمئنان و كان هذا التحليل بغد نزلة معوية شديدة نوبة قئ و اسهال و خفيت منها لكن حابب اوضح ان دكتور التحاليل قاللى واخد ادوية ؟

    قلت له ايوة ادوية معوية و ليبراكس و عقاقير اضرابات جهاز هضمي و قولون تشنجى

    قاللى طيب خض غالتحليل عملته الحمدلله و استلمت النتيجة و رحت للدكتور قاللى مفيش حاجة تقلق و عملى اشعة تلفزيونية بطن و حوض بس قاللى ان فى مشكلة فى الرئة.

    طيب انا بعد كده هجيب لكم النتيجة كاملة لكن دلوقتى المهم التعليقات اللى فى اخر التحليل اللى بالخط العريض انا قلقان لدرجة تخوف و ترعب

    Comments: There is leucopenia, absolute neutropenia, tabelets are normal.

    بالنسبة للهيموجلوبين 15.9
    و كريات الدم الحمراء فى وسط الطبيعى و هجيب لكم تفصيل التحليل لو طلبتوا

    بس بلييز ساعدونى الدكتور قالى معنديش حاجة بس انا شايف الكومنت فيها مرضين

    leucopenia
    neutropenia

    على قد فهمى ال neutropenia جزء من ال leucopenia

    بس ليه الكريات ده ناقصة عندى ارجوكم ساعدونى؟

    بالنسبة للاعراض الللى بحس بها خمول و ارهاق طفيف ايوة يعندى بقدر اتحرك هنا و هناك لكن لعبت كرة منفسى اتقطع و صدرى اتكتم . شهيتى مفتوحة بس وزنى بيقل بس ثابت بقاله شوية يعنى نزل حبة كتير و ثبت بس دايما مع شهية مفتوحة. مستغرب لحالى.. باقى الاعراض ضيق تنفس بس انا اساسا مريض قولون عصبى يعنى وارد يكون ضيق نفس قولونى او صدرى..و الدكتور جهاز هضمى و كبد و مايفيدنيش كتير
    و اخر حاجة فى طبقة بتتصبغ على لسانى بسهولة و مغطياة هى اما بيضاء او صفراء عموما بيضاء بس بتتلون مع الاكل و المشروبات الملونة باى لون ..و لما بحكها بحس انها طبقة مستوية على اللسان مش سميكة و مش بتطلع بس فى حاجة.. فى وسك اللسان بالظبط تشقق ابيض و فيه حلمات حمراء بس هى مش مسببالى قلق لا هى مؤلمة و لا هى صعوبة بلع و لا بحس ان فى حاجة سميكة جوه فمى..و مش منتشرة فى اى مكان اخر غير الفم.

    تلخيص ... ارهاق خفيف خمول نعاس وزن قل طبقة على لسانى مغيرة لونه

    عاوز اوضح ان الاعراض ده بقاها من 1 مايو يعنى 4 شهور تقريبا..عملت فحص سريرى عند دكتور قلب قاللى سليم..و الاعراض لا بتقل و لا بتزيد ...عشان كده مستغرب و الدكاترة قالوا معنديش حاجة

    عاوز اوضح انى اكلتى ضعيفة خلقة و بنيتى ضعيفة و اعانى من ضعف خلقى فى الرئتين و القفص الصدرى

    و بالنسبة لتاريخى المرضى: حصل ثقب فى غشاء بلورى بالرئة و عالجته بس الدكتور عمل غلطة و سابت تكيس صديدى خامل فى الرئة و الدكاترة قالوا تعيش به عادى.

    هل هناك علاقة بين التكيس الصديدى و نقص كريات البيضاء و النتروبنيا؟
    و لا الحاجات ده ناقصة لانى ضعبف بدنيا؟
    ولا اضرابات الجهاز الهضمى؟
    و لا الادوية الكتير بتاعت القولون و المعدة اللى خدتها؟
    و لا مناعتى؟

    يعنى انا محتار ابدا منين..علما بانى مش حاسس باى الم او عرض مقلق حتى الان بس خايف يكون السكون اللى بيسبق العاصفة

    هل للوكبنيا و النتروبنيا علاقة بجهازى المناعى؟ عشان قيل لى مرة انى مناعتى قليلة؟ بس انا قبل ال 4 شهور كنت احسن شوية و كان مجهودى اكبر دلوقتى صعب اشيل حاجة

    فيدونى انا عايش حالة من الرعب الساكن اللى مالوش علامات

    لدرجة انى خايف من الايدز علما انى عندى 21 سنة و متدين جدا و نادر الاختلاط بالناس اساسا.. بس دماغى عمالة تودى و تجيب

    انا طولت بس اعمل ايه عاوز مساعدة خبير

  • #2
    نسيت white red cells count 3500
    الدكتور كتبت below normal

    تعليق


    • #3
      السلام عليكم ورحمة الله وبركاته

      بالنسبه لعدد كرات الدم البيضاء WBCs هو المعدل الطبيعى ليه ما يقلش عن 4000 وانت نتيجة تحليلك 3500 يعنى الفرق مش كتير وممكن يختلف العد على حسب هو معمول بجهاز اوتوماتيك ولا معدود تحت الميكروسكوب فالجهاز اكثر دقه
      كمان بعض الادويه ممكن تقلل عدد كرات الدم البيضاء
      وحكاية ان مناعتك ضعيفه هى المناعه بتقل لما بيقل عدد WBCs لان كرات الدم البيضاء هى المسأوله عن الدفاع عن الجسم ضد اى جسم غريب بس بالنسبه ليك لو واظبطت على تغذيه سليمه "خضار وفاكهه ووجبات متزنه"ان شاء الله مناعتك تزيد ولونها مش ضعيفه قوى "بسيطه يعنى"
      بالنسبه للارهاق والحساس بالنعاس فده فى الغالب ضعف لانك بتقول ان اكلتك ضعيفه فمن الطبيعى انك تحس بأرهاق مع بذل مجهود
      كمان حكاية الثقب البلورى من الوارد انها تسببلك نهجان مع بذل اى مجهود

      كمان القولون العصبى بيأثر على معظم اجهزة الجسم يعنى بيعمل ضيق فى التنفس واجهاد وبيذود ضربات القلب وبيعمل وجع فى الظهر والايد وبالتالى بتحس بهبوط واجهاد"ودى حاجه انا مجرباها لانى عندى القولون العصبى وكنت شاكهه انه حاجه فى القلب بس الحمد لله طلع قولون"

      كمان الهيموجلوبين بتاعك15.9كويسه

      اما تغير لون لسانك مش عارفه بالظبط بس ممكن يكون بكتريا او فطريات او التهابات وومكن تعمله مزرعه"مسحهswabe"
      و لو قلقان منه بس بما انه مش كتل"مكلكع" فإن شاء الله خير

      وان شاء الله معندكش حاجه تستدعى القلق ده كله

      وربنا يعافيينا واياك ويشفى امراض المسلمين

      تعليق


      • #4
        ما شاء الله على اتجاوب السريع.

        اتطمنت شوية و الله

        على الرغم انى و انا عايش و عارف ان مناعتى تحت طبيعى مسبب لى قلق من اى عدوى فيروسية او بكتيرية..

        و عاوز اوضح ان قعدت فترة حوالى شهرين لا اكل خضار او فاكهة مطلقا

        على فكرة نسيت اقول انى عندى سعال مزمن من ساعة الثقب البلورى يعنى من و انا فى تانية ثانوى دلوقتى انا بكالوريوس تجارة بس دايما سعال خفيف و بيجي على شكل نوبات كان حاجة بتشدنى للسعال و دايما سعال جاف و معاه ساعات رشح مزمن بحس بسيلان فى انفى بسيط جدا.. تقدروا تقولوا اعراض برد خفيفة و مزمنة

        جلوقتى خوفى الوحيد انه يكون فعلا عندى نقص مناعى يستوجب العلاج لان وارد يكون العدوى اللى على لسانى ده من نقص المناعة .

        طيب تنصحونى بايه ؟ اعمل تحليل صورة دم كل شهر مثلا؟ انا بدأت اكل كويس و اتناول فاكهة بس بما ان نقص كريات الدم البيضاء ده مش بيسبب اى اعراض منين اعرف اذا كانت نقصت اكتر ولا رجعت للطبيعى


        و متشكر اوى اوى على المساعدة ..............

        تعليق


        • #5
          السلام عليكم ورحمة الله وبركاته

          ان شاء الله تكون بخير
          زى ما قولتلك وبأكدلك تانى ان نقص كرات الدم البيضاء عندك بسيط جدا لكن لما بتقل الكرات عن 2.500 ده اللى بيكون خطر لكن عشان تطمن اكتر انا شايفه انك تعرض نفسك على دكتور صدر عشان الثقب البلورى اللى كان عندك والكيس الصديدى الموجود لان وارد انه يقلل كرات الدم البيضاء
          كنت عاوزه اعرف diffrential wbc count
          يعنى عدد النيتروفيل والليمفوسيت وهكذا ......
          كمان لو انت مدخن فالافضل انك تبطل

          وربنا يعافينا جميعا

          تعليق


          • #6
            طيب سؤال اخير اذا سمحتى

            منين اعرف انها قلت عن 2500 .. بيبقى فى اعراض معينة؟ هبوط؟ او ما شابه؟
            لانى مش عاوز افضل اعمل تحليل كل شوية و شوية

            انا احساسى كده ان التكيس الصديدى اللى فى الرئة هو اللى مخلى الكريات فى مستوى متدنى على فكرة بعد العملية كانت انعدمت الكريات ده بسبب العلاج الشديد اللى خدته عشان كانت حالة الغشاء البلورى خطرة ممكن فعلا يكون ترك اثره

            هكتب لحضرتك بيان التحليل فى رسالتى الجاية . و متشكر جدا جدا

            تعليق


            • #7
              Haemoglobin 15.9 range 13.5-17.5
              Haematocrit 45.2 range 41.0-53.0
              Red Cell Count 5.12 range 4.5-6.0

              Red cell indices
              MCV 88.2 range 80.0-95.0
              MCH 31.1 range 27.0-32.0
              MCHC 35.3 range 30.0-37.0



              Leucocytic count 3500 range 4000-11000

              Basophils 0.4% 14/cmm range 0-100/cmm
              Eosinophils 1.4% 49/cmm range 0-400/cmm
              Staff 4.0% 140
              Segmented 26.9% 942/cmm range 2.500-7000/cmm
              Lymphocytes 51.4% 1799/cmm range 1.500-4000/cmm
              Monocytes 15.9% 557/cmm range 80-800/cmm

              Platelet count 232.000 /cmm range 150.000-400.000

              Comments
              there is leucopenia for age, absolute neutropenia, relative lymphocytosis (all mature) and relative monocytosis. Platelets are normal.


              طمنيني بليز تحت فى حاجات قلة اوى زى segmented 942 و الرنج فى 2500
              و الدكتورة كتبة absolute neutropenia relative.. .bla bla

              ممكن تفهميني و يا ريت اى مختصين تانيين يوضحوا الحالة

              تعليق


              • #8
                انا عملت بحث و طلع السجمنتد هو الى نتروفيلس

                هو ده المسبب المشكلة يعنى 942 و المفروض ما يقلش عن 2500.... و زى ما فهمت ان تحت ال 500 يبقى فى خطر

                انا مرعوب

                تعليق


                • #9
                  السلام عليكم ورحمة الله وبركاته
                  بص انا جيبالك موقع
                  http://www.emedicine.com/med/topic1640.htm

                  وده موقع ثقه الكلام اللى مكتوب بالانجليزى بيقول ان النسبه الطبيعيه للنيتروفيل ماتقلش عن 1500 لكنها فى الافريقين والامريكين بتكون النسبه الطبيعيه عندهم 1000 وانت نسبتك 942 يعنى مش قليله قوى

                  absolute neutrophil count (ANC An abnormal ANC value contains fewer than 1500 cells per mm3. African

                  Americans may have a lower but normal ANC value of 1000 cells per mm3 with a normal total WBC count
                  اللى عاوزه اوصلهولك ان النسب دى عباره عن رينج يعنى الذياده البسيطه او النقص البسيط ما بيسببش مشكله

                  لكن برجع واقولك انى اعتقد بنسبه كبيره ان الكيس الصديدى اللى عندك وكورس العلاج اللى مشيت عليه لازم هيقللوا كرات الدم البيضا وخصوصا النيتروفيل اللى بتقل فى حالات الاصابه البكتيريه
                  احسن ان تتابع مع دكتور صدر

                  تعليق


                  • #10
                    متشكر جدا.

                    فعلا 942 من 1000 مش كتير اوى ..بس المعمل كتب 2500 فشفتها مبالغة شوية قلت انا ضايع بقى :sm188:

                    انا فعلا كنت واخد كورس علاج مكسف لعلاج نزلة معوية شديدة و ممكن يكون ده السبب

                    بس برضه للاطمئنان هتابع صدر عشان كتمة الصدر اللى بتجيلى من حين لاخر.

                    اغرب شئ ان القولون العصبى بيسبب عندى ارهاق و خمول فا مقدرش اقول ان نقص الكريات هو اللى عامل كده

                    و عموما لى سؤال.. هل ممكن ان تكون لدى مشكلة مناعية؟ مرض مناعى يدمر كريات الدم البيضاء؟ و لا ده حاجة بعيدة....

                    و يمكن عندى بكتيريا السل الرئوى مثلا؟ نظرا ان وزنى قل ..بس مع شهية عادية جدااااااااا

                    انا حيران بصراحة و خايف من اى هجوم بكتيرى او فيروسى على لدرجة انى بدأت احس عدم ارتياح فى حلقى و لسانى الطبقة بقى فيها خضار ..

                    تعليق


                    • #11
                      السلام عليكم ورحمة الله وبكاته

                      الافضل انك تتابع مع دكتور ونصيحه بلاش الخوف والقلق الذايد لان الحاله النفسيه بتأثر على الجهاز المناعى وصحة الانسان
                      تابع مع دكتور وهو ان شاء الله يقولك الوضع بالظبط

                      وربنا يعافينا واياك

                      تعليق


                      • #12
                        السلام عليكمورحمه الله وبركاته
                        اولا الف سلامه علي حضرتك
                        شفاك الله وعفاك باذن الله
                        بالنسبه لنقص كرات الدم البضاء فمتقلش منها كده انت بس بلاش موضوع الوسواس الي عندك ده ياريت تحاول تحسن من حالتك المعنويه شويه لان ده بياثر علي المناعه
                        ومش عيزاك تحط في دماغه ان مناعتي قليله يبقي معرض لاي فيروس
                        لا ربنا جعل في كل انسان مناعه ضد اي فيروس حتي لوكانت مناعه دي قليله
                        لكن تقدر تهاجم الفيروس
                        المهم شيل موضوع الايدز والكلام ده مادام انت مستقيم
                        مش معني ان مناعتك قليله تبقي معرض للايدز لاقدر الله
                        رح لدكتور صدر وتابع معاه
                        ربنا يشفيك ان شاء الله

                        تعليق


                        • #13
                          انا فعلا عشت 4 اشهر من الحالة النفسية و الوسواس القهرى المميت و تهيألى عندى امراض سرطانية منتشرة و بدأت احس اعراض متفرقة و اقول السرطان المرة دى قولون لما القولون هداته بالعلاج قلت ايدز و لما فكرت مع نفسى و استبعدت الموضو ده قلت يبقى مناعتى ضعيفة و فى فيروس خفى فى جسمى و هنتكس فجاة و انا قاعد او هتجيلى اعراض مفاجثة

                          انا فعلا نفسى جدا و عندى وسواس قهرى مش عارف اعالجه ازاى و انا بصلى و قريت ان ضعف المناعة الايمانية بتضعف المناعة الذاتية يعنى ممكن يكون ربنا بيختبر ايمانى

                          و انا مؤمن ان المناعة ممكن تتاثر بالحالة الروحية و الدينية..

                          لكن ممكن تقولوا لى ازاى اقدر اتغلب على الشعور الدائم بالارهاق و التخمول لانى مريض قولون عصبى يعنى مشاكل الاخراج و الم المعدة شفا لكن الارهاق و الخمول لا

                          و الوسواس بيقولى ان الخمول ده بسبب المناعة.. على فكرة اختى واخدة انفلونزا بقالها اسبوع و ماتعدتش لسه بس حاسس بلسعة فى حلقى .

                          و الطبقة البيضاء على لسانى الدكتور بيقول ده سوء هضم. هل ده صحيح؟

                          سؤال اخير. هل الحبوب البارزة فى مؤخرة اللسان امر طبيعى؟

                          عموما انا متاكد ان اللى على لسانى مش كانديدا لانى قريت انها بتبقى كتل و متفرقة فى اللسان على شكل قطع و مؤلمة جدا و بتلتهب..لان وسواسى قاللى ده فطريات الفم اللى هى اول علامات الايدز

                          تخيلوا انى قعدت اشوف باقى الاعراض لقيت حمى و عرق ليلى و بقيت دايما اقيس حرارتى خوفا من وجود الحمى..

                          انا فعلا ماشى فى سكة مسدودة

                          تعليق


                          • #14
                            ربنا معك قادر يساعدك
                            فعلا ذي ما الدكتور قالك سوء الهضم ممكن يعمل مشاكل في اللسان
                            وده طبيعي علشان القولون العصبي
                            بلاش الوسواس ده حاول تهدي نفسك شويه وخلي عندك امل وثقه في ربنا انه ان شاء الله يشفيك

                            مناعتك قليله بس مش معدومه مش معني ان اختك عندها برد يبقي لازم هيجيلك برد
                            ربنا يعينك ويزيح عنك كل سوء

                            تعليق


                            • #15
                              للاسف البيت كله اتعدى بالبرد مع الوقت ههه

                              يعنى والدتى جالها و انا النهاردة سيلان و عطس بس..

                              على فكرة انا بحس ان الطبقة اللى على لسانى مخاطية و بتزيد مع الاكل بس غالبا مش كانديدا لانى قريت ان الكامديدا مؤلمة و انا مش بحس باى الم و على فكرة الطبقة مغطية من الداخل يعنى على طرف لسانى طبيعى جدا. و فى تشقق فى انصف لونه ابيض و بارز منه حلمات حمراء غير كده مفيش.

                              بس انا بدعى ربنا يشفينى لانى فعلا مريض مريض نفسى و محتاج مساعدة ربنا لان مناعتى بتقل بسبب كده.

                              و بدأت اقرا فى القران.

                              اما بالنسبة لزيادة كرات الدم البيضاء هل تنصحونى باكل معين؟

                              الارهاق و الهبوط قلوا كتير بعد ما بقيت ماشى على تغذية كويسة.

                              و الحمدلله الاسهال و الامساك راح و بدا الاخراج يكون طبيعى جدا.

                              و انا حاسس بتحسن لكن بطبيعة الحال خدت دور برد و مهمدنى شوية.

                              ادعولى بالشفاء
                              سلام

                              تعليق

                              يعمل...
                              X