إعـــــــلان

تقليص
لا يوجد إعلان حتى الآن.

للي حاب يقدم فمستشفي الطب الرياضي يالرياض

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • للي حاب يقدم فمستشفي الطب الرياضي يالرياض

    مسا الخير ياحلووين
    مستشفي الامير فيصل بن فهدللطب الرياضي عنده نقص موظفين صحيح الراتب مو هالقد يعني مايتجاوز ال3 الاف للسعودين والاجانب الفين بس اظن للي يبي الخبره بدايه جديده


    طبعا اهم شي عندهم الرخصه ويفضلون الشباب لانهم محتاجين احد يغطي دوامات مسائيه
    ولو في بنت عندها استعداد تغطي مسائي كمان راح يرحبو فيها بعد ماتتجاوز المقابله

    معلوماتي من مصارد موثوقه :sm185:
    والله يوفقك الجميع


    الي عند اي استفسار انا حاظره

  • #2
    مشكور ياغالي لكن مع احترامي راتب قليل جدا جدا راتب هذا مايفتح بيت

    في المستقبل ولا حتى شقه الواحد كيف يتزوج براتب قليل هذا

    ويربي عياله وبعدين الي من اهل الاحساء او اهل دمام او اهل المنطقة الغربيه

    او الجنوبيه شيكفيه ؟؟ غير سكن وغير وغير يعني كانه يجي يشتغل ببلاش لا

    بعد يحط مصرف زيادة في مخباه يعني ماسوه شي وينكرف 9 ساعات يوميا لين

    يعني ظنك باخذ خبره؟؟ طيب وخذنا خبره متى راح اتوظف جنب بيتنا اذا خت خبره؟؟
    يرجع البيت متكسر مايسادي عليه

    ماقصرت ياغالي
    التعديل الأخير تم بواسطة برفسوور; الساعة 17-09-2010, 10:16 PM.

    تعليق


    • #3
      ننرحم:sm184:

      وشكرا عالخبر ان شاء الله يستفيد من يريد
      أكثروا من الإستغفار تصلح الأحوال
      http://www.vip700.com/up/files/1263.gif

      تعليق


      • #4
        شكرا الراتب مايكفي
        http://www.arabslab.com/vb/image.php...187&type=thumb

        تعليق


        • #5
          كيف التقديم ؟؟

          تعليق


          • #6
            مساء النور والله انا ادري انو مو هالقد
            بس 2000 او 3000 اظن احسن بكثر من ان الواحد يجلس في البيت وياخذ مصروفه من اهله بعد تعب السنين
            والواحد يبدا بالموجود اقلها يكسب خبره عمليه عشان موضوع التصنيف وفنفس الوقت يدور على فرص ثانيه افضل


            يعني عصفور بالايد احسن من 10 عالشجره
            صح ولا لا ياحلوووين

            التقديم ياسيدي انك تروح المستشفي وتاخذ معك السي في واهم شي انو يكون معاك رخصه الهيئه وتسال وين مكتب المسؤل عن شؤون الموظفين اسمه عبد الله الشمري وتروح تقدم وهو يحولك على المختبر يااخ نرجسي

            وانشا الله خير:sm170:

            تعليق


            • #7
              شكرا لك انا بكره رايح لهم ..... لو ب1000 راضي
              اُحب حرف [ الذال ] ليس لان الحرف يعنيني كثيرا ً .. أو أنني اُحب شخصاً بهذا الإسم ..!! ولكن لأنني اجده بعيدا ً عن كل [ صراعات الحروف ] حيث يقطن في الركن الأيسر من [ الكيبورد ] اُحب ان اعيش مثله بعيدا ً عن مشاكل البشـر..!!

              تعليق


              • #8
                المشاركة الأصلية بواسطة simple مشاهدة المشاركة
                مسا الخير ياحلووين
                مستشفي الامير فيصل بن فهدللطب الرياضي عنده نقص موظفين صحيح الراتب مو هالقد يعني مايتجاوز ال3 الاف للسعودين والاجانب الفين بس اظن للي يبي الخبره بدايه جديده


                طبعا اهم شي عندهم الرخصه ويفضلون الشباب لانهم محتاجين احد يغطي دوامات مسائيه
                ولو في بنت عندها استعداد تغطي مسائي كمان راح يرحبو فيها بعد ماتتجاوز المقابله

                معلوماتي من مصارد موثوقه :sm185:
                والله يوفقك الجميع




                الي عند اي استفسار انا حاظره
                شكرالك

                لكن اسألك الدوامات المسائية كيف يعني مناوبات بالليل قصدك

                وبالنسبة للراتب حتى اللي عنده خبره يعطونه هذا الراتب ؟

                وين مكان المستشفى إذا تكرمت ِ

                تعليق


                • #9
                  المشاركة الأصلية بواسطة بكالوريوس أحياء دقيقة مشاهدة المشاركة
                  شكرا لك انا بكره رايح لهم ..... لو ب1000 راضي


                  روح وبالتوووفيق انشا الله:sm188:

                  تعليق


                  • #10
                    المشاركة الأصلية بواسطة KOKO مشاهدة المشاركة
                    شكرالك

                    لكن اسألك الدوامات المسائية كيف يعني مناوبات بالليل قصدك

                    وبالنسبة للراتب حتى اللي عنده خبره يعطونه هذا الراتب ؟

                    وين مكان المستشفى إذا تكرمت ِ



                    بالنسبه للشفتات المسائيه في من 3ونص العصر لين 11ونص باليل
                    ومن 11ونص لين 7 ونص صباحا

                    والراتب ماظنتي يتغير مع الخبره كثير انت اسالهم وشووف

                    المستشفي مكانها عند الرئاسه العامه لرعايها لشباب المبني االاخضر جنب مركز الملك فهد الثقافي الي بالناصريه

                    ودمتم سالمين

                    تعليق


                    • #11
                      المشاركة الأصلية بواسطة simple مشاهدة المشاركة
                      بالنسبه للشفتات المسائيه في من 3ونص العصر لين 11ونص باليل
                      ومن 11ونص لين 7 ونص صباحا

                      والراتب ماظنتي يتغير مع الخبره كثير انت اسالهم وشووف

                      المستشفي مكانها عند الرئاسه العامه لرعايها لشباب المبني االاخضر جنب مركز الملك فهد الثقافي الي بالناصريه

                      ودمتم سالمين
                      مشكورة أختي

                      الرئاسةالعامة اللي بالملز وإلا بالناصرية

                      أنااعرف اللي بالملز

                      وبالنسبة للمقابلة كيف طبيعتها ختي في القسم وإلا عند مدير شؤون الموظفين وشنهي الأسئلة اللي يسألها وفي عملي وإلا لا
                      التعديل الأخير تم بواسطة KOKO; الساعة 21-09-2010, 10:21 AM.

                      تعليق


                      • #12
                        المشاركة الأصلية بواسطة KOKO مشاهدة المشاركة
                        مشكورة أختي

                        الرئاسةالعامة اللي بالملز وإلا بالناصرية

                        أنااعرف اللي بالملز

                        وبالنسبة للمقابلة كيف طبيعتها ختي في القسم وإلا عند مدير شؤون الموظفين وشنهي الأسئلة اللي يسألها وفي عملي وإلا لا

                        مساء الخير
                        سوري عالتاخير
                        بس تراها مو بالملز ولا بالنصاريه انا كمان وصفت غلط
                        هي بحي الهدا شارع الامير فيصل بن فهد قبال قصر الامير عبد العزيز بن فهد ال سعود

                        المقابله عند رئيس القسم ولازم تكون مراجع وعلى اطلاع عام بالماده بس ايش طبيعه بالضبط ماادري
                        ومافي عملي

                        تعليق


                        • #13
                          ماقصرت اخوي وصدقت احسن من الجلسة بالبيت ع الاقل تكسب خبره..
                          اللهم صلي وسلم على نبينا محمد..

                          تعليق


                          • #14
                            المشاركة الأصلية بواسطة simple مشاهدة المشاركة

                            مساء الخير
                            سوري عالتاخير
                            بس تراها مو بالملز ولا بالنصاريه انا كمان وصفت غلط
                            هي بحي الهدا شارع الامير فيصل بن فهد قبال قصر الامير عبد العزيز بن فهد ال سعود

                            المقابله عند رئيس القسم ولازم تكون مراجع وعلى اطلاع عام بالماده بس ايش طبيعه بالضبط ماادري
                            ومافي عملي
                            أنا قصدي مثل شنو الأسئلة في الكيمياء وإلا هيماتولوجي وإلا بكتيريا و أشياء عامة

                            ومعليش اختي أتعبتك معي بالأسئلة

                            تعليق


                            • #15
                              انا اليوم ياأعضاء كنت عند عبدالله الشمري مدير شئون التوظيف

                              طبعا كالعادة جلس يتكلم عن التخصص وانه وانه كباقي سائر المستشفيات

                              وجلس يقول انو التخصص مو هذا التخصص المطلوب بالمختبرات , فقلتله طيب (يالبروفيسور) والتصنيف

                              والخبرات ماتفيد ؟ انا مستغرب اتعب وبالنهاية حتى كلمه حلوه ماألقى من هالمستشفيات

                              المهم قالي انا بحاول اعرضها على مدير المختبر وبشوف ولو انو التخصص مو هذاك الزود

                              ياناس ياعالم ابغى وظيفة اترزق فيها وأوكل عيالي حلال مو معقوله , الى متى والمشكله

                              ثلاثة الآف وراضي ولكن حطمني بزيادة , المهم اكمل السالفه جلس يقول كلاااام مايفهم

                              يقول لو وظيفة ادارية راح تتعلم مع الوقت لكن هذا مختبر حياة أو موت , , اللي يسمعه يقول جايه بشهادة

                              فراش والا قهوجي عندي خبراتي ودوراتي وشهاداتي ولكن حسبي الله ونعم الوكيل ...... الواحد مايطلع من بطن امه عالم وكل شي يجي بالممارسه والخبره والانسان يتعلم سواء ادارية او هندسية أوطبية , مستحيل انسان عنده علم وشهادات ويمسك على طول مسؤولية مستحييييييييييييل لكن يبغون يعقدون الأمور والحمدلله على كل حال

                              طبعا فيه ناس يمكن يسألون ؟ ليش ماتقدم على التعليم , فأقولهم اني مقدم على الوظائف التعليمية والغير تعليمية من عام 1427

                              والى الآن ماحالفني الحظ .... آسف على الإطالة ولكن فعلا اليوم تضايقت بشكل كبير يعني

                              وش أسوي بالله عليكم وش نعمل اجار بيت واعيال ومسؤلية ..... إلى متى ياوطني
                              اُحب حرف [ الذال ] ليس لان الحرف يعنيني كثيرا ً .. أو أنني اُحب شخصاً بهذا الإسم ..!! ولكن لأنني اجده بعيدا ً عن كل [ صراعات الحروف ] حيث يقطن في الركن الأيسر من [ الكيبورد ] اُحب ان اعيش مثله بعيدا ً عن مشاكل البشـر..!!

                              تعليق

                              يعمل...
                              X