up
up
up

انا شخصياً رآح ادرس مختبرات
رغم التحطيمات إلي لاقيتها يقولوا لي الوظايف فيها بالقطارة وقليلة ..إلخ
لكن دآم الواحد عنده طموح لازم مايحرم نفسه من الوصول له..
أنا ماراح اقولك ادرس مختبرات ..لا ..اول شي شوف انت مبادئك وشو ..تبي رآتب ولا تبي تدرس
على حسب ميولك وقدرآتك ..إلخ بعدها فكر وشو التخصص إلي يرضيك ويرضي مبادئك
ومن وجهة نظري المختبرات ممتع جداً ناهيك ان التخصصات إلي فيه ماشاء الله { عد وأغط } وكل هالتخصصات نحتاجها ومستشفياتنا تفتقر إليها
وإذا الله وفقني ان شاء الله رآح اتخصص ماستر بالجينات وحآطة عيني على آمراض جينية ربي يقدرني واشوف لها حل ان شاء الله
واقدر اقول ان كل تخصص في المختبرات لو أحد حاب يجتهد فيه حتى لو بشكل بسيط رآح يخدم الطب بشكل قوي لأن المختبر اساس كل شي في الطب ..مآراح أكثر واتمنى من باقي الأعضاء يفيدونك أكثر

أهلا فيك اخوي

بقــولك شئ كوماندوز ترى الرزق بيد الله وترى كل شهادة بكالريوس تقريبا في جميع الاقسام والكليات مثل بعض . ونصيحة لا تطالع في القسم من ناحية راتب ومستقبل , طالع في القسم حسب هوايتك ومحبتك له هل انت تستجيب له ولا لا .
وبقولك شئ ثاني وخلها قاعدة في راسك لا حد يقولك هذا الشئ ماله مستقبل . اي قسم بالجامعة اخذت منه بكالريوس صدقني لك مستقبل .

طبعاً أنا بعدت عن موضوعك شوف بقـارن لك بين المختبرات وباقي التخصصات الصحية :-

بقولك حكايتي مع هذا القسم طبعا اول ما قدمت قدمت على المختبرات من اسمه حسيت انه حلو .. قلت بكالريوس مختبرات والله حاجة عظيمة كل اصحاب الدبلومات توظفوا وبرواتب حلوة اجل البكالريوس اكيد له منصب جامد . دخلت وعلموني قالوا تتخرج اخصائي مختبر واول مربوط 8000 انبسطت

عديت الترم الاول قالوا لي الناس ترى قسمك مثل اقسام العلوم الكيمياء والاحياء طبعا تحطمت وقلت ماشي , وبعد فترة قالوا ترى تتخرج يحطوك فني لمدة سنة او سنتين ويحسنوا وضعك لأخصائي قلت ماشي مو مشكلة . وبعد فترى نزل قرار ايقاف خريجي العلوم كيمياء واحياء تحت مسمى اخصائي طبعا بعد شكوى خريجي كلية العلوم الطبية وعلى فكرة ترى الوزارة ما عرفت القسم الا بعد الشكوى عرفت انه فيه قسم اسموا مختبرات في كلية العلوم الطبية ويهتم في دراسة المختبر وبـ لغة الطب بعدها تم ايقاف خريجي العلوم .

بالمقارنة ياخوي ترى دراسة المختبر بكالريوس يحتاج له همة وهو قسم حلو من حيث العلم والثقافة الصحية لكن خذ هذه المعلومة انه 80% من اخصائيين المختبر السعوديين خريجي كلية العلوم . طبعا تم ايقافهم ولكن اللي تعينوا في الاعوام السابقة من 2007 وانت نازل تحت مسمى اخصائي .

في اقسام حلوة وماعليها مشاكل مثل العلاج الطبيعي والتمريض والاشعة وصحة الفم والاسنان هذه الاقسام حلوة ومافي كليات ثانية تعطيك بكالريوس في هذه الاقسام .

وتقدر تكمل طب بعد ما تنهي بكالريوس اي تخصص من تخصصات العلوم الطبية المذكورة .