بما أنك تسأل عن الامتياز.. معناه إن حضرتك level 9 or 8 إذا كنت متحمس..

خليني أقول لك نصيحتين قبل ما أعلق على بعض المستشفيات..

1) لا تسمع لكلام الناس سواء أصحاب أو معارف.. لأن الشروط أو المواقف اللي يذكروها لك بخصوص المستشفيات تكون أحداث فردية وليس شرط أنها تتكرر مع كل طالب " مثل إشاعة أن مستشفى التخصصي ما يقبل معدل أقل من 4!!"

2) إذا معاك واسطة خليها في الـ CV حقك أثناء التقديم لطلب الامتياز ولا تتأخر وتجيبها بعد ما يرفضوا ملفك في المستشفى اللي تبغاه..
------------------
نجي للمستشفيات..

1) مستشفى التخصصي:
شروط القبول: - اجتياز المقابلة الشخصية اللي يركزوا فيها على:
- أن تكون عندك لغة إنجليزية قوية أو جيدة جداً
- تكون عندك القدرة على التواصل مع الناس بمختلف أجناسهم (متفتح ومو مستحي ومنطوي على نفسك)
- تكون عندك خلفية عن استخدام الكومبيوتر
- إذا سألوك تبي تتوظف أو تكمل دراستك تقول: أبي أتوظف

تقريباً هذا كل شي.. بالنسبة للمعدل غير مهم أبداً.. كل المهم عندهم هو المعلومات اللي ذكرتها بالأعلى.. تبي تسألني من فين عرفت؟؟ .. الشخص المسؤول عن قبول الطلاب في المستشفى بنفسه قال لي الكلام هذا..

طبعاً بعد ما تخلص سنة الامتياز.. تختار أحد اللابات اللي حبيتها.. " واللي يكونون هم محتاجين أحد فيها" فيعطوك سنة تدريبية في هذا اللاب "برنامج سعودة" بعد مرور هذه السنة مدفوعة الراتب يتم انضمامك لطاقم الموظفين في المستشفى..

عيوب الامتياز: أن الطالب يطلع بدون ثقة بنفسه لأنه ما يخلونك تلمس شي.. في كل اللابات انت مجرد جالس على كرسي وقدامك ملزمة تقرا فيها طول اليوم.. بس إذا كان همك الوظيفة فهم أحسن مكان.
*************
2) الحرس الوطني
شروط القبول: - اجتياز امتحان اللغة الإنجليزية
- اجتياز المقابلة
- يكون معدلك معقول.. يعني 3.5 حلو

بالنسبة للتوظيف بعد الامتياز ما أتوقع انه أكيد كموظف في المختبر ولكنه ممكن في الكلية التابعة للمستشفى وممكن تكمل دراستك هناك.

التدريب في مستشفى الحرس جيد.. والستاف مهتم ويساعدك ويخلوك تشتغل بالإضافة لإعطاء بعض المحاضرات.. وأنا أوصي فيه :sm188:
****************
3) الملك خالد
شروط القبول: - ولا شرط.. مجرد مقابلة شكلية وأسأله عادية جداً..

التوظيف غير مضمون أبداً إلا إذا توافق مع حاجتهم لموظفين وقت انتهاءك من الامتياز..

التدريب جيد جداً يعني تشتغل بيدك كثيييير " طبعاً بحسب اللاب" ولكن بشكل عام حريصين على مصلحتك وتعليمك.. يعني من جد مستشفى جامعي
*****************
4) العسكري
ما عندي أي خلفية عنه
*****************
5) قوى الأمن
ما عندي أي خلفية عنه
*****************
6) المدينة
لما سألت عنها في فترة التقديم قالوا أن المستشفى لسه ما اكتملت المختبرات فيه.. يعني المختبرات ناقصة.. وما ياخذوا طلاب امتياز..
*****************
7) الملك عبد العزيز
شروط القبول: ولا شرط بلعكس يتشحذون طلاب
التدريب: يشغلون الطلاب بيديهم ولكن ما عندهم عينات أصلا.. كلها يرسلونها على الملك خالد أو التخصصي بس إذا تبي تطلع بدري ولا أحد يسأل عن حضورك وغيابك تقدر تروح هناك.. والشميسي نفس الحكاية.. مع انهم بطلوا ياخذوا طلاب في السنة الأخيرة..

هذا اللي عندي.. وان شا الله اكون أفدتك :sm188:
بالتوفيق