السلام عليكم

اخواني وانا ابحث عن الايدز في قوقل طلع لك منتداكم وقريت اغلب المواضيع عندكم وسجلت لاحكي لكم مشكلتي ابي اقولها واستحملوا كلامي والله ان راسي بينفجر من التفكير

انا كنت على علاقه مع بنت في نفس مدينتي متزوجه ومن كلامها عن حياتها عرفت انها تتعرف علي وتكلمني بصعوبه وانها عاقله بس الضغوطات مع زوجها خلتها تكلمني وطبعا صارت بيننا علاقه محرمه اكثر من مره المصيبه نست جوالها عندي مره وارسل شخص يهددها برساله اذا مارجعت علاقتهم... واجهتها اعترفت انها تعرف اكثر من شخص وهي تكذب علي وتبين لي انها تكلمني بصعوبه علشان ماازعجها كل شوي وتعرف ترتب وقتها حسبي الله قطعت العلاقه وبعدها باسبوعين اشتقت للجنس سافرت لدوله خليجيه ومايحتاج اقولكم وش صار المهم رجعت وانا كلي هموم وضايق صدري قررت التوبه
لكن ظهرت لي اعراض وامراض متتاليه تعبت منها لما بحثت في النت لقيت اغلبها من اعراض الايدز :: لكن ماني متأكد وقلت موب لازم اوسوس وكل ماطردت الوسواس رجع لي وانا تعبان بزياده وجسمي يوجعني كل عضله توجعني وبقع حمراء تظهر وتختفي قلت يمكن وسوسه ولي شهر من رجعت وعلى هالحال اليوم الصبح جالس افطر مع امي (الله يحفظها) فجأه جلست تبكي بحراره انا خفت عليها اول مره امي تبكي كذا حلفتها بالله تعلمني وش فيها قالت حالمه فيك حلم مزعج ويخوف وقلبي مقبوض عليك انا بكيت معها يوم قالت كذا ااااااااااااااااااااه بس وش اقول ندمااااااااااااااان والله مايفيد الندم كلما تذكرت البنت اللي هنا واللي برى صرت اشوفهم وحوش بعد ماكان الشيطان مصورهم ملائكه الله يخزي الشيطان ويذله


المهم ابي منكم شيئين الله يفرج همومكم
الاول
وش التحاليل اللي اسويها بالضبط لان كل واحد فيكم يعطي اسم غير الثاني وماهوب مهم السعر حطينا الفلوس في اللي مايسوون صحتنا اهم
ومتى تظهر النتايج اهم شي وهل بكره الخميس فيه مختبرات تفتح علما بانني في الرياض


الثاني
ادعولي اني اكون سليم معافا نذر علي لاودي امي مكه تعتمر معي وابعد عن طريق الحرام للابد