إعـــــــلان

**GAMBARU** · 04-09-2007, 06:16 AM

هلا اخوي حياك الله

بالنسبة للتخصص ما فيه اي شخص بالدنيا يقدر يقولك هذا التخصص احسن من هذا لانه راجع لحسب رغبة الشخص انت متى ما رغبت بالشيء راح تبدع فيه مهما كان اما اذا كنت تبي تستفسر عن التوظيف فأقولك كلهن توظيفهن زين مقارنة مع غيرهن

اتمنى اني اكون افدتك ولا بشيء بسيط واعذرني على التقصير

**محبوب** · 06-09-2007, 11:58 AM

الغالي GAMBARU

مشكور على ردك ورأيك من ناحية التخصص

بصراحه انا اول مافكرت ادخل المجال الصحي كان المختبرات هو اول تخصص دخل براسي

اما الصيدله فكان مشورة الاصدقاء لها دور ....

واكرر الشكر على نصيحتك يابعدهم

سلام

**رارا** · 06-09-2007, 01:18 PM

وعليكم السلام ورحمة الله,,

يااااهلااا خيووو,,

انت تسأل أيهم أحسن الصيدله أو المختبر,,!!:sm187:

كل قسم له ايجابياته وله سلبياته,,

شوف نفسك انت وش حاب أكثر,, وممكن انك تتأقلم مع سلبياته,,

وبالتوفيق,,
:sm188:
<<بس ترا المختبرات أكوس قسم بالدووونيا,,:sm198:

**محبوب** · 06-09-2007, 06:53 PM

هلا فيك اكثر خيتووو

بصراحه انا اتمنيت ادخل مختبرات طبيه من اول مافكرت ادخل المجال الصحي
لكن مع كثرة الاقتراحات والرأي من الاهل والاخوان
قلت بنفسي لاتتسرع وانتظر الراي من يدرس ويعمل فيها

وانا سالتكم السوال هذا عشان اشوف انطباعاتكم انتم عن تخصص المختبرات

وعلى قولتك اشوف سلبيات وايجابيات كل تخصص
وعندي وقت كافي اقدر افكر فيه واختار التخصص

ومشكووره يابعدهم انتي على مرورك ورأيك

سلام

**فيصل** · 06-09-2007, 09:54 PM

حياك الله معنا ...

اقترح عليك زياره عده مستشفيات , او بالتحديد المستشفى الي تتوقع تروح له بعد التخرج و تلقي نظره على القسمين "المختبرات & الصيدلية" وتشوف بأم عينيك

لا تتوقف عند النظر وحسب بل اسأل الموجودين واستفسر منهم عن كل ما يخطر ببالك.

اذا كنت تسال عن التوظيف , فاعتقد ان توظيف المخبريين في الرياض افضل من الصيادله لان الاحتياج لهم اكثر من الصيادله بالاضافه الي ان اعداد المتخرجين من قسم المختبرات من جامعه الملك سعود بالرياض للاخصائيين لا يتجاوز باحسن الاحوال 30 طالباً مقارنه بعدد الصيادله بدرجه البكالوريس وعددهم تقريباً يزيد عن 200 طالب "حسب ما علمت" وهذا فرق كبير جداً مقارنه بالاحتياج لهم.

بالنهايه استخر ربك وشاور من تثق بهم والله يوفقك

**محبوب** · 07-09-2007, 06:07 PM

حبيبي ArabsLAB

انا معك اني اروح مستشفيات والمختبرات وبنفس الوقت الصيادله واسالهم عن انطباعهم

وانا بصراحه افكر بالمختبرات اكثر وبما انك وضحت الصورة بان توظيف المختبرات اقرب من الصيدله
وخاصة بالرياض فباذن الله انا راح استخير ان شاء الله وبنفس الوقت آخذ رأيكم
لان معظمكم موظفين او طلاب بالمختبرات
فعشان كذا انا اسال عن انطباعاتكم للمختبر والعمل فيه
...اسال مجرب ولا تسال طبيب

ومشكور يابعدي على الرد ورأيك اللي ما استغني عنه او من الاعضاء

إعـــــــلان

عضو جديد ومحتار بالتخصص

عضو جديد ومحتار بالتخصص

تعليق

تعليق

تعليق

تعليق

تعليق

تعليق