بعد التدريب او العمل لمدة سنة اذهبي لمقر هيئة التخصصات وقدمي أوراقك وحددي موعد امتحان لانه لابد من خبرة سنة وشهادة انعاش قلبي رئوي للي يبي يختبر
يعني روحتك الحين لهيئة التخصصات مالها داعي
روحي لهم بعد خبرة سنة


أما بالنسبة لمصنع سدافكو ولله مدري

الأفضل لك انك تستفسرين من هيئة التخصصات أول ، هل بعد عمل سنة بمختبر سدافكوا بيقبلون شهادتك عشان تختبرين أو لا

يعني تخيلي تاخذين خبرة سنة من مختبر سدافكوا وتقدمينها على الهيئة ، ويقولون لك هذا مختبر غير معترف فيه عندنا نبي خبرة من مستشفى أو مركز صحي


اسئلي أول أفضل لك عشان ما تتوهقين بالأخير وتتحسفين

والله يوفقك ويوفقني ويوفق الجميع

بتصوري ان التدريب لابد من ان يكون في مستشفى ولازم خطاب من الجامعة وفية مبلغ تدفعية للمستشفى مقابل التدريب

لا يا اخت سكروز , اذا كنتي تبين شهادة من الهيئة السعودية للتخصصات الصحية لمزاولة مهنة الطب او المختبرات لازم تتدربين في مستشفى حكومي ان امكن او اهلي لان ضروري في رأيهم الغبي التمرين و التدريب على جميع اقسام المختبر الي في مجال تخصصك ودراستك و غيرها للاسف .. من علم الدم وبنك الدم و علم الاحياء الدقيقة و الكيمياء الحيوية و علم المناعه و علم الانسجة وغيرها , ومصنع سدافكو ماعندة الا يمكن قسم واحد وهو اللبن والزبادي و مجاله مو طبي ابداً يعني مالك فيه ابد ابد اذا كنتي تبغين شهادة مزاولة المختبرات الطبية او الاكلينيكية .

وفي رأيي المتواضع ياخت سكروز اذا كان تخصصك احياء دقيقة مثلي تبعدين عن القطاعات الطبية لانها محصورة عندنا والقبول في وظائفها صعب واذا انقبلت فيها بواسطة او رحمه من رب العباد راح تكون وظيفتك بنسبة 99% على بند الاجور او اسناد او عقد يعني يمكن سنه يقولولك باي باي و رواتبها مش ولا بد او متوسطة ودواماتها كرف اغلبها من (7 ص الى 5 م) و راح تتعرض للمخاطر بالامراض ومقابلة الخارج من السبيلين الله يكرمكم وتحليله .. وهذا غير على كثر ماسمعت انهم يقولون المختبرات في المملكة وخصوصاً في الرياض و جدة مليانه على الاخر من الكوادر , لدرجة ان الجامعات بأمر راح توقف تخصص دبلوم مختبرات طبية

في المقابل المجال الغذائي و المائي و الصناعي و الزراعي و البيئي هو الاكثر تفتح لنا ..
وفي رأيي وعلى حد علمي و بحثي وكثر ما اسأل من هنا وهناك ان 99% من وظائف خريج الاحياء الدقيقه في المجال الغذائي و الصناعي و الزراعي و البيئي مثل
الهيئة الملكية بالجبيل وينبع
الهيئة العامة للغذاء و الدواء
الهيئة الوطنية لحماية الحياة الفطرية
الهيئة المواصفات والمقاييس
تموين الخطوط السعوديه
المؤسسة العامة للأرصاد وحماية البيئة
المؤسسة العامة لتحلية المياه المالحة
وزارة الزراعة
وزارة المياه و الكهرباء
وزارة التجارة و الصناعة
وزارة الشؤون البلدية والقروية
مصلحة المياه والصرف الصحي
مصانع الغذاء الكبرى مثل : المراعي - نادك - سدافكو - الصافي - العثيم - بندة - وغيرها
في المقابل 1% في المجال الطبي الي هي مختبرات المستشفيات و بعض بعض مصانع الادوية الي ترغب في التخصص .
وفي الاخير عقلك في راسك تعرفين خلاصك.
وصلى الله على نبينا محمد وعلى آله وصحبه أجمعين

أختي سكروز انا تدربت في مستشفى الملك عبدالعزيز للاورام لمده شهر واحد يعني 4 اسابيع وتخصصي احياء حيوان كان التدريب مرره ممتع افي بنك الدم .
موووفقه اختي,,,,