إعـــــــلان

**أبوهاشم** · 14-09-2008, 02:32 AM

الهدف من هذي الفكره إن كل واحد يستفيد من قصص الثاني وياخذ العبره منها أو حتى يضحك منها .

أكتب قصه تتذكرها طويله كانت أو قصيره

**أبوهاشم** · 14-09-2008, 02:52 AM

عندي قصه كل ما اتذكرها أفطس من الضحك

أيام ما كنت في المدرسه في سنه ثانيه متوسط تضاربوا مدرس الرياضه ومدرس العربي وكان كل الفصل يشجع مدرس

الرياضه وبيني وبينكم مدرس العربي أكل من الضرب شي كثير وما أحد فرق بينهم إلى أن سمع المدير صوت التشجيع وجاء

وفرق بينهم.

**Hamood AlSudais** · 14-09-2008, 05:22 AM

الصراحة القصة الأولى محزنة ...

وما اقول إلا قدر الله وما شاء فعل ولا تنسى حاول انك ترجع تتواصل مع صاحبك ذاك ... اكيد هالحين كبر وفهم انه كان غلطان يوم رفض يقابلك

موضوعك مميز أخوي

**أميرة يمنية** · 14-09-2008, 11:05 AM

مشكور ابو هاشم على طرحك للموضوع.....

المواقف المحزنة كثيرة...ويصعب على البال نسيانها....ولكن الاهم اخذ العبرة منها

.................................................. .....................

حصل موقف في الخامس من رمضان

كنت رايحة للوظيفة و لقيت صرصور:sm183: مقلوب على ظهرة.... يحاول المسكين يقوم

تاملت له للحظة... وفكرت ...!!!!

قلت يابنت ساعديه:sm193:....وبعدين رجعت وقلت : اصلا مامنهن لا المرض:sm206:

المهم كملت طريقي و كان يومي عصيب

كل ما افتح ورقه ولا اشيل ملف.... إلا و اتذكره

الصراحة جاني تانيب ظمير كبير :sm204:.... وقلت استغفر الله الواحد منا يدور الاجر في رمضان و انا ولا بهمي

ولو حتى صرصور...!!!

وانا راجعه من العمل...... مالقيته:sm184:

.......

مدري اضحك ولا ازعل

**أمير الكلمة** · 14-09-2008, 03:55 PM

موضوع جميل جدا
وانتظر شخصيا اثراءه بجميل القصص من قبل الاعضاء

ابو هاشم
قصتك الاولى مؤلمة جدا

والحمدلله على كل حال

اما الثانية ههههههههههههههههههه

بالنسبة لقصه اميرة
فالحمدلله انك ما ساعدتية لأن راح يلقى حتفه لا محالة لو تحرك

اما القصة اللي راح اذكرها لكم
فكنت مرة توني راجع للبيت ويوم دخلت لقيت اخوي الكبير تعبان مرة
وحرارته مرتفعة بشكل كبير جدا وكان يرتجف من البرد
المهم خذيته ووديته لأقرب اسعاف
وصلت المستشفى ونزلته
تصدقون اني تفاجأت بالمنظر اللي كان قدامي
الصالة تغص بالمرضى !
والعلاج بطيئ اكثر مما تتصورون
المهم اخوي نام على فخذي << شفتو اني حنين على اخواني :sm192:

فبعد وقت ليس بقليل نادو اسمي ورحت وكنت احسبهم بيعالجونه
سألوني وش فيه اخوك ؟ قلت: حرارته مرتفعة جدا
قالوا خلاص حالته مو خطيرة انتظر نناديك مرة ثانية (هذا الان بزعمهم نوع من التنظيم!)
رجعت لأخوي اللي كان شبه صاحي وشبه مغمى عليه
وانا في طريقي له شفت منظر خلاني (اتكهرب! )
شفت واحد عند صاله الاسعاف طايح في الأرض في الممر بجابت صالة الاسعاف
بس تدرون وشي المصيبة!
وانا اناظر الرجال مر من جنبة ممرضات وأطباء من العاملين بالمستشفى ولاكلفوا انفسهم يساعدونه ولا شي!!!
بالعكس كانوا يسولفون ويضحكون ولا اعطوه وجه

المهم رجعت لأخوي وبعد فترة عطوه خافض حرارة وقالوا انتظر وبعدين نكمل العلاج
فأنا شفت المسألة طولت كثير فقلت لأخوي قم شف الرجال هذا طايح على الارض ولا احد ساعده !
فأخوي اول ما شافة طاب

اي والله طاب

وقال خلاص يكفي خافض الحرارة اللي اعطوني اياه

وقال لي: يلا رجعنا البيت بس

وتوته توته خلصت الحتوته, حلوة ولا فتفوته؟

ابو هاشم
الصراحة بداية نارية لك معنا بالمنتدى واتنمى ان تكمل على هذا المنوال من التميز

شكرا لهذا الإبداع

**أبوهاشم** · 14-09-2008, 08:21 PM

شكرا على تفاعلكم

أميره يمنيه

حرام عليك لو إنك لما شفتي الصرصور مقلوب على ظهره

دعستي عليه برجلك عشان تقتلينه وتريحينه من العذاب .

خخخخخخخخخخخخخخخخ

أمير الكلمه

صراحة وضع لا تحسد عليه

نصيحه مني إذا كان عندك مريض لا سمح الله لا تاخذه للمستشفيات الكبيره لأنها بتكون زحمه إلا إذا كانت الحاله خطيره

الله يشفي مرضانا ومرضى المسلمين

ما زلنا ننتظر المزيد من القصص

**jemy** · 15-09-2008, 02:45 AM

أهلاً بك أخوي ابوهاشم
الله يعطيك العافية وعلى قولت الامير بداية نارية و مبدعة
أتمنى أن تستمر و أن لا تنقطع
الله يحيك و لا تحرمنا من إبداعك
.
.
سبحان الله
ما كان في بالي إني أشارك أو أكتب شئ بالمنتدى
لكن موضوعك أخوي شدني كثير
وقلت خلني أشارك
.
.
هذا قصة قديمة جداً
حصلت لي و أنا بعمر 5 او 6 سنوات
أيام البيوت الشعبية بالحارة
كانت فيه سيارة قديمة لواحد من الجيران
و صاحبكم شاريله كرتون كباريت

[IMG][/IMG]

طبعاً أكيد أنتم عارفين وش سويت

.
.
.
أخذت الاعواد
.
.
.
.
.
.
.
.
.
.

و شكلت بها نموذج مشابه للسيارة
طبعاً في خيالي بس
ههههههههههههههههههههه

و باقي السالفه ما يبغالها وصف

**أبوهاشم** · 15-09-2008, 04:11 AM

تسلم أخوي جيمي

قصتك عجيبه بس إن شاء الله ما أحد مات من الحريق

هذى الشي سويته وعمرك 6 سنوات أجل وعمرك 12 سنه إيش سويت؟

**Ms.lab** · 15-09-2008, 05:02 AM

في مواقف كثير تمر بحياة الانسان يستفيد منها الكثير من الدروس والعبر

اليوم سوف احكي لكم مغامره من مغامراتي في السفر فانا من عشاق السفر واكتساب الخبره اثناء السفر
في عام 2006 قررت العائلة زيارة استراليا في اجازة الصيف بحثت كثير في الانترنت عن استراليا والاماكن السياحيه ودرجات الحرارة ....الخ
زرنا استراليا وقضينا فيها اكثر من شهر مابين مدنها وفي يوم من الايام وقبل مانرجع السعوديه بيوم تقريبا وفجأة وبدون مقدمات داخ والدي وفقد الوعي وماكنا عارفين اي رقم من ارقام الطوارىء في استراليا او كيف نتصرف وكان الوقت متاخر جدا واستقبال الفندق مقفل
وفجأه تذكرت برنامج 911 وقلت خليني اجرب وفعلا اتصلت وردت عليا وحده وساعدتني وارسلولنا اسعاف ونقل الوالد للمستشفى وجاااات سليمه زي مايقولو
من يومها قررت ان اي بلد افكر اسافره او ازوره اول شي اسويه انزل ارقام الطوارىء كلها (شرطة-اسعاف-مطافي ....الخ)
وان الانسان لازم يتنبه للاشياء هذي لانه مايدري ايش ممكن يصير معاه

والحمدلله على كل حال كانت تجربه مخيفه ومفيده

**أبوهاشم** · 17-09-2008, 01:18 AM

أختي Ms.lab

سلامات على الوالد وما يشوف شر

عاد تصدقين إنو في عالم ما تدري عن أرقام الطوارئ للي في بلدهم

وأنا منهم

خخخخخخخخخخخخخخخخ

**xXx** · 17-09-2008, 04:23 AM

مســـا الخيـر أو صبـــاحــه

مشكــوووور يا ابو هاشم ع هالموضوع ومن جد شديتنا بفكرتك الجديدة

المهم قصتي :

يوووووووووووم كنت صغيرة ,,, في عـام الحطبـة كنــا رايحين للبر

وخلصت رحلتنا اللي كانت يومها الجو غيم وخير بس مانزل مطر

وكنا مقررين انه نضل بالمخيم لليوم الثاني

فجـأة جدي قام وقال بنرجع للرياض

وبسررررررررعة خمنا ومااعرف كيف شلنا اغراضنا وركبنا السيارات وكنا معصبين عشان نبي نجلس اكثر

المهم تونا نمشي بسياراتنا مالنا الا دقايق الا ونزلت هذيك الصاعقة قدام سياراتنا ع طول

لدرجة صوت السيارة خوفنا لما جينا نوقفها

وفجأة تغيرت الاجواء

وصارت امطار ورياح شديدة وصواعق بس اقواها اللي كانت مقابل سياراتنا ووصلت للأرض

وضلت فترة من الزمن معلمة بالأرض

>>>> زبدة الهرج : الله مقدر الأمور يغير الحال بين لحظة والثانية

وان الأولين عندهم مقدرة قوووووووووية ع التعامل مع بيئتهم

**أمير الكلمة** · 17-09-2008, 06:00 AM

الموضوع كما اسلفت مميز
وزادة تألق الأعضاء تميزاً
وانتظر انا شخصيا مزيداً من الإثراء من قبل الأعضاء

_ مــثــبـــت _

**jemy** · 18-09-2008, 01:44 AM

بعض القصص تترك أثاراً لا يمحيها الزمن
و بالتالي لن نستطيع نسيانها و لو حولنا ذلك

السالفة يا جماعه

زمااااااااااااااااااان و أنا صغير بصراحه مدري كم كان عمري
و تعرفون السبب بعدين
:sm197:
أعتقد الكثير منكم يعرف النجر
أو بعض الناس يسمونه الهوند

[IMG][/IMG]

طبعاً هو أدة تستخدم لطحن القهوه
طبعاً الان تغير اسمه وصار ملونيكس
:sm174:

الوالد جالس يدق النجر و صاحبكم من زود اللقافه
وده يشوف وش الي بداخل النجر
:sm185:ن1

طع طخ طع طخ

والنتيجه علامه فارقه بين العينين لا يمحيها مرور الزمن

**أبوهاشم** · 18-09-2008, 03:21 AM

العفو أختي xXx

سلامات

أنا شاكك فيك

شكلك كنتي مشغله الجوال الله يهديك

:sm180:

أخوي jemy

العبره من قصتك إن اللقافه شينه:sm192:

إعـــــــلان

دعوة للمشاركة/ :- في قصص لن ننساها

دعوة للمشاركة/ :- في قصص لن ننساها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق