تويت
رسالة اعجبتني اهديها لقهوة المنتدى
ياصاحبي الدنيا حكايات وعلوم...قصصن عجيبة تذهل الي قراها
الدنيا لو تضحك معك دايم الدوم...خلك فطين ولايهمك رضاها
كم واحدن تبني له امال وحلوم...يفنى وغيره يهتني في بناها
ياما افرحت قوم واحزنت قوم...وكم اعشقت عين وخانت غلاها
ياصاحبي شفت امس شف حالنا اليوم...دنيا تقلب يكفي الله بلاها
اليوم لامنه بغت عيني النوم...تنكدت روحي وعافت كراها
ماكل من علا بالاصوات مفهوم...وماكل روحن تلتقي في مناها
وماكل من يشكي معذب ومحروم...وماكل من يضحك همومه نساها
بحر الحياه ان كنت ماتعرف العوم...يرميك في غابة بعيدن مداها
من راح يستسلم من احزان وهموم...يموت حي وحاجته ماقضاها
واجه هبوب الوقت بايمان وعزوم...لابد ماربك يهدي هواها
واصبر اذا شمسك حجب نورها غيوم...الغيم بيتفرق ويشرق سناها
تعليق