إعـــــــلان

تقليص
لا يوجد إعلان حتى الآن.

كارثة طبية في المعاهد التقنية الطبية في سوريا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كارثة طبية في المعاهد التقنية الطبية في سوريا

    السلام عليكم و رحمة الله تعالى و بركاته
    طبعاً الكلام الي بدي أحكيه من أجل طلاب سوريا ,
    باعتبار سوريا بتدرس المناهج كلها باللغة العربية
    فالمشكلة الصغيرة اللي بتشبه الكارثة أنو أغلب الخريجين الجامعيين لغتهم الإنجليزية ضعيفة جدا
    هالمواجهة صارت معي وقت عم دور ع وظيفة بأحد دول الخليج مر معي موضوع " نجحت باختبار " حبيت أعرف شو هالأختبار لقيت الأسئلة كلها بالإنجليزي .. بتقدر تقول فهمت حوالي 30 % من الأسئلة و الأجوبة
    هاد و أنا بعتبر حالي قوي شوي بالإنجليزي مقارنة مع غيري اللي مو عرفان الفعل من الفاعل

    الكارثة أني ناوي عالشغل بالخليج , و بتمنى قطر لأني بحبها
    اللي فاجأني أنو كلشي بيستخدموه بقطر لغة أنجليزية و لغة لاتينية طبية
    إذا نزلت بيناتهن أكيد رح ضيع ...
    ناوي أبدأ .. بس كيف .. الجواب عندكم ..
    بتمنى لاقي حل لهالمشكلة هاد أولاَ
    ثانياً ناوي أفتتح مجلة بالمنتدى هون اسمها " مصطلحات المخبر الطبي " كل مصطلح شو بيعني .. و شو تعريف اللي بيعنيه
    بتمنى لاقي مشاركات تخليني بلش بهالمنتدى إن شاء المولى عز و جل باعتبار الموضوع هاد أول موضوع إلي و بأول مشاركة ..
    و السلام عليكم و رحمة الله و بركاته

  • #2
    الله يعينك انك تدرس لغه بكندا وبعدين حاول انك تشتغل

    ووانا راح اقف معك بالجمله وراح اساعدك فيها بس ارسلي رساله على الخاص وابشر من عيوني

    تعليق


    • #3
      الله يعينك اخوي الحين كل شي باللغه الإنجليزية
      لازم تتعلم وعلى شان تتعلم لازم تمارس والمصطلحات كثيره مره

      تعليق


      • #4
        المشاركة الأصلية بواسطة FREE BIRD مشاهدة المشاركة
        ناوي أبدأ .. بس كيف .. الجواب عندكم ..

        بتمنى لاقي حل لهالمشكلة هاد أولاَ
        ثانياً ناوي أفتتح مجلة بالمنتدى هون اسمها " مصطلحات المخبر الطبي " كل مصطلح شو بيعني .. و شو تعريف اللي بيعنيه
        بتمنى لاقي مشاركات تخليني بلش بهالمنتدى إن شاء المولى عز و جل باعتبار الموضوع هاد أول موضوع إلي و بأول مشاركة ..

        و السلام عليكم و رحمة الله و بركاته

        اي خطوة رح تبدا فيها رح تكون مهمة مهما كانت بسيطة ابدأ اقرأ المواضيع بالانجليزية اولها رح تحس ان الموضوع صعب لكن لما اتبلش بعد شوي رح تتكرر معك المصطلحات ورح يكون الوضع اسهل واكيد كلنا رح نشجعك ونساعدك

        عندك كمان القاموس الطبي الموحد ارجعله رح يكون مفيد لالك
        http://www.6abib.com/med/

        تعليق


        • #5
          الله يكون في عونك صحيح انا لغتي الانجليزيو مو قدي كدا بس المصطلحات الحمدلله
          وانا انصحك انك ترجع لكتب المصطلحات الطبية وتبدا فيها ......والله ييسر عليك ....

          تعليق


          • #6
            شكراً جزيلا لك من رد .. أو لم يرد ..
            الحمد لله الأمور ماشية .. بس أنا فكري أنو نفتتح مجلة تفاعلية بكل التحاليل ..
            مثلاً رئيس المجلة .. بيقترح تحليل .. بيستضيف دكتور يحكي عن هالتحليل .. و بناخد كل جوانبه .. طبعاً ما بقصد wbc تحليل و rbc تحليل و هيك .. لاء بقصد مثلاً العامل الاسترالي .. شو أخطاره كيف بينتقل .. و شو الوقاية منه و مريضه شو يساوي .. و بتفاعل من الأعضاء .. هاد قصدي ..
            بالنسبة لموضوع اللغة تبعيتي .. الحمد لله لغتي مو سيئة و أموري الحمد لله ماشية و أنا عم تابع .. نزلت شوية مواضيع من هون من المنتدى و قاعد بدرسا .. بس حكيت ع مشكلة خريجين مو ع مشكلتي .. الموضوع عام ..
            و يسلمووووووو لكلشي كتب رد .. بس بدي رأيكن بالموضوع .. شلون ؟؟

            تعليق


            • #7
              في مواضيع موجودة في الموقع وبنقدر نتفاعل معاها ونضيف الاستفسارات اللي بدنا اياها
              وممكن صاحب الموضوع يرد او غيره عليها لكن موضوع سؤال وجواب من مختص صعب شوي يمكن الا ازا كان فيه تفاعل قوي واي خطوة مفيدة انا معاكم فيها المهم نستفيد ونفيد

              تعليق


              • #8
                المشاركة الأصلية بواسطة Maya 7osam مشاهدة المشاركة
                في مواضيع موجودة في الموقع وبنقدر نتفاعل معاها ونضيف الاستفسارات اللي بدنا اياها
                وممكن صاحب الموضوع يرد او غيره عليها لكن موضوع سؤال وجواب من مختص صعب شوي يمكن الا ازا كان فيه تفاعل قوي واي خطوة مفيدة انا معاكم فيها المهم نستفيد ونفيد
                الخطوة اللي بقصدها أنو يكون في أكبر عدد من الأعضاء مشتركين كـ محررين ليصير الموضوع متابع بشكل قوي أكتر و تحما الأمور فيها و النتيجة أكيد صالح الجميع
                اللي بدي ياه هوي أنو يكون الموضوع جماعي مو إفرادي
                يعني أنابقدر حط موضوع عندي فيه سؤال و بجاوب عليه . او سؤال و حدا يجاوبني .. و بالأساس ما بيلزم أني حط سؤال حواليي كتير أطباء من جميع الاختصاصات .. بس بحالة المجلة .. الكل بيشتغل مع بعضه .. و بيصير في نقاشات عن الموضوع المطرووح .. شو رأيك بالفكرة و بتحبي تنزلي محررة بالمجلة ؟

                تعليق

                يعمل...
                X