إعـــــــلان

**على البال** · 01-12-2007, 10:56 PM

جزاك الله خير

يمكن توافقني بهذا النقطه اللي بذكرها ...

اغلب المتدربين والمتدربات من طلاب المختبرات وغيرهم ..

لا يتستغلون فترة تدريبهم بالمستشفيات بقدر كااافي ..

يعتقدون انها فرصه للراحه والاستجمام ..

هذا واقع عايشتها وعايشه غيري وانتم احكموا

ولا اعمم طبعا قلت الاغلبيه ...

اللي طرأ الموضوع ..

هو ان اتمنى ان يكون طريقة بالنقاط سبب لكل متدرب ان يستفيد منها بدلا من الدوران بأسياب المستشفيات ...

وشكرا لك

**glucose** · 01-12-2007, 11:23 PM

.

..

مررره حلو الـــ file
ينظم ويرتب المعلومات ..
المره الجاية (( اذا فيه مرره جايه ))

.. أكيد راح استخدمه :sm203:

..

Thanx
..

.

**Brucella** · 01-12-2007, 11:51 PM

السلام عليكم
اولا حابه اشكر اخوي labspe
كلامك روعه و اكثر من رائع ......بس المشكله منو اطبق
عندنا تلقى موظفين فعلا فاهمين و حابين يشتغلون و يبون احللون معاشاتهم و ايضا لغاية ثانيه في نفسهم يبون احسون انهم شي من المكان الي يشتعلون فيه يعني يبون ينتمون بمعنى الكلمه من فهم و من شغل
انا اقدر اوظف اي احد و اقوله سو جذي و حط هذا اهني بس تلقاه مو فاهم شي ليش المشكله منو ادربك منو ماسك التدريب
المفروض الي يمسك التدريب انسان عنده خبره و فاهم مو صار له اقل من سنه يبي واحد اعلمه و احطونه حق تدريب انت حلها
والله اني عانيت في المستشفى من صج معاناة وظلم في التدريب شكيت بس ما كو واسطه و الاجانب الغالبيه العظمى و اهمه ماسكين المكان و فاهمين طلعوني غلطانه و اني مزعجه
اقولن اقري و اشتغلي تتعلمين .يا ناس ابي اساسيات ابني عليها شغلي و علشان اقرا لازم افهم انا شنو ابي كتب الميكرو كثيره و الاشياء الي فيها مثل المحيط
ما عندي مشكله اقرا بس ابي افهم اول عن شنو اقرا ابي بس اعرف الاساسيات و الباجي علي لكن فعلا لما قالو الي مو على دينك ما اعينك
الاجانب الغير مسلمين من صج ناس انا معاهم ثلاث سنوات ما شفت منهم تعليم عدل ولا شي من نفسهم يعطونه حق احد اتكلم من صج طبعا مو كلهم بس الي معانا والله من صج ناس انانيين
حتى ابسط الاشياء ما اقولون حقنا لما نسئل و نبي انسوي لا مو وقته انتو جونيور صار لي ثلاث سنوات ولازلت جونيور تخيلوا ثلاث سنوات لازلت ولا شي
لما دشيت المنتدى والله اني فهمت اشياء وايد و استفدت منها والله لدرجه اني اقول ..........................................حسبنا الله و نعم الوكيل على الي ما علمني ..................

طبعا صار اليوم الي قالوا فيه حق رئيس قسمي انهم علموني اشياء ما استحقها ما فكروا انهم ادربون علشان الله ثم المرضى احنا في المستشفى حق المرضى مو حق الموظفين يستحق او ما يستحق انتم ملزمين بتدريب الموظفين الجدد سواء زين او مو زين انت عليك تدريب هال الناس علشان يمسك قسم يشتغل فيه على عينات مرضى
انا صادفني دكتور بهجات الله يرحمه صراحه حابه اذكر افضاله علينا دكتور من مصر فعلا كان بمعنى الكلمه انسان وقف معانا ساعدنا فهمنا يا ما واجهنا عقبات بس كان الصدر الحنون و الاب درسنا مايكرو من اروع الدكاتره الي صادفتهم عطانا من كل قلبه كل الي اعرفه على الرغم كان في بنات قليلات ادب بس ما همه احد غير انه يرضي ربه و ضميره
في مستشفى من المستشفيات عندنا اخت هم من مصر بس اذا تبي عينها تعطيك انسانه وصلت ناس الى القمه الله اوفقها و غير الكويتيين ناس فعلا دربوا من كل قلبهم
بس حسافه المكان الي انا فيه اجانب من الفلبين مو مسلمين الي قالوه حق مسؤولي انهم عطوني اكثر مما استحق
فيا اخي الكريم قولي اين اساسيات التدريب ؟؟؟؟؟؟؟؟؟؟؟؟؟؟؟؟؟؟؟
ثلاث سنوات انا بس على هامش مهما اتعلم و ابي اسوي مايرضون اقولون لنا اخطاءنا
اصلحون لنا و احنا مو موجودين و اذا سألنا قالوا مو شغلكم
صراحه في المنتدى تعلمت اشياء اكثر مما تعلمته في المختبر
صراحه انا حيل مقهوره و امعصبه لما شفت الي انت كاتبه عصبت زياده عليهم والله حرام من صج اتكلم ابي اتعلم و اسوي و اشتغل ابي افهم و اعرف ما احب اكون اله او جهاز اسوي من غير ما افهمو اعرف
صدقني اني تعلمت اشويه بعد ما طلعوا روح روح اخر شي قالوا انهم عطوني فوق ما استحق
"we give you more than you deserve"
انت تخيل
جزاك الله خير الجزاء و يعطيك العافيه
و سامحني طولت بس مقهوره و مبطوطه و امعصبه من الي دربوني

**labspe** · 02-12-2007, 06:54 PM

بسم الله الرحمن الرحيم

اشكر كل من مر بموضوعي يعطيكم الف عافيه

بالنسبة لأختنا بروسيلا....انا اختك ولست اخوك..

تاني شي والله عورتيلي قلبي من معاناتك حسبي الله ونعم الوكيل والله يابروسيلا كلنا عانينا ايام التدريب

والتوظيف مشكله المتدربين يبغالهم احد متفرغ يعلمهم يدربهم واما اللي يكتم علمه ويبخل على الناس ربنا

يحاسبه ...اقلك الله يعينك على اللي عندك وكمان يقولو انك عرفتي اكتر ما تستحقي ...انا لله وانا اليه

راجعون ليش العلم نزل عليهم بس؟؟؟:sm204:

شوفي اغلب معاناتنا اننا اتعودنا ايام الجامعه تلقي معلومات وبس انا عانيت من الموضوع دا تسجيل

محاضرات ونوتات مافي شي اسمه بحث مصادر خارجيه معلومات من النت اشياء متحركه انتراكتف للتكنينك

اللي اتعلمناه...كله تلقي ..ويوم جينا نتدرب الا الوضع غير...نستنى احد يعلمنا ويفهمنا مهاره البحث والتعلم

عندنا اندفنت بذا السبب فنحس بالضيق والعجز لمن ماحد يعلمنا ....اقلك يابروسيلا نصيحه من اخت علمي

نفسك بنفسك ..طالما عندك همه عاليه لاتتركي حاجه من قراءه من انترنت من مراسله ذوي الاختصاص

من حضور دورات ترى ربي بيرزقكك على قد نيتك وهمتك ووسعي صدرك ياشيخه الله يحاسبهم والله

عورتيلي قلبي وما ادري ايش اقلك ان شالله ربي بيرزقك وكل متدرب ومتدربه العلم النافع والعمل المتقبل

الصالح:sm189:

**هاوي مختبر** · 19-03-2008, 10:01 PM

انا مشكلتي غير اختي labsep انا فني مختبر وليه 5 سنوات اعمل اداري يعني من تخرجي من الكلية الصحية على طول ونسيت كل الي تعلمته يادوبك شويت حاجات وخوفي يرجعوني على المستشفى واش الحل ابرايك ممكن يستفاد مني بعد هذة الفترة والا لا يعني ممكن اتعلم من جديد .

**عمرو** · 20-03-2008, 10:32 PM

مشكككككككككككككككككككككككككككككككككككككككككوره كتييييييييييييير

**haki** · 21-03-2008, 07:17 AM

مشكور اختي على المعلومه ..

سلاااام عليكم

شكرا اخت لاب على الملف والمعلومه ....يعطيك الف عافيه....

اخوي (هاوي) بالنسبه لمشكلتك تقدر تعملك اعاده تأهيل وتحاول تمارس عملك ومع الوقت راح تتذكر كل اللي درسته....

تفائل اخي

الله يوفقك

**labspe** · 21-03-2008, 11:29 AM

المشاركة الأصلية بواسطة هاوي مختبر مشاهدة المشاركة

انا مشكلتي غير اختي labsep انا فني مختبر وليه 5 سنوات اعمل اداري يعني من تخرجي من الكلية الصحية على طول ونسيت كل الي تعلمته يادوبك شويت حاجات وخوفي يرجعوني على المستشفى واش الحل ابرايك ممكن يستفاد مني بعد هذة الفترة والا لا يعني ممكن اتعلم من جديد .

هاوي اذا انت تحب شغل المختبر وماتلاقي منه ملل او ضجر اكيد راح ترجع معلوماتك بالممارسة والقراءه ولو تلاقي اي شخص متمكن من المهنة سواء فني او اخضائي او استشاري تتعلم منه يكون احسن

بالتوفيق

**lolo** · 21-03-2008, 01:16 PM

الله يعطيكي العافية

**HOLAKO** · 22-03-2008, 12:53 AM

بارك الله فيك ورحم الله والديك

**هاوي مختبر** · 22-03-2008, 09:03 PM

الله يعطيكم الف عافية وانا مستفيد كثير من هذا المنتدى ولذلك لاتحرمونا من معلوماتكم الغزيرة

**Hybridoma** · 22-03-2008, 09:39 PM

يعطيك العافية

فعلا اساسيات جيدة

**saudi spy** · 22-03-2008, 10:17 PM

المشكلة ياشباب لو تتوظف بمستشفى امكانياته عادية جدا وانتم تعرفون الوظائف قليلة الحين ومو أي مستشفى تبغاه تتوظف فيه

كذا تقتل طموحك وتتعود على الكسل

والله المشكلة هذي خايف تصير لي يوم من الايام

**FOOFO** · 23-03-2008, 01:40 AM

يعطيكي 10000 عافية

إعـــــــلان

النقاط الواجب تعلمها في كل قسم من اقسام المختبر

النقاط الواجب تعلمها في كل قسم من اقسام المختبر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق