إعـــــــلان

تقليص
لا يوجد إعلان حتى الآن.

انتبهووووو ي شباب و بنات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انتبهووووو ي شباب و بنات

    اولا السلام عليكم ورحمة الله وبركاته

    انا كلمت دكتور ابورشاد من شهر انه يشرحلنا ويذاكرلنا اختبار التخصص فني مختبرات اختبار الهيئة وهو اتفق معنا ياخذ كل طالب 3000 ريال ثلاثة الاف ريال من كل طالب

    وحنا كان عددنا اثنين فقط من الرياض وهو ساكن في القصيم واتفقنا كلنا ع السعر صحيح انه غالي بس اهم شيء نضمن النجاح فقط

    والله العظيم ي شباب رحت للقصيم وجلست 4 ايام بس بعد ما وصلنا القصيم والا في طالبين واحد جاي من بيشه والثاني من تبوك درسوا معنا وتعرفت عليهم واخذت ارقام جوالاتهم المهم

    عطانا ملخص 560 سؤال كل يوم ملزمة بعد ما شرحلنا وذاكرلنا ورجعنا للرياض وجلست 12 يوم وانا اذكر يوميا ومركز كل حاجة وطبعا عطانا تقريبا 12 صور مع اجاباته

    المهم جا موعد الاختبار الهيئة والله العظيم ي شباب بعد ما توكلت ع الله ويشهد الله علي ما جا منه الا تقريبا 8 اسئلة بس وهو وعدنا قال اذا ذاكرت 560 سؤال راح تنجح ع طول

    والله رسبت جبت نسبة 34 % والله اني مذاكر ومركز واتصلت ع الطلاب اللي كانو معنا اثنين واحد من تبوك والثاني من بيشة قالوا حنا رسبنا وحسبي الله عليه

    والله ي شباب انتبهو انتبهو انا ما ابي منكم الا اعطيكم النصيحة والله ترا كلها كذب في كذب فيه اثنين قبلي اختبروا ولا نجحوا قالوا ترا كذاب بس انا قلت ممكن هم ما ذاكروا ليتني سامع

    كلامهم احسن من خسارة فلوس 3000 ريال بس ما اقول الا حسبي الله ونعم الوكيل ,, وانا كلمت دكتور قلت فيه طلاب اختبروا اخذوا ملخصاتك ورسبوا هو قالي اذا انت ما تبغى عادي من

    الحين اطلعانا قلت بقلبي دام قال كذا من الحين اطلع قلت اكيد الطلاب كذابين وشوفو كيف الذكي عشان يخليك معه ولا تطلع وانا قلت لا خلاص بكمل شوفو كيف النصب والله العظيم

    والله الى الان اكلم الدكتور اقوله رجع لي نص المبلغ والا عطني غير الاسئلة ذي بجرب محاولة الثالثة والاخيرة والله العظيم كل يوم يقول بعد يومين برسلك الاسئلة لي تقريبا 20 يوم ماشفت شيء منه انا اقولكم انتبهو انتبهوا والله كله كذب ...

    وانتو براحتكم اهم شيء انا علمتكم والله يوفقكم جميعاً ويتسهل اموركم وآسف ع الاطالة

    وشكرا لكم

  • #2
    انتبهووووو ي شباب و بنات

    انا مثلك ي خوي درست عنده ورسبت ماجاء شي من اسئلته ورحت 3000 قسم مذكره وحافظه كل شي 😭😭😭


    تم الإرسال بواسطة iPad بإستخدام Tapatalk

    تعليق

    يعمل...
    X