مساكم عسل المنصه وصل
<< اخلص علينا
هلا فيكم جميعا ....
اعذروني على التأخير ااسابيع مزحومه
وعينات بالهبل
ناشب في حلقي خمسه تشامبر
وسطعش سلايد هههههههه وبالع كرتونين دفرينشيل
طبعا اليوم بتكلم باختصار عن الميديا واهم الميديا اللي نستخدمها
وبحكم اننا قلنا للمبتدئين نبتدي حبه حبه
لانه بصراحه بعضها مايفيدك بالمايكرو الطبيه ...ويفيد انك تعرفها
بس حق انها تشتتك وتضيع فكرك ...وتكره ابو جد المايكرو
لذلك انا لي تحفظ على بعض الاخصائيين
لما يجون عندنا المتدربين ويطالبه انه يعرف الميديا كلها
ومكنتها وليش وما ليش ...
هذا يخلي الطالب او المتدرب يكره المايكرو
انت عطه الميديا اللي تستخدمها وليش نستخدمها وخلاص وم كل الميديا
لانه متدرب ومضغط نفسيا حالته حاله
<< نصير المتدربين :sm183:
مو مهم ش الاشياء اللي بداخلها لانك انته مابتحضر ماجستير
او بتدرس دراسات عليا اهم شي عندك اذا فيه ميكروب يطلع
لذلك بعطيكم الميديا اللي تستخدم بالمستشفيات وبإختصار شديد
وحده حده وليش نستخدمها له وبعض المعلومات اللي يجب انك تعرفها
عن الميديا وبس ....
طبعا زي ماقلنا لكل ميكروب وسط او ميديا او بيئه يحبه زي مايحب روميو جوليت
وزي مايحب المنصه كبسة اللحم
قلنا قبل لازم ندلع البكتيريا ونعطيها شرهات علشان بالأخير نكافحها
واعيد واقول المايكرو
عينه
مزرعه
تحضين
قراءه
نتيجه نهائيه
ولا ننسى ان شغلك يبدأ من الان لانك اذا زرعت على الميديا المناسبه بصوره مناسبه كانت القراءه دقيقه و سهله والنتيجه النهائيه دقيقه
لذلك كل شي يترتب على الخطوه هذي انت خلاص عرفت العينه وجا دور الميديا ..
اولا اجار الدم BLOOD AGR
هذا انا اسميه القلب
ولازم بكل العينات تلقاه عدا البراز
حلو الكلام
اكيد بتسألون
وش اللي ينمو على هذي الميديا ؟
بقولكم كل الجرام الموجبه والجرام السالبه
عدا الموركسيلا والنيسيريا والهيموفليص << هي بالسين بس عاد بتفلسف
وبكتيريا السل التوبر كلوسيس
ليش لانه غنيه فيها دسم فيها مالذ وطاب من محفزات النمو للميكروب
يعني بيتدلع الميكروب في ذي المديا ...
ثانيا اجار التشوكليت :Checolate Agar
هو اساسا دم .... بس يختلف عن اجار الدم العادي
بأنه نضيف الدم وهو يغلي عند درجة حراره 80 دروجه مئويه
ليش طيب ؟ لانه بنكسر كريات الدم الحمراء علشان لو بالعينه نيسيريا
او موركسيلا او هيموفيلص او كنقيلا كنقاي بتستفيد من التكسير هذا
وتستفيد من بعض العوامل اللي تكسرت ... علشان كذا
هي ميديا مناسبه لنمو الرباعي المرح ...وبكذا نكن عرفنا ليش
مانمت البكتيريا اللي ذكرنا على اجار الدم
لذا يصير لونه زي لون التوكس اللي ضاربته الشمس وسايح :sm194:
وتنم عليه الجرام السالبه والموجبه بعد اذا جينا بالريدنج راح
نوضح اكثر .. بس المهم تعرفون وش له الميديا ش نتوقع ينمو عليها
ثالثا الماكونكي MAC
يحبونه البنات ههه علشان لونه ولون البكتيريا
اللي عليه تنمو احيانا ههههههههه قسم هبال
وردي ههههههه
ماعلينا
هذا وسط او بيئه تفريقيه ماينمو عليها الا الجرام السالبه
علشان كذا انا سميته الراس وتلقاه دايم مع اجار الدم بكل العينات
علشان بعد يخلينا اذا جينا نعرف الميكروب نعرف هل هو جرام موجب والا سالب
وبالجزء اللي بعده راح نشوف فايدة الماكونكي بالقراءه وتعريف المايكرب
عموما الماكونكي بيئه ينمو عليها الجرام السالبه من البكتيريا
رابعا السابرود SAB
طبعا هي ميديا للخماير والفطريات بيئه مناسبه لها
وريحة الخميره تبين فيها اذا فتحت البليت زي الكنديدا
<<< فتره من الفترات ادمن على ريحتها
طبعا اكيد ياشباب وياشابات تعرفون ريحتها
وخصوصا البنات لان لا جا رمضان انواع العجن بالبيت وبالمطبخ
خامسا : لونشتین جنسنL . J)
هذي خاصه في بكتيريا السل T.B التوبر كلوسس
هي
سادسا : الهكتون
تستخدم في عينات البراز
سابعا S.S بيئة سالمونيلا شاقيلا
تستخدم بعد بالبراز ....
حلو الكلام هذولي باختصار شديد الميديا الصلبه اللي
يجب انك تعرفها بحكم انك مبتدى وتعرف بوجه التحديد
التشوكليت وش فرقه عن اجار الدم ...
نجي للميديا السائله اللي يجب انك تعرفها كامبتدى
اولا السلنايت
وهذا محفز لنم بكتيريا الشاقيلا والسالمونيلا
ثانيا الثايو أو الثیوجلیوكولات:
هذا محفز لنمو البكتيريا ....
حلو الكلام
حلو يامنصه
بكل بساطه اعرف الحاجات هذي عن الميديا
اعطيك خبره اربع شهور في قسم المايكرو اذا عرفت انواع العينات والميديا
اللي نستخدمها لها
واعذروني اعطيكم بشكل مختصر لانه من الصعب اقولكم
كل شي وانت لسا طازا ... وهذي مو كل الميديا بس اهمها
هذا موضوع مهم انك تعطي الشخص اللي يستفيد منه
مو زخم معلومات على لا شيء
تقوله وش لون نزرع يقولك احرث الارض قبل
ونلتقي بالجزء الثالث مع التحضين والقراءه والنتيجه النهائيه ...
وهذا اهم شي بالموضوع كله ...
<< داخ على الكيبورد
تعليق