إعـــــــلان

**GAMBARU** · 11-10-2007, 03:54 AM

المشاركة الأصلية بواسطة Blue lightning مشاهدة المشاركة

ولا تهون مواقف الجامعة ايام السنة التحضيرية :sm180::sm180:

أذكر كنت طالع مبسوط وفجأة لقيت دسن موقف وراي ......:sm178:

يمين يسار اضطريت اسوي حركة جميلة جداً :sm180::sm180: بمساعدة وإشراف من صديقي وعزيزي أكوس مختبرجي :sm180::sm180::sm180:

وهي انه جرب يفتح الباب بمفتاحه ففتح الباب ....:sm180: بعدين دحدرنا السيارة لكن العجب إن الجلنط انفك لذلك حطينا بلكه عشان توقف :sm178:

لكن هذا العمل لم يؤنبني ضميري حوله بل كنت في اتم السعادة وكان الود ودي اني احرقه

على كل ترى هالمحاولة بعد ما قلنا للسكيوريتية وقالوا معليش ما نقدر نشيل السيارة ونحجزه!!!!!!!!

على كل مواقفك بشكل عام اشياء تقهر

وخذ مثلاً واقف عند الاشارة وبجنبك باكستاني بتكسي وفجأة يفتح الباب والله يكرمك يبصق قدامك !!!!!

وغيره الكثير ......

:sm180::sm180:اهليين وسهليين :sm180::sm180:
معك حق بس عاد أنا ضربت مثلاً بمواقف المسجد والا اذا جا الجد كل مواقفنا حوووووسه>>>>>>مشكور على مرورك

**لافضـ فوكـ** · 11-10-2007, 04:02 AM

ماراح أفكك من يدي .. ياتنتحر ياتخليني انتحر

*نقطة أحب أنبهك لها أخوي في أي نقاش
لا تستدل بفعل رسول "إلا اذا كان امر شرعي" تدري ليه لأنه بكل بساطة راح يرد عليك ويقول لك هذا رسول ومؤيد من السماء ونبي وليس كسائر البشر ... وعشان تطلع من هالمأزق من الأفضل أنك ما تتطرق له من الأصل..

اعارضك على هالكلام .. لانك تقول لاتستدل بفعل الرسول الا بأمر شرعي ..

يعني قصدك بالامور الشرعية بالصلاة والصيام والواجبات والسنن ..ألخ ؟؟

انا اللي اعرفه اننا نحاول ان نقتدي بالرسول في كل امور حياتنا .. وليس فقط فالامور الشرعية .. حتى ان فيه دروس للرسول في شتى مجالات الحياة .. وألفت عنها كتب .. من خلال تعامله صلى الله عليه وسلم معا النساء والرجال والاطفال .. ألخ

بعدين انا قلت لك لاتنسى ان الرسول كان راعي غنم .. أقصد على جملتك بالتحديد .. لمن تكلمت عن البدو وقلت ماعندهم غير هالغنم والابل

وما اقصد ان الرسول كان راعي غنم ونظامي ... والبدو اللي الحين راعين غنم وهمج ..

كنت اقصد بالتحديد انك لا تحاول ان تربط بين رعي الغنم بالتخلف ..

عساها وصلت بس

مشكور مره ثانيه

**LAB MaSteR** · 11-10-2007, 04:03 AM

موضوع رائع <--------مدري عنه اول مره اشوفه بلاي ما اشوف

أخوي GAMBARU موضوعكـــ جاء عالجرح ....

عندي تعليق بسيطــ....

هو عن الوقوف في الاسياب ....مو عيب ان نمشي بالاسياب أو نوقف فيهــا

العيب هو الغرض الي نوقف عشانه....!!!

أشكر لكـ ابداعكــ بطرح هالموضوع

وزي ما قلتــ شعبــ متناقض...يقول شي ويسوي شي ثاني....

الله يصلح الحال .........

تحياتي لكــــ

**GAMBARU** · 11-10-2007, 04:06 AM

المشاركة الأصلية بواسطة Blue lightning مشاهدة المشاركة

أنا هنا برد على د. مناحي

انت تقول الناس ....

بس بعض الناس من الأعراب والي يحملون مثل اسم مناحي ...وصنيتان .....:sm180::sm180:.. وانا اقول قله وبعض وليس كل أو أغلب .....

خذ هذه المواقف التي اعرفها

في أحد المرات كنا قريبين من قصر زواج بمخرج 15 بالرياض وسألنا واحد .... قال وين مدخل الحريم الله يكرمكم!!!!!!!!!!

والموقف الثاني

كنا في التنهات (( وهي عبارة عن منطقة من الدهنا وهي روضة )) تبعد عن الرياض حوالي 200-250 كلم عن الرياض

وفي محطة البانزين شفنا واحد مركب بناته ومرته (زوجته) بالصندوق !!!!!!! وولد ما يتعدى عمره 8 سنين قدام !!!

مع العلم ان السيارة غمارتين يعني الغمارة الي ورى فاضية !!!!!!!!!!!!!!!

ومن حسن الحظ كانواحد من المشرفين على توزيع تبرعات للمناطق هناك كان يقولنا عن مثل هذه الحالات ..

ولك أن تعرف معلومة قد تكون لم تسمع بها قط
هل تعلم ان بعض من سكن بالبادية له 14 ولد من زوجته وهو يرى كل شيء فيها عدا وجهها فهي تغطيه عنه !!!!!!!!!!!!!!!!!!!!

الظاهر يبيلك نقل لهالديار ............هههههههههههههه

وإحقاقاً للحق يمكن هالموقفين كانوا بل 4-5 سنين سابقة ......

والله يعين ويهدي الجميع

.

:sm203::sm203:اهليين وسهليين:sm203::sm203:
هذا الي كنت ابي اقوله ومهوب معناه ان كل الشعب ما يحترم الحريم لكن يوجد ناس يشوهون الصورة العامة للمجتمع بس مو معنى هذا انا نسكت ولا نقول ان في مثل هالاشخاص لأن الهدف من عرض المشكلة مو على قولتهم"ننشر غسيلنا قدام الناس"لا لكن الهدف من عرض المشكلة هو البحث عن الحل ومحاولة جادة لذلك ...

**GAMBARU** · 11-10-2007, 04:41 AM

المشاركة الأصلية بواسطة لافضـ فوكـ

ماراح أفكك من يدي .. ياتنتحر ياتخليني انتحر

اعارضك على هالكلام .. لانك تقول لاتستدل بفعل الرسول الا بأمر شرعي ..

يعني قصدك بالامور الشرعية بالصلاة والصيام والواجبات والسنن ..ألخ ؟؟

انا اللي اعرفه اننا نحاول ان نقتدي بالرسول في كل امور حياتنا .. وليس فقط فالامور الشرعية .. حتى ان فيه دروس للرسول في شتى مجالات الحياة .. وألفت عنها كتب .. من خلال تعامله صلى الله عليه وسلم معا النساء والرجال والاطفال .. ألخ

بعدين انا قلت لك لاتنسى ان الرسول كان راعي غنم .. أقصد على جملتك بالتحديد .. لمن تكلمت عن البدو وقلت ماعندهم غير هالغنم والابل

وما اقصد ان الرسول كان راعي غنم ونظامي ... والبدو اللي الحين راعين غنم وهمج ..

كنت اقصد بالتحديد انك لا تحاول ان تربط بين رعي الغنم بالتخلف ..

عساها وصلت بس

مشكورة مره ثانيه

[COLOR="DarkRed"]:sm180::sm180:اهليين وسهليين:sm180::sm180:

أخوي لافض فوك>>>>>>>> باقي عندي حل واحد إني أدخل عليك من الشاشة واربطك انت وخشك تراك نشبت لي خلاص وش رايك اقول انك انت الصح وخلاص نقفل الموضوع >>>>>:sm192::sm192:

*حبيب قلبي أرجوك لا تفهم كلامي من اول وهلة يعني قلبه مرة ومرتين الين تلقى المعنى الى كنت اقصده يعني بطريقة اخرى لا تنظر للموضوع من زاوية واحده انظر للموضوع من جميع الجهات...

انا يوم اقول لا تستدل بفعل الرسول الا في الامور الشرعية مو معناه زي ما قلت لا لكن انا اقصد اذا كان الامر شرعي هنا تستدل بفعل الرسول لأن الجميع يتبع سنة الرسول وهذا الامر امر شرعي يعني لابد من الجميع تطبيقه لكن باقي افعال الرسول صلى الله عليه وسلم من اخلاق عالية وادب جم وتعامل راقي وتواضع هذي اذا كلمت احد الاشخاص عنها قالك هذا الرسول وهو مؤيد من السماء والله سبحانه وتعالى حفظه من اللغو ومن ما ينقصه وكمل خلقه و...و... ومن هالكلام ...
لكن تقدر تستدل بفعل الرسول صلى الله عليه وسلم من طريقة ثانية بدون ما تواجه مثل هالجواب وهو انك تضرب له امثلة من فعل الصحابة هنا تفرق معك ليه ؟ لان الجميع متفقين بان الصحابة اناس عاديين يعني مثلنا وليسول معصومين من الخطأ مثل الأنبياء ولا هم مؤيدون بما يفعلون من الرب تبارك وتعالى وهم ما يفعلونه امتثال لأمر الله سبحانه وتعالى وامر رسوله صلى الله عليه وسلم ...يعني انت بكذا ضربت للشخص الي تحاوره بفعل الرسول صلى الله عليه وسلم ولكن من طريقة أخرى وافتكيت من الجواب المعتاد ... اتمنى تكون وصلت وجهة النظر..

اما بالنسبة لكلامك أن الرسول صلى الله عليه وسلم راعي غنم وهو معلم البشرية معليش اسمح لي ابقولك هنا نفس كلام اي شخص وراح اقولك هذا نبي...
ولكن انا ضربي لراعة الغنم لا يعني التصاق تندي مستوى التعليم والثقافة عندهم كلهم ولكن اتكلم عن الاغلبية منهم والهدف مو اني انقص من مقدار احد لا ولكن اوصلك معلومة انت اخوي بحكم تواجدك بجدة ما جلست مع بدو مثلي انا عايش بالوسطى ومليناه ما شاء الله من البدو وجلست معهم تصدق في ناس منهم مجلسهم كله عن الرعي وعن الربيع وعن الامطار ومن هالكلام يعني معليش مثل هالشخص وين تبي تجيه الثقافة معه وين تبي يرتفع تعليمه معه وهو هذا كل همه وكل الي يجونه مثل ثقافته وانت نازل واي شخص اذا ما احتك بمن هم اعلى منه ثقافةً وتعليم راح يبقى مستوى كما هو عشان كذا انا اقولك مثل هالناس هم مقلين بأختلاطهم مع الناس فما راح يتغير شيء عليهم ....ولكن فيه منهم من غير طريقة عيشة وبدا بالبحث والاستفادة وطور نفسه وكلامي هذا ينطبق على كل من يتقوقع داخل شرنقته..

ختاماً....حديثي معك امتعني وكمان معاندك لي اعجبني والهدف منه هو ان نصل الى نقطة نتفق عليها بدون ان يكون هناك اي خلاف لان الهدف واحد وهو البحث عن المشكلة وحلها ....اشكرك من الاعماق

**GAMBARU** · 11-10-2007, 04:49 AM

المشاركة الأصلية بواسطة LAB MaSteR مشاهدة المشاركة

موضوع رائع <--------مدري عنه اول مره اشوفه بلاي ما اشوف

أخوي GAMBARU موضوعكـــ جاء عالجرح ....

عندي تعليق بسيطــ....

هو عن الوقوف في الاسياب ....مو عيب ان نمشي بالاسياب أو نوقف فيهــا

العيب هو الغرض الي نوقف عشانه....!!!

أشكر لكـ ابداعكــ بطرح هالموضوع

وزي ما قلتــ شعبــ متناقض...يقول شي ويسوي شي ثاني....

الله يصلح الحال .........

تحياتي لكــــ

:sm180::sm180:اهليين وسهليين:sm180::sm180:

مشكور أخوي لاب مستر على المرور وعلى التعليق

**أمير الكلمة** · 11-10-2007, 07:07 AM

GAMBARU

اهلا اخوي مناحي مشكور على المرور والتعليق ....
بالنسبة للتبرعات انا أقصد ليه ما يكون هناك تماسك اجتماعي واضح يعني لا أحد يفهمني انه يعني ما عندنا تماسك الحين لا أنا أقصد ليش ما نزيد من هالترابط اقصد بالتبرعات الداخلية كالتالي...
يعني ليه كل واحد ما يشوف المساكين الي بحارته او الي بالحارات الي قريبه منهم ويشوف وش يحتاجونبشيء ما ينفعهم ولا يكون عندهم اب متسلط وياخذ الفلوس ولا يستفيدون منها اما اذا رحت وسألتهم وش يبيون من اغراض وقمت وشريتها وعطيتهم اياها من جد تحس فيه طعم للي سويته يعني انا مره رحت وش ناقصهم يعني ترى مو شرط ان تبرعاتنا تكون فلوس وكاش يعني اذا جا الجد الواحد اذا عطى الناس اغراض احس انه كذا يحس من جد ان تبرعه راح يكون له فايدة يعني بطريقة ثانية ما تدري عنهم الله يهديهم بعضهم يكرهك بالتبرع تروح تعطيهم فلوس ما تدري يمكن يصير عندهم ولد عاق ويروح يصرف هالفلوس مع واحد كذا متكفل بواحد من جيرانه تصدق مره خاويته يوم راح يقضي لهم تصدق حسيت براحة تحس بشيء غريب هذا الي كنت اقصده اتوقع انه له اثر حلو على الحارة نفسها انها كلها تكون مترابطة اكثر ...
اشكرك على مرورك اخوي والله يحييك باي وقتا

اتفق معك في كل اللي قلته في هذي النقطة
ولو ركزت في ردي السابق كان لاحظت اني متفق معك بوجود التقصير
وهذا اقتباس لكلامي

ونتعشم في المستقبل ان يزداد الاهتمام بفقراء الداخل

يعني انا ما انكرت وجود تقصر منا تجاه فقراء الداخل
ولكن ردي كانت فكرته أن الإهتمام بدأ يزيد نسبيا عن اول

طيب

انا طرحت 3 نقاط في ردي وانت رديت على نقطة وحده
يعني بقي نقطه: ازمه صرف الفلوس من الصرافة عند النساء.
ونقطة: عدم احترام المرأة . (اللي رد علي فيها بلو لايتنق وراح ارد عليه الان)

انتظر ردك وأشكرك على سعة صدرك في تقبل النقاش والحوار

**أمير الكلمة** · 11-10-2007, 08:03 AM

Blue lightning

انت تقول الناس ....

بس بعض الناس من الأعراب والي يحملون مثل اسم مناحي ...وصنيتان ....... وانا اقول قله وبعض وليس كل أو أغلب .....

طيب هذا مربط الفرس اللي اتكلم عنه من زمان
انت قلتها بنفسك بعض وليس كل

وانا اقول اذا كان هذا تصرف بعض الناس فهل هذا يستدعي منا أن نجعلها ظاهرة ونثير حولها النقاشات

لذلك ارجع واقول إن التعميم خطأ خطأ خطأ
فإذا واحد او عشرة او الف شخص كانو بهذه العقلية , هل هذا يجعلني اعمم هذا التصرف على السعوديين كلهم !!

ولك أن تعرف معلومة قد تكون لم تسمع بها قط
هل تعلم ان بعض من سكن بالبادية له 14 ولد من زوجته وهو يرى كل شيء فيها عدا وجهها فهي تغطيه عنه !!!!!!!!!!!!!!!!!!!!

هذا شي معروف اخوي ولا هو جديد
بس اللي ابقوله لك يمكن يكون هو الجديد ولا قد سمعت فيه

جارنا (اعرابي

) بس ما عنده لا ابل ولا غنم ولا يهتهم هو بهذي الأمور اساساً
ودايم هو في الرياض ولا له اي علاقة بالباديه وساكن في حينا من أكثر من 20 سنه
تصدق أن حرمته ما تشيل البرقع عنها ابد ولا قد شاف وجهها!!

بس اللي احب انبه عليه ان الشي هذا ماله أي علاقة بإمتهان المرأة
لأنها هي تبي كذا وتربت على هذا الشي (يعني عادات وتقاليد عندهم)
حتى مرة زارتنا وقالت لها امي شيلي البرقع .
قالت: لا والله انا حتى عند أخواتي البسه.

حبيت أبين هذا الشي عشان ما يصير خلط عند بعض الأعضاء اللي برا السعودية

ملاحظة:
أنا مو (أعرابي) وسبب أختياري لأسم (مناحي) سبق وبينته أكثر من مرة بمنتدى جامعة الملك سعود

**GAMBARU** · 11-10-2007, 06:35 PM

:sm180:

المشاركة الأصلية بواسطة د.منــــــاحي مشاهدة المشاركة

GAMBARU

اتفق معك في كل اللي قلته في هذي النقطة
ولو ركزت في ردي السابق كان لاحظت اني متفق معك بوجود التقصير
وهذا اقتباس لكلامي

يعني انا ما انكرت وجود تقصر منا تجاه فقراء الداخل
ولكن ردي كانت فكرته أن الإهتمام بدأ يزيد نسبيا عن اول

طيب

انا طرحت 3 نقاط في ردي وانت رديت على نقطة وحده
يعني بقي نقطه: ازمه صرف الفلوس من الصرافة عند النساء.
ونقطة: عدم احترام المرأة . (اللي رد علي فيها بلو لايتنق وراح ارد عليه الان)

انتظر ردك وأشكرك على سعة صدرك في تقبل النقاش والحوار

:sm180:اهليين وسهليين:sm180::sm180:

اخوي د/مناحي>>>>>> الظاهر والله العالم ان العدوى وصلك انت بعد شكلك ناويها نشبه بالحلق مثل اخوي لافض فوك >>>>>>>> لا عاد امزح معك حياك بأي وقت وناقشك يدل على ثقافه واسعة تتمتع بها >>>>>>>:sm180::sm180::sm180:

*اخوي بالنسبة يوم اني افصل بمسالة التبرعات داري انك تتفق معي بالرأي لكن حبيت أوضح الفكرة لك ولغيرك الي في بالي بخصوص التبرعات لا أكثر ولا أقل يعني >>>> حبايب لا تخاف

*بالنسبة للنقطتين الي ما عقبت عليها تراي ما اقصد تركها ولا انها لا تستحق الرد والتعقيب لكن أخوي وحبيبي مناحي انا يوم اقولكم قصة الصرافة مو معناه انه الشيء الوحيد الي تحصل معه مشاكل للحريم لا فيه اشياء ثانية لكن مسالة الصرافة جت كمثال ...
وبالنسبة للنقطة الاخيرة لو تراجع ردودي الي قبل راح تلقى الجواب على سؤالك لاني تطرق للنقطة الاخيرة باكثر من رد >>>>>> عجاز ما له خلق يكتب:sm192::sm192:

* اخوي مناحي بالنسبة لردك على كلام الاخ بلو ... وقولك سياسة التعميم أنا رديت قبل كذا وقلت وهذا جزء من كلامي "....هذا الي كنت ابي اقوله ومهوب معناه ان كل الشعب ما يحترم الحريم لكن يوجد ناس يشوهون الصورة العامة للمجتمع بس مو معنى هذا انا نسكت ولا نقول ان في مثل هالاشخاص لأن الهدف من عرض المشكلة مو على قولتهم"ننشر غسيلنا قدام الناس"لا لكن الهدف من عرض المشكلة هو البحث عن الحل ومحاولة جادة لذلك ...

اخيراً .... اختلافنا في وجهات النظر شيء طبيعي فكل منا ينظر للمشكلة من زاوية معينة وكل يقيسها على مجتمعه الذي يعيش فيه ولكن اختلافنا لا يعني اننا لا نلتقي ابداً ...لأ هناك دائماً نقطة التقاء يجب أن نبحث عنها،،،شكراً لك من الأعماق...

**Hamood AlSudais** · 11-10-2007, 07:05 PM

أخ مناحي

ملاحظة:
أنا مو (أعرابي) وسبب أختياري لأسم (مناحي) سبق وبينته أكثر من مرة بمنتدى جامعة الملك سعود :sm180:

بس تراي ادري انك منت اعرابي وترى فيه كثير كثير من الأعراب افضل من هالحضران .... وكلهم حبايبنا :sm180:

إعـــــــلان

مقتطفات من أخطاؤنا...

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق