السلام عليكم ورحمة الله وبركاته

كيفكم حبايبي ان شاء الله الجميع بخير وعافيه

ومسائكم خير ورضى

انا طالب مبتدئ وش حليلي تخصصي مختبرات

ولا اخفيكم واجهت صعوبات من تقبل مجتمعي او بالاصح محيطي الاجتماعي لفكره إنظمامي الى الطاقم الطبي من خلال تخصص المختبرات

الي الكل عارف انه بحر حبيت اخوضه واجابه الصعاب لاجله وبفضل الله حصلت على اعلى الدرجات في اول ترم لي وهو الترم الحالي وإظافه الى الدرجات فهم المنهج والبحث من خلال الانترنت عن كل شيء يفيدني في دراستي والحمد لله لقيتكم

يعني توي جديد على هذا العالم

وابي اسأل الي قبلي واهل الخبره والي لهم في تقديم المشوره من الي يعرفون المختبرات وعاصروها

تحملوني شوي لاني جديد واقرأ بعض الشغلات في المنتدى ولا استوعبتها ومدري وش تعني

وانا عارف بفضل الله في الايام الجايه راح اعرف ولا راح اوقف عن البحث وتطوير نفسي علشان اخدم مجتمعي وبلدي على الوجه المطلوب والبي رغبه تمنيتها او بالاصح احقق هوايتي وحلمي الي اسعى الى تحقيقه والتميز فيه

في البدايه

وش تنصحوني كطالب مبتدئ في المختبرات .. من الناحيه الدراسيه ؟

ووش تنصحوني من المواقع العالميه العلميه الي تعرفونها وتفيد في تخصص المختبرات ؟

هل فيه مواقع تطرح الجديد من التطورات في عالم المختبرات ..؟


اهل الخبره وش تنصحوني به خلال مسيره دراستي ؟


هل المختبرات تخصصات ووش افضل شيء ؟

طبعا دراستي ماجت على الي اتمناه واستذكر بيت لشاعر كان كويس

يقول تجري الرياح بما لا تشتهي السفن

من ناحيه اني تخرج بدبلوم هل اقدر اكمل بكالوريوس ووش الاليه او اسهل آليه للي يعرف ؟


عند تخرجي بإذن الله فيه اختبار مسبب لي رعب من كثر ما اسمع عنه لدرجه اني نزلت وصورت اسأله من دكتور يدرسني عن الهيئه وانا توي باول ترم

وكم سؤال سألته ولا ارضى رغبتي في الاجوبه

فما ادري وش رأيكم في اختبار الهيئه وكيفه هل صعب ويحتاج على قولتهم مخ نظيف

وهل فيه عملي ؟


والله مدري وش بقى من اسأله مير الي يقدر يجاوبني ياليت يجاوبني وهو عارف وفاهم

لاني والله ما كتبت هنا الا ابي الاجوبه الصحيحه والواضحه الي تفيدني ولا تشتتني

وجزاكم الله خير

مختبراتي مبتدئ