إعـــــــلان

تقليص
لا يوجد إعلان حتى الآن.

طريقة الإمتحان !!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طريقة الإمتحان !!

    السلام عليكم ورحمة الله وبركاته
    يا إخوان أرجو إفادتي في طريقة امتحان الهيئة لتخصص أمراض الدم قالو لي كل 3 شهور طيب هل الامتحان كتابي ولا كيف؟؟ ومتى بالضبط موعد اقرب امتحان إذا في احد يعرف ياريت يفيدني ضرووووووري جداً ومشكورين وجزاكم الله خير

  • #2
    وعليكم السلام والرحمة والبركات ..
    أولاً لي الشرف في إني أساعدك لأننا عايشين نفس الظروف .. وما في أي إزعاج لي ..
    وشكراً لاختيارك لي ..^^
    ما تخافي أبداً من الامتحان .. وإن شاء الله كل شي بيهون ..
    أنا برضو لسة ما امتحنت .. امتحاني يوم 13 / 12 بإذن الله ..
    لكن حوريكي الإجراءات شنو بالضبط ..
    أولاً بتمشي لمركز الهيئة السعودية للتخصصات .. في الرياض .. ولو انتي في الرياض حيكون أفضل كتير .. لأنو لو من مكان تاني ما بعرف بالضبط حتمشي وين ..
    المكان في حي السفارات بالرياض .. أكيد الوالد حيكون عارفو ..
    وتانياً يكون معاكي الآتي ..
    صورة من الشهادة الأصلية واللي لازم تكون موثقة من التعليم العالي والخارجية والسفارة السعودية في السودان ..
    ولو عندك خبرة ( أنا ما عندي ) .. برضو تجيبيها .. وتكون موثقة من الخارجية السعودية والغرفة التجارية لو الخبرة من هنا ..
    وكمان الأوراق الرسمية صورة من الإقامة .. وصورة من الجواز ..
    وصورتين فوتوغرافيتين ..
    والأهم من ديل امتحان اسمو الـ BLS
    Basic Life Support
    بتمشي في أقرب مستشفى ليكي وتمتحنيهو .. هو امتحان بتاع اسعافات أولية .. في نفس اليوم بتاخدي كورس لمدة أربعة ساعات .. وبتمتحني طوالي في نفس اليوم ..
    والامتحان واضح جداً .. وما بيطلع من الكورس اللي بيدوهو ليكي ..
    عن الانعاش الرئوي والتنفس الصناعي وكده .. حاجات سهلة ..
    وبيدوكي شهادة وبطاقة بعدها بأسبوع .. الشهادة دي بتاخديها معاكي للهيئة .. مطلوبة في التقديم ..
    الامتحان بـ 350 ريال ..
    أول ما توصلي الهيأة .. وانتي معاكي الأوراق دي .. بتمشي تحت في مكان اسمو Data حاجة كده لو سألتي بيوروكي ..
    ده مكان بيتأكدو فيهو من أوراقك .. ومن شهاداتك إنها حقيقية ما مزورة ..
    بتدفعي ليهو 380 ريال .. وبيديكي ورقة كده موقع عليها .. بعد ما انتي تملي ورقة كده فيها بيانات محدده ..
    تشيلي الورقة دي وتطلعي فوق ..
    الدور الأول .. تلفي يمين .. وتمشي على طول .. وبعدها تلفي يسار .. وتمشي لحد ما تلقي قدامك مكان لانتظار النساء .. حتلاقي بنات قاعدات ..
    في جهاز كده بتاخدي منو ورقة مكتوب فيها رقم .. أي واحده بتوريكي الطريقة .. ده عشان تحجزي دورك ..
    بتنتظري لحد ما الرقم اللي مكتوب في الشاشة يكون حقك .. وبتدخلي على طول .. غرفة مكتوب عليها من بره استقبال التسجيل والتصنيف ..
    بتقدمي الأوراق اللي قلتها ليكي دي كلها .. والموظفة بتشوفهم .. وكل شي بيكون تمام وكامل .. على طول بتحدد ليكي موعد الامتحان بعد ما تدفعي الرسوم .. اللي هي 1460 ريال ..
    أنا امتحاني يوم الخميس اللي بعد الجاي .. تخصصي أمراض دم .. إذا انتي برضو أمراض دم .. أبدي الاجراءات دي من حسي .. ويمكن تلحقي الامتحان ده .. لأنو لو ما لحقتيهو ناس أمراض الدم تاني إلا بعد شهرين .. أو تلاتة ..
    والامتحان حق أمراض الدم ما بيطلع من مرجع Essential Haematology
    والامتحان كللو عبارة عن اختاري أصح إجابة .. بيتكون من 70 سؤال ..
    وبتمتحني عالكمبيوتر أو ورق ما متأكده .. ويمكن تاخدي النتيجة في نفس اليوم ..
    ممكن يكون انجلش أو عربي .. على حسب انتي شهادتك بالانجلش أو العربي .. وأكيد حتكوني انجلش بما إنك من السودان ..
    وفي التصنيف بيكتبوكي أخصائية إذا انتي بكالريوس ..
    ووووووووو بسس .. تقريباً ده كل شي .. ^^
    وتاني بقول ليكي ما تتخوفي ولا أي شي .. لو عملتي الحاجات اللي قلتها ليكي دي كل شي بيكون تمام ..
    ^^

    ودعواتك لي أتوفق في امتحاني ..
    وأسأل الله لي ولك التوفيق .. ^^

    سوري إني كتبت الرد هنا لكن ما قدرت أرسل رسالة خاصة ..
    Thanks to my immunity

    تعليق


    • #3
      تسلمي حبيبة .. وده الواجب يا عســــــــل .. ^^
      تمام شديد إنك عملتي الحاجات دي .. التسجيل حيتم بكل سهولة بإذن الله .. والامتحان ثابت لأي زول يوم 13 / 12 الخميس دور الجاي وبالضبط الساعة 1 ظهر .. حيكون مكتوب في الورقة اللي حيدوها ليكي بعد ما تكملي إجراءات التسجيل ..
      ويب عندي امتحان لكن واحد بس وما لقيت غيرو .. بس برضو حيفيدك ..
      بس ما عارفة أرسلو ليكي كيف؟! الموقع ده ما قادرة أتفاهم معاهو .. ولا قادرة أرسل منو رسائل خاصة ..
      لو مافي إزعاج ليكي أفضل تديني ايميلك عشان أرسل ليكي فيهو ..
      ولكي كل الود ..
      أختك وزميلتك ..
      Leuky ^^
      Thanks to my immunity

      تعليق

      يعمل...
      X