إعـــــــلان

**مشتاقه للجنه** · 27-11-2010, 10:37 PM

ونزلوا لتحت .. وقعدوا يفطروا مع بعض .. اماعمر راح للشغله .. والبنات لسة نامين ..
في بيت شوقي ...ام محمد ومها قاعدين في الصالة بيشربوا القهوة

مها: طنط احنا معزومين النهاردة على العشى في بيت عمي صلاح ...مش كدة

كريمة : ايوة .. جزاهم الله خير . انا اللي كنت عايزة اعمل العزومة بس لما عزمتني ما قدرتش ا قولها حاجة ...

مها: واخيرا سارا جت والله اشتقت لها قووووي

كريمة : اه والله ما كانتش عارفة اني حشتقالها للدرجاتي ... مكانها لسة في قالبي

مها: وامتى حتوصل الطيارة ..

كريمة : معرفش بالظبط اعتقد الساعة 10

مها : يعني كمان نص ساعة تقريبا ..

كريمة : ايوة ..

مها: ومين حيستقبلها في المطار

كريمة : اهل عبد العزيز .. حاولت مع ابو محمد بس قالي مالهاش لزمة مرواحنا للمطار
.
مها: وعمي حيروح ..

كريمة : لا بيقول ما ينفعش اسيب الشركة فاضية .. اتوقع ان عمر بس اللي حيروح يستقبلهم ..

تامر: يا جماعة اللي تحت انا نازل ..

سلمان: ياهل البيت انا نازل

مها غطت راسها بسرعة ودخل تامر الصالة ..

كريمة : تامر ..

تامر : نعم يا عيون تامر ..

كريمة : غريبة انت صاحي بدري يعني .. انا عارفة انك ما عندكش محاضرة النهاردة ..

تامر : ايوة يا غالية ماعنديش دلوقتي محضراتي على العصر..

مها : وايه اللي مصحيك بدري كدة ..مش عوايدك ..

تامر : بيقولوا كلام الحريم حلو قووووي الصبح قلت اصحى واقعد معاهم واسمع الكلام الي بيقولوه ...

كريمة : كلام ايه يا ولا ... ما دام انت صاحي بدري كدة ليه ما رحتش المطار عشان تجيب اختك ..

تامر : ماليش نفس اروح ..

كريمة : خير ا شاء الله ... مالكنش نفس تروح تجيب اختك ..

تامر : في اللي يستقبلها ..

مها : والله اني مش مطمنالك يا تامر حاسة ان صحيانك بدري دى وراه حاجة ..

تامر : ههههههه والله مش فاهمتي في البيت كله الا انت يا مها با ينت خالتي ..

كريمة : يعني حيكونو راه ايه

تامر : لا بس مش عايز المسرحية تفوتني ..

مها: ههههههه مش انا قلت ان في حاجة ..

كريمة بعصبية : مسرحية ايه كمان .. اوعىتكون عامل مصيبة من مصايبك ..

تامر : ايه يا ماما حكون عا مل ايه بس ..

وقرب من امه وقعد جمبها وباسها على خدها ..

تامر : قصدي مسرحية الام والابن
..
خبطته لطيفة جامد : قوم يا ولا من جمبي .. انا مش عارفة حتكبر امتى ..

مها: هههههههههه

تامر: اااااااس ايا يا ماما وجعتني .. يعني انا بحبك بتعملي فيا كدة ..

مها: والله انت لسة عايل ونونو كمان

تامر: بقولك ايه اسكتني انت ومالكيش دعوة بيا .. امال فين العفريت بتاعك ..

مها: نايم

تامر : احسن عشان كدةة البيت هدوء

كريمة : انت فطرت ولا بسة ..

تامر : لا والله .. عندكم ايه يتاكل ..انتوا لسة ما فتطرتوش .. اكيد مستنيني

كريمة : خير ان شاء الله ا نت مين عشان نستنام ..احنا فطرنا من زمان مع ابوك واخوك ...

تامر: يبقى اكيد ما فيش اكل مش كدة ..

مها : ومن ا متى انت بتفطر معانا ..

كريمة : خلي الخدامة تحضرك الفطار ..

تامر : لالالالا مش عايز لغاية لما تخلص المسرحية حطلع افطر برة مع اصحابي ..

كريمة : اي مسرحية انت مالك يا ولا النهاردة ..

تامر : حتعرفي قصدي بعدين ههههههه

وفي بيت صلاح ..

سارة : عبد العزيز نفسي اتصل على اهلي اقولهم اني وصلت .

فوزيه: وليه ما تروحلهم احسن ..

عبدالعزيز: ايوة يالا قومي البسي وخلينا نعملها مفاجأة

سارا: خمس دقايق وحكون لابسة ..

عبدالعزيز: يالا بسرعة وما تتأخريش

بعد ما خرجوا من البيت .. اتصل عبد العزيز على ابوه اللي كان متعصب ومتنرفز عليه لانه عرف انه وصل من انبارح من عمر ..واتنرفز عشان ما اقلهوش .. وقال عبد العزيز له انه حيوصل سارة لبيت اهلها وبعدين حيروح الشركة عشان يسلم عليه وعلى عمه شوقي ..

وصلوا بيت شوقي..

سارة : انت حتنزل معايا مش كدة
..
عبدالعزيز: ايوة .. بتسألي ليه ...

سارا: لا اصلي سمعتك بتقول لابوك انك حتروح الشركة ..

عبدالعزيز:ايوة حسلم على طنط وبعدين اروحلهم الشركة اسلم عليهم

نزلوا من السيارة .. كان الباب مقفول قعدوا يرنوا الجرس ..

الخدامه: مييين..

سارا: ساندي افتحي الباب

ساندي : انتي سارة

سارة : ايوة بسرعة افتحي الباب ..

وراحت ساندي تجري عند الباب ..

كريمة : مين يا ساندي ..

ساندي : سارة جت يا مدام ..

كريمة : ايه سارة جت
..
تامر : مين سارة يا ماما ؟؟

مها : ازاي دول لسة ما لحقوش لو ما كانت طيارتهم الساعة 10 .. الا اذا كانوا جايين من المطار على طول على هنا ..

كريمة : قومي افتحي انت يا مها لحسن تكون واحدة بتضحك علينا .. ولا اقولك قوم انت ياتامر
...
تامر : لا صدقي يا ماما دى سارة اختي ..

مها : وانت اش عرفك وخلاك متأكد كدة .. انا حاسة من الصبح انك مش طبيعي ووراك حاجة ..
تامر بيبتسم : عارف وخلاص ..

كريمة : تااااامر قوم .

تامر : حاضر .. حاضر..

وراح تامر فتح الباب ولقى سارة وعبد العزيز .. ووقف يهزر معاهم شوية وبعدين دخلت سارة ..دخلت سارة الصالة ..

شافت امها قاعدة ويوسف في حضنهاشاكله كان لسة نايم .. ومها كانت بتقلب في محطات التليفزيون ..

سارة : السلام عليكم يا اهل البيت ..

اول ما شافتها ام محمد قامت من مكانها .. والابتسامة مليا وشها .. وكانت ماسكة يوف كان حيقعد من حضنها ..ولت على بنتها ..فتحت اديها لبنتها .. وعلى طول جريت سارة لامها واترمت في حضنها .. وضمتها كريمة جامد ..

كريمة : ازيك يا بنتي ... ازيك يا حبيبتي .. وحشتيني قووووي . البيت من غيرك ولا يسوى .. كل دى غيبة ..

سارا: والله انتوا اللي وحشني قوووي يا امي .... يا امي انا بحبك قوووي .

كريمة : وانا كمان يا بنتي .. انت عارفة انا بحبك قد ايه ..انت عاملة ايه يا بنتي..

سارة : انا كويسة يا ماما ..

وكان عبد العزيز واقف بره على الباب مع تامر ...

كريمة : امال فيين جوزك يا بنتي ..

سارة : واقف بره مع تامر ..

كريمة : وليه مخلياه واقف بره خليه يدخل ..

سارة وكانت بتنادي على عبد العزيز : تعالى يا عبد العزيز ادخل .

عبد العزيز : ازيك يا امي ... عاملة ايه وباس راسها ..

كريمة : الحمد لله انت عامل ايه يا ابني كل دي غيبة ..

عبد العزيز : معلش بقى الوقت كان بيعدي بسرعةو احنا مش حاسيين .

واستأذن عبد العزيز عشان يمشي ويروح الشركة عشان يسلم على ابوه وعمه وساب سارة عند اهلها لغاية لغاية العصر لغاية لما ابوها واخوها يرجعوا عشان تسلم عليهم وبعدين حيرجع ياخدها ...وسلم عليهم ومشي .. مشي تامر وراح لاصحابه
.. ..
مها: حمد لله على السلامه ياسارة

راحت سارة لمرات اخوها وسلمت عليها .. .. وهي بتسلم على مها سارة حاست ان في خحد بيشد هودمها من تحت ولفت لقيت يوسف على الارض .وطت وشالته وقعدت تبوس فيه ..

يوسف : وانا يا امتو تارة ..

سارة : اموت انا في كلمه عمتو سارة ..

سارا:اه صحيح مبروك يا مها ؟

مها : على ايه ؟

سارة : على الحمل ؟

مها : ااااه الف مبروك وعقبالك .. ان شاء الله ..

سارة : لا لسة بدري على ال موضوع ده

كريمة : ايه هو اللي لسة بدري في ناس كتير بيحملوا من اول ليلية ..

احمر وش سارة : بتقولي ايه يا ماما ..

كريمة : انت بتتكسفي من ايه يا سارة انتى بقيتى ست متجوزة دلوقتي ..

سارة : معلش لسة برضه على العيال... انتي في الشهر الكام يا مها ..

مها : انا حدخل على الخامس كمان اسبوعين .. ..

سارا: ربنا يسهلك ان شاء الله ... وانت عايزة ايه ولد ولا بنت ..

مها : كل اللي يجيبه ربنا كويس ..

كريمة : تعالي هنا ياسارة انتوا ما رحتوش لبيت عمك صلاح ..

سارة : طبعا رحنا هو تامرما قلكوش ..

كريمة : يقولنا ايه :

بعد ما شرحت لهم سارة الموضوع .. قعدوا يتكلموا وبعدين راحت امها عشان تشوف الغدا ... وخصوصا ان بنتها حتتغدى عندهم النهاردة ..

موبيل تامر رن .... هيا البنت دي ما بتزهقش ما بتفهمش يا ساتر .. بجد ماعندهاش كرامة .. خلاص انا مش عايزاها هي ما بتفهمش لي.. دي اخرمرة حكلمها فيها وحفهمها انها ما تتصلش بيا تاني ..

تامر : خييير نعم
..
مى: ليه بتكلمي كدة يا تامر ليه ..

تامر : انا قلتلك ما تتصليش تاني ...

مى: خلاص ياتامر انا مستعدة اخرج معاك في المكان اللي انت عايزة ودلوقتي لو حبيت ..

تامر : لا خلاص مش محتاج تطلعين معيا ولا حاجة ..

مى بحزن وصوت مكسور: ليه انت لقيت بنت تانية غيري ولا ايه ..

تامر : ايوة لقيت ودلوقتي بقى ممكن تقفلي التليفون وما تتصليش بيا تاني ..

مى وخلاص صوتها كله عياط: لييييييييييه يا تامر لييييييييييه

تامر : انتي دلوقتي عايزة ايه .

مى : عايزة نرجع زي الاول ..

تامر : اووووووووف .

مى: بقولك ايه انت جربني تاني وش حتخسر حاجة .. حتى انا اللي حتصل بيك مش لازم انت تتصل بيا ..

تامر : ليه شيفاني فقير ماعنديش فلوس ..

مى : لاء مش قصدي يا حبيبي .. بس عشان ما اتعبكش ..

تامر : لا مش محتاج : انا حرجع اكلمك تاني ..

مى: والله ... بجد يا حبيبي

تامر : بس بشرط

مى: امر يا حبي

تامر : تكوني عند كلمتك .. ومرة تاني لما تديني كلمه تبقى قدها فاهماني ..

مى: حاااااااااضر

تامر : ماشي انا بقى مضطر اقفل ..

مى : ليه لسة بدري انا ما صدقت اننا رجعنا لبعض ..

تامر : واحد صحبي جي ناحيتي ومش عايزة يشوفني وانا بتكلم في التليفون ..

ولسة حيقفل .. الا لسة هي بتكلمه ..

مى : تامر .

تامر : نعم ..

مى: انت بجد بتحب بنت تانية ...

تامر : لا ما بحبش .. ويالا بسرعة اقفلي التليفون ..

مى: اوكي باي .. بحبك

وقفل التليفون قبل ما يرد عليها .. ولمى قعدت تكلم نفسها بعد المكالمة .. وقعدت تقول عادي بس مصيره حيبقى ليا ... وزي ما رضيته دلوقتي حرضيه المرة الجاية ..

قعد تامر يفكر .. انا ليه رجعت العلاقة مع مى .. دى الفرصة جت لغاية عندي وكنت نهيت الموضوع ...يمكن عشان عايز اشيل صورة رهف من عقلي .. مش عايزها تسيطير عليا .. ربنا يعيني على البنت دي ....

سامح : انت سرحت في ايه

تامر: اهلا سامح ..

سامح : انا شايفك بتتكلم في التليفون .

تامر : اااه

سامح : اوعى تكون نفس البنت ..

تامر: ايوة

سامح : ان شاء الله قطعت العلاقة ..

تامر : لا اتصالحنا ...

سامح وهو فاتح عنيه ومستغرب.. ليييييييييييييي ه .

تامر : ما تسالنيش .. يالا نورح الجامعة خلاص المحاضرة قربت تبدأ ..

سامح : يالا ربنا يهديك يارب..

**مشتاقه للجنه** · 27-11-2010, 10:39 PM

الحلقه ال26

لما عرف ابو محمد ان بنته وصلت وهي في البيت عندهم .. خرج من الشركة قبل موعده .. وراح للبيت طبعا بعد ما جاه عبد العزيز وسلم عليه ..وتغدوا كلهم مع بعض ... وعلى حدود الساعه 3 العصر اتصل عبدالعزيز على سارا عشان حيعدي عليا ويروحوا ..

سارا: استنى شوية يا عبد العزيز انا لسة ما شفتش اخواني ..

عبدالعزيز : حنشوفهم الليلة ان شاء الله

سارا: محمد لسة متصل وقال انه حيجي مع مراته وعياله .. ومش حلو يجي وما يلقنيش ..

عبدالعزيز: كلهم حيجوا الليلة .. حتشوفيهم بليل يالا اهلي عايزين يقعدوا معاكي وخصوصا ابويا عايز يتأكد انك بخير ..

سارا: اوكي خلاص تعالى ..

عبدالعزيز : ربع ساعه وحوصلك حرن علكي تطلعي مش حنزل ..

سارا: طيب

وقفلت التليفون...

شوقي : حتروحي ؟؟

سارة : ايوة يا بابا حروح .. عبد العزيز حيمر عليا دلوقتي ..

كرمية : ما قعدتيش معانا ..

سارة : ما ان ا حشوفكم النهاردة في بيت عمي صلاح ..

شوقي: ايوة ان شاء الله ..

سارا: خلاص حشوفكم هناك ... ياماما ا نا حروج اوضتي اوشفها لو في حاجة عايزة اخدهامعايا ..

مها : دقيقة حجي معاكي ..

كريمة : ما فيهاش حاجة ميرنا ورهف ما قصروش وخدوا كل حاجة تقريبا ..

سارا:عارفة بس عايزة اتاكد .. وبصراحة اوضتي وحشتني ..

مها: ههههههههه .. دلوقتي وحشتك ولو قلنالك تعالي نامي فيها وسيبي جوزك مش حتوافقي ..

سارا: حرام عليك .. مش للدراجتي ..

مها بمكر: حنشوف

وراحوا الاوضة وهما بيتكلموا .. وبعد ما دخلوا حست سارة انها ما فارقتهاش خالص .. دى اوضتي لما كان عمري 10 سنين .. كاني كمنت نايمة فيها انبارح .. السرير مترتب والاوضة زي ما هي .ز بس شعوري من ناحيتها ناقصة شوية .. حاسة من جوايا ان في حاجة متغيرة .. وقفت وقعدت تتفرج على السرير وهي سرحانة في عالم تاني ..

مها: سارة

سارا: ايوة

مها: مالك مرة وحدة سكتي ..

سارا: مش عارفة .. سرحت . مها حسالك سؤال غبي ممكن
.
مها: هههههه .. اكيد

سارا: بتكلم بجد

مها: ايوة ا نا سمعاكي.. طب اقعدي الاول ..

سارا: لا مش عايزة ..

وقفت عند التسريحه وقعدت تلعب في بقايا المكياج اللي كان محطوط عليها ..

سارا: مها .. اول ماتزوجتى عبدالله ايه كان شعورك

ابتسمت مها ابتسامه حلوه: تسالينى يا سارا عن شعوري انتى اكثر وحده كنتى عارفاه

سارا: عارفة .. والله عارفة انك كنتي بتحبيه .. وانت صغيرة بس هو ما كنش معبرك .. وما صدقتيش لمام جيه وخطبك ..

مها: بجد وقتها ما كنتش مصدقة الخبر .

سارا: ههههه.. نسيتى يوم ما تصلتي بيا .. سارة مش مصدقة .. التلج اتحرك ( على اخوها ) .

مها: اهو انتي اللي تلج . اخويا مش تلج ......

سارا:كل دى دفاع عن حبيب القلب

مها: هههههه.. خلاص سارا انت عايزة ايه لدوقتي ..

سارا بتردد: اممم.. اول مادخلتى اوضتك في بيتنا كان ايه شعورك ..

مها: البيت دى ما كانش غريب عليا وقبل ما يكون بيتي كان بيت خالتي ..

سارا: عارفة بس ما حستيش بحاجة غريبة ..

مها: زي ايه ..

سارا: يعنى ..انك ندمتي ان سيبتي بيتك . قصدي اهلك ..

مها: سارا خضتيني

سارا: وليه خضيتيك

مها: في حاجة بينك وبين عبد العزيز ..

سارا: انا ما قلتش كدة وليه ما جوبتنيش على السؤال ...

مها: حجاوب اذا جاوبتينى انتى

سارا: على ايه

مها: انتى ندمانه ...

سارا: لا مش ندمانه

مها: طيب وليه الاسئلة دي كلها ...

سارا: مش عارفة جات على بالي قولت اسألك

مها: لا ما ندمتش ولا حتى لحظه عشان عبدالله ...وكل يوم اتاكد من حسن اختيارى .. عارفة ليه يا سارة ؟

سارا بحيره: عشان انتي سعيدة معاه

مها: اكيد عشان سعيده بس قبل كل كدة انا بحبه .

سارا: وهو يحبك...

مها: طبعا بيحبني .. بس الحب دى ما جاش بسهولة .. ياسارة انا اول ما اتجوزت عبد الله كنت بحبه حب لا يوصف .. وانت عارفة اني كنت بحبه وانا صغيرة .. بس اللي انتما تعرفهوش ان خبي ليه دلوقتي ما يتقاسش بحبي ليه ايام ا لمراهقة .. الحب حاجة حلوة يخلي اللي قدامك ملاك .. لدرجة انك ما بتشوفيش عيوبة ......ولو حصل من حاجة من حبيبك مش عجباكي او غلط في حقك .ز الحب حيخليكي تسامحيع عصب عنك .. هو دى الحب اللي ما حسيتش فيه الا بعد جوازي من عبداللع ووقتها عرفت انى كنت فاهمة الحب غلط ..

سارا: الله يا مها ايه المعنى الجميل دى للحب

مها: وهو فعلا جميل يا سارة لو فهمتيه وعرفتي تتعملي معاه

سارا: طب واذا كان اللي ا نت بتحبيه ما بيحبكيش

مها: تحاولي تكسبيه بكل الطرق والاسلحة الحب اللي قدامك .. تعالي هنا ..

سارا: ايه ..

مها: اوعي تفتكري ان عبد العزيز ما بحبكيش

ارتبكت سارا من كلام مها .. وخافت انها تقولها على اللي حصل وهي مش عايزة تعرف حد على اللي حصل .. مش عايزة تبين لحد اد ايه كرمتها مجروحة .. مستحيل انها تقول ملها او لغيرها دى حيفضل سر جواها ..

سارا: ليه بتقولي كدة ..

مها: انا فاهماكي يا سارة .. مش عشانماقلكيش كلمة بحبك معنى كدة انك ما بيحبكيش .. حبيبتي الحب اكبر من لكلمة دي ...ز مش لازم ينطقها عشان تعرفي انه بيحبك ولا لاء.ز حسألك دلوقتي انت قولتي لعبد العزيز انك بتحبيه ؟

سارا: لا

مها: يعنى حيفكر زيك انك ما بتحبهوش ..

سارا: لا هو مش حيفكر زي .... لانه متأكد ان انا بحبه ..

مها: وازاي حيتأكد وانتي ما قلتلهوش انك بتحبيه ..

سارا: لالا بس متأكد

مها: طيب وايه ياكدلك انه بيحبك ..

سارا: انا ما قلتش انهم ا بيحبنيش ... انا معرفش انا بقول كدة وخلاص ..
مها: حبيبتى ساره .. احيانا الرجل يعانى من مشكله في اخراج مشاعره ... وبعضهم يعتبره ضعف .. المفروض تحاولي باقصى جهدك عشان تطلعي المشاعر .. مش تفكري انه حيبادلك نفش المشاعر وانتوا قاعدين كدة ...

سارا: انتى مش فاهمه

مها: طيب فهمينى

ورن موبيل سارة .

سارا: يووه عبد العزيز وصل . يالا مع السلامة اشوفك بليل .

قامت مها من على السرير .. وراحت للمكان اللي كانت سارة واقفه فيه ...

مها: في لاول عايزاكي توعديني بحاجة ..

سارا: اكيد

مها: اوعدينى انك تفكري فيكلامي كويس .. ولا تنسين الحب تضحيه ومسامحه والاهم من كدة انك تعطين من غير ما تهتمين اذا كنت حتاخدي ولا لاء ... ولو بتحبي عبد العزيز اكسبيه لصفك ..وخليه يحبك زي ما انت بتحبيه ..

ابتسمت سارا لمها ابتسامه تحمل كل معانى الشكر ... وهزت راسها باشارة نعم ...وراحت للباب عشان تطلع ووراها مها ....

مها: سارا المحفظة دي ليكي

لفت سارا لمها: اشوف

واخذت مها المحفظة الي فوق التسريحه وعطته لها .. عقدت سارا بين حواجبها وفتحت المحفظة ..

سارا: دي صوره رهف...ودي بطاقتها.. اكيد المحفظة دي بتاعتها ايه اللي جابه هنا ..

مها: يمكن نسيته لما جت هي وميرنا من يومين

سارا: اكيد .. خلاص خلنى ادهولها

مها:يالا بسرعة عشان ما تتأخريش على جوزك ..

سارا: انشالله

وخرجتمن الاوضة وبعد ما لبست الحجاب راحت عند عبد العزيز ..... فتحت بابا السيارة وطلع لها صوت الشيخ عبدالرحمن السديس يقراء سورة يوسف... الله السوره دي الوحيده الي مهما قرتها او سمعتها مستحيل تقدر تتركها الا بعد ما تنتهي .. صح كل القرآن يهديها اذا كانت متضايقه ويزيل همها بس سوره يوسف غير ....ولان الشيخ يقراء ماحبت تقطع القرآن ودخلت السياره بهدوء وقفلت الباب.. لف عليها عبدالعزيز وابتسم ... ومشيت السياره ... من كلام مها معها قبل شوية ... مع صوت سديس العذب ... حست بكل جسمها يسترخى ... رجعت راسها لورا ... وغمضت عنيها .....حست بكل همومها تروح .. والضيقه الي كانت تحس فيها من اول ما سمعت كلام عبدالعزيز مع اخوه راحت .... خلاص حكسبك ياعزيز ... وبهدم أي جدار تبنيه بينى وبينك .... وما انتبهتش الا لما خلص القران ووقف عبد العزيز السيارة

**مخبري اليمن** · 27-11-2010, 10:51 PM

أنا من محبي الأفلام

لا المسلسلات

**مشتاقه للجنه** · 28-11-2010, 07:57 PM

المشاركة الأصلية بواسطة مخبري اليمن مشاهدة المشاركة

أنا من محبي الأفلام

لا المسلسلات

No comment

**زهرة الزنبق** · 01-12-2010, 02:09 PM

هلا ومرااااااااااااحب مشتاقه

كيفك انشالله تكوني طيبه

ودي اسالك كم باقي عشان تخلص القصه ترى والله متشوقه اشوف الباقي

**مشتاقه للجنه** · 02-12-2010, 11:33 PM

الحلقه ال27

عبدالعزيز: شكلك تعبتى قوووي

سارا : يعنى ..

عبدالعزيز: لما نروح ابقي ارتاحي شوية ... ما تنسيش ان اهلك جاين الليلة ..

سارا: انشالله ...

ونزلوا .. وبعد ما دخلوا البيت كانت ام عمر مع عمر ونورة ..ومي نايمة على بطنها على الارض وهي مندمجه مع الرسوم في التليفزيون واول ما شافت مي عمها .. وكانت دي اور مرة تشوفه من ساعة ما جيه من السفر .. قامت بسرعة من قدام التلفزيون .. وجريت على عمها ... وعبد العزيز خدها وشالها وباسها ..

مي: اشتقت لك قووووي يا عمو

عبدالعزيز : وانا اكثر

مي: جبتلى هديه

عبدالعزيز: طبعا ... ههههه خلاص يامي خنقتيني ...

عمر: خلاص ياماما.. سيبي عمو .. وخلي عمو عبد العزيز يسلم على عمتو نورة ..

مي: مش عايزة ...

عبدالعزيز:خليها يا عمر دي وحشاني مووووت ...

عمر: لا مي كبرت .. مي خلاص

نورا: هههههههه مي بتحبك قووووي يا عبد العزيز

ونزلت مي من حضن عمها ... ورجعت تاني تتفرج على الرسوم ..

عبدالعزيز: وانا بموت فيها...

نورا: حمدالله على السلامه يا اخويا...

وجات نورة لإخوها وسلمت عليه ..

عبدالعزيز: الله يسلمك .. شكلك تخنتي يا نورة مش كدة

عمر: صح دي حتنفجر ..

نورا: هههههههه حرام عليكم .. خليني اسلم على مراتك ... يا حبيبتي مراتك مكسوفة وواقفة وراك وانت مش حاسس على دمك اوعى كدة ..

سارا: لا عادي

سارا كانت مكسوفة من عمر لازالت تعتبره راجل غريب عنها .. وما تمتلكش الجراءة انها تتكلم قدامه او تعمل اي حاجة ..

عبدالعزيز: اهي قدامك اشبعي منها بقى
...
وراح عبد العزيز قعد على الارض جمب مي .. واخد منها الريموت ...

مي: عمو ما تغييرش المحطة ...

عبدالعزيز: بس الف لفة واجيبلك اللي انت عايزاه ...

نورا: عاملة ايه يا مرات اخويا ...... حمد الله على السلامه

سارا: الله يسلمك يانورة... انا الحمد لله انت عاملة ايه ..

نورا: بخير...

سارا: امال فين ميرنا ورهف ..

ام عمر: فوق في اوضتهم

سارا: انا رايحه لهم ...

نورا: خليكي معانا ..و مي حتروح تنادلهم ...

سارا: لا معلش انا اصلا طالعة فوق ..

عبدالعزيز: امال بابا فين ..

فوزيه: معرفش اسأل اخوك ؟

وطلعت سارا من الصاله راحت فوق عند البنات

عبدالعزيز: ما بتردش ليه يا عمر

عمر: نعممم ما كنتش معاكم بتقولوا ايه

عبدالعزيز: بابا فين واتأخر كدة ليه

عمر: معرفش انا خرجت معاك ... مش عارف اتأخر ليه ..

فوزيه:حتصل بيه على الموبيل احسن ..

نورا: قولي يا عبد العزيز .. ايه رايك في الجواز هههههه

عبدالعزيز: يعني ايه راي عادي

مي: عمي هات بقى الرسوم حتخلص ...عايزة اتفرج عليه ...

عبدالعزيز: اوف منك .. خدي الريموت وابعدي عني ... امال فين عيالك العفاريت مش ظاهرين ..

نورا: في بيت جدتهم ...

عبدالعزيز: واحمد جوزك فين ما شفتهوش

فوزيه: اوعي تكوني ما قلتيش لجوزك يجي الليلة على العشى

نورا: حيجي هو وعمتي فاطمة

وقعدوا كلهم يتكلموا في الصالة .. اما سارة فراحت على طول لاوضة ميرنا ... الليواضح عليها انها لسة طالعة من الحمام وواخدة شاور ... وبتسرح شعرها ..

سارا: سلالالالالالالا لالالالالالالال ام

ميرنا : اهلا بالقمر ... انا صحيت مالقيتكوش في البيت على طول خرجتي ..

سارا:اعملكم ايه ما انتم اللي ناييمن ورحت اسلم على اهلي ..

قامت ميرنا من الكرسي اللي قدام التسريحة .. وجرت سارة من اديها وقعدوا على السرير ..

ميرنا : المهم تعالي عايزاكي تقوليلي كل حاجة بالتفصيل ...

سارا: ههههههه عايزاني اقولك ايه ... بقولك ايه اقلع هدومي واغسل وشي وافوق وبعدين اجيلك ايه رايك ..

ميرنا : عايزة كل حاجة .. رحتي فين وجيتي منين .. والاهم عبد العزيز عامل ايه معاكي ..

عقدت سارا حواجبها: ماله عبد العزيز

ميرنا وهي تبتسم بمكر: عامل ايه معاكي وبيعاملك ازاي..

في الاول كانت سارة مقررة انها تحكي لميرنا على كل حاجة حصلت من عبد العزيز .. وخصوصا مكالمة التليفون اللي دارت بينه وبين اخوه عمر .. بس بعد كلام مها .. اتغيرت حاجة جواها ولاحظت ان مالهاش لازمة تحكي لاي حد على خصوصياتها هي وعبد العزيز وخصوا الن المسائ الزوجية اللي خاصة بين اثنين ما فيش حد يعرفها غير الله فقط وقررت انها مادخلش اي طرف رابع في الموضوع مهما كان الموضوع مضايقها عشان ماتكبرش الموضوع ...ولازم يكون الكلام اللي بينها وبين عبد العزيز سر بينهم ..

سارا: امممم .. طيب

ميرنا بخيبة امل : طيب .. قوليلي روحتوا فين في لندن ..

سارا: رحنا اماكن كثيره .. ايوة ما قلتلكيش

ميرنا : هو انت قلتي حاجة اصلا عشان ما قلتليش ...هههههه

سارا: هههههههه.. تعرفي شوفت مين هناك ..

ميرنا : مييييين؟؟

سارا: مريم

ميرنا : لا والله ... وهي عاملة ايه واخبارها ايه من زمان ما حدش يعرف عنها حاجة ..

سارا: احسن انك ماتعرفيش عنها حاجة .. لو ترعفي بس ... تصوري انها عملتلي مشكلة مع عبد العزيز ..

ميرنا : ازاي ..

وحكتلها سارة عن كل حاجة عملتها صحبتهم مريم والمشكلة اللي وقعت سارة فيها ..

ميرنا : ههههههههههههههه هههههههههااااي

سارا: بتضحكي ليه

ميرنا : والله انك تحفة ..يعيني عليك يا اخويا ابتليت بوحدة على اتفه حاجة تعيط عاملة زي العيال بالظبط ..

اتنرفزت سارة : والله انتي لو كنتي مكاني ما كنتش قدرتي تمسكي نفسك ... اني ماتعرفيش لما يكون عصبي بيقول ايه

ميرنا : ههههه والله اني فرحانة قووووي يا سارة ..

سارا باستغراب: ليه

ميرنا : لانك دلوقتي بقيتي قريبة مني اكتر من الاول ..

سارا: ههههههه .. يا حبيبتي ربنا ما يحرمناش من بعض ..

ميرنا : اميييييييييين

رهف : مااقدرش انا على الموقف الدرامي دى .. الدمعة حتفر من عني خلاص ..

سارا: خضتيني ..

ميرنا : كدك القرف قطعتي حبل افكارنا انت طلعتي منين ..

رهف: انتوا اصلا مش شايفين نفسكم ... عمالين تحبوا في بعض اللي يشوفكم يقوا عشاق مش اصحاب .. بالظبط كأني بتفرج على فيلم رومانسي ...

ميرنا : اطلعي يا بت برة .. انت دخلتي الاوضة ازاي من غير مانحس ..

رهف: اولا الباب كان مفتوح ... ثانيا صوتك واصل لغاية السلم ..

سارا: يعنى سمعتى كل شي

رهف: ههههههه .. ماتخافوش ما سمعتش غير اخر مشهد ..

ميرنا : طيب ممكن تخرجي برة وتقفلي الباب وراكي ..

رهف: انا شكلي كدة بطرد

سارا: مين قال كدة احنا قصدنا اقفلي الباب وتعالي

ميرنا : يالا امرنا لله .. خليكي قاعدة بس اقفلي الباب عشان ما حدش يسمعنا ..

رهف: اهو قفلنا الباب يالا عيدي من الاول ياسارة عشان شكلك كدة معبية حواديت وحكايات ..ههههههه
قفلت رهف الباب وقعدت واتربعتعلى الارض عند السرير عشان تبص لميرنا وسارة اللي كانوا قاعدين على السرير ..

رهف: ها اتكلموا اتخرستوا ليه ..اخرج ولا اعمل ايه

سارا وهي بتضحك: يخرب عقلك يا رهف .. عايزة تسمعي ايه ...

رهف: امم .. طيب نبدأ منين بصي ياسارة من اي حتة عجباكي انا مش حطالبك بموققف معين ... حلو كدة ؟

سارا: الحمد لله

رهف: وليه طلعة منك من غير نفس

ميرنا : مالقتهاش من غير نفس ولا حاجة انت اللي بتتلككي ... بلاش رزالة بقى واسكتي ..

رهف: مش عارفة ليه القعدة مملة معاكم ...

سارا: تعرفي يا ميرنا ساعة بحسن اني اسعد انسانة وساعة بحس بالعكس ..

ميرنا : لييييييييييه ؟

سارا: لاني بفتكركم وبشتاق ليكم قوووي

ضربتها ميرنا بالمخده السرير..

ميرنت : خضتيني انا بحسب اخويا عملك حاجة ...

سارا: هههههههه ... لا ما تخافيش ... اصلي اول مرة اكون مع عبد العزيز لوحدينا وفي مكان غريب عليا وما فيش حد معايا ..

ويدق الباب عليهم في اللحظه دي ...

ميرنا ه: مييييين؟

صلاح : ممكن ادخل على الحلوين

رهف: اتفضل يا بابا

ونط عشان تفتح الباب ..وبعد ما فتحت الباب ودخل ابوهم الاوضة وهو بيبتسم ...

صلاح : : سمعت ان العروسة هنا

اتكسفت سارة من عمها صلاح قووووي .. هي صحيح كانت متعودة عليه بس كواحد من اصدقاء العيلة من ابو جوزها في فرق شوية ..

ميرنا : ليه يابابا انت لسة شايفها ....ما شفتهاش الصبح ..

صلاح : لا لسة اول مرة اشوفها من ساعة ما جت .. تعالي يابنتي ... عشان اسلم عليكي ..

رهف : واحنا يابابا خلاص راحت علينا مش كدة ..

صلاح : انتوا 24 ساعة في وشي ... خليني اشبع من بنتي الرابعة شوية ..

سارة وهي مكسوفة : شكرا يا عمي ..

صلاح بكل حنية : طمنيني يا بنتي يارب ما يكونش عبد العزيز مضايقك في حاجة او حتى زعلك قوليلي بس وشوفي انا حعمل معاه ايه ..

سارة : لا يا عمي عبد العزيز مش مقصر معايا في حاجة ..

عبد العزيز اللي كان واقف ورا ابوه : الحمد لله اديك سمعتها بنفسك واطمنت يا بابا ...

ميرنا : بسم الله .. انت طلعت منين ...

رهف: ههههههههههههههه ههههه

عبدالعزيز : ايه يابت كأنك شوفتي عفريت وراكي ... وانت التاني بتضحكي على ايه ..

صلاح : هههه والله انت اللي الوحيد اللي تقدر تسكت اخواتك ...بقولك ايه يا سارة يا بنتي ..اذا زعلك عبد العزيز قوليلي وانا حتصرف معاه ..

سارا ابتسمت لعمها: اكيد يا عمي ...

عبدالعزيز: وانت ليه بتقول كدة يا بابا هو انا اقدر ازعل سارة

صلاح : لاني انا عارفك كويس .. وانتوا قاعدين بتعملوا ايه فوق انزلوا اقعدوا مع امكم قاعدة في الصالة لوحدها ..

ميرنا : حاضر يا بابا حننزل بس كنا بنتلكممعا سارة ..

عبد العزيز : خلاص ما فيش كلام تاني خلوا سارة تستريح دلوقتي ..

رهف : طيب انبارح وعذرناها ... النهاردة ايه عزركم بقى ..

بصلها عبد العزيز بنظرة سكتتها ..

سارا: لا يا عبد العزيز انا مش تعبانة دلوقتي

عبدالعزيز : لالالا تعبانة ... وماتنسيش ان عندنا عزومةالنهاردة وفي سهرة ومش حلو انك تقعدي معانا وانت مرهقة كدة.. تعالي ريحي شوية ..

صلاح : ايوة يا بنتي .. كلام جوزك صح .. ارتاحي دلوقتي .. والايام اللي جاية كتير .. وانتوا سيبوا مرات اخوكم تستريح شوية ..

رهف : على فكرة يا بابا انا ابتديت اغير ..

ميرنا : بتغيري من ايه ان شاء الله ..

الا تعبانه .. ولا تنسين عندنا عزيمه الليله.. مو حلو تتعبين فيها

صلاح : يالا منك ليها .. وبلاش دلع .. وانزلوا ساعدوا ا مكم ..وخلوا مرات اخوكم ترتاح ..

رهف وميرنا : حاضر يا بابا ..

وخرج صلاح من لاوضة ..

عبدالعزيز: يالا ياسارة خلينا نستريح شوية ..

سارة : لا بجد با عبد العزيز انا مش تعبانة خليني قاعدة مع البنات شوية ..

رهف: يا عبد العزيز لو هي عايزة تقعد ماتسبها

عبدالعزيز: براحتك ...

وخرج عبد العزيز من غير ما يعبر سارة لدرجى انها ندمت انها مارحتش معاه ... شكله زعل .. يوووه هو عايز ايه .. مش عايزة ارتاح ..

ميرنا : المفروض انك كنتي رحتي مع جوزك ..

رهف : وليه تروح مادام هي مش عايزه .

سارا: ايوة ياميرنا .. انا مش عايزة

ميرنا : مهما كان لازم تسمعي كلام جوزك وما تحرجهوش قدام حد ..

رهف: وانتي مالك محموقة لاخوكي كدة ليه

ميرنا : اعقلي يا رهف واسكتي انتي انا عارفة انا بقول ايه وسارة فهماني ...

سارا: بس انتي وهي انتوا على طول كدة ناقر ونقير يا ساتر .. صح يارهف كلام اختك صح ..اه صحيح يارهف قبل ماانسى مش دى محفظتك ..

وفتحت سارا شنطتها وطلعت منه محفظة رهف ..

رهف: اه الله لقيتيها فين ... دى انا قلبت الدنيا عليها ...

سارا: في اوضتي في بيت اهلي

رهف: ياسلام

سارا: ايوة ومش عارفة ايه اللي جابها هناك

ميرنا : يمكن وقعت يوم ما كنا هناك بنجيب بقيت حاجاتك ..

رهف: ااه اكيد شكرا ياسارة ..

سارا: عفواعلى ايه بس خلي بالك المرة الجاية لان فيها حاجات مهمة ..

ميرنا : روحي يا سارة لعبد العزيز وماتقعديش معانا ..

سارة : اكيد هو نام دلوقتي ..

ميرنا : ولو برضه روحي ..

سارة : مالك يا ميرنا ... من الصبح عمالة تديني في نصايح ..

رهف : بجد ياميرنا زوتيها ..

ميرنا : انتي حرة ...

سارة : حروح ياستي عشان اغير هدومي .. عايزي حاجة ..

رهف : لا شكرا ..

خرجت سارة من اوضة البنات ..وراحت سارة لاوضتها .. ولما دخلت لقيت الاوضة ضلمة وعبد العزيز نايم .. وخرجت من غير صوت عشانماتزعجهوش .. ونزلت تحت كانت ام عمر ونورة في الصالة .. ومي في مكانها من ساعتها .لكن عمر مش موجود .. قاعدتمعاهم وقعدوا يتكلموا ... وبعد فترة نزلوا البنات ..

رهف :انتي بتعملي ايه هنا ...احنا مش قلناتروحي عند جوزك ..

فوزيه: انتوا فين يا هوانم ولا واحدة نزلت تساعدني انتوا مش عارفين ان في ناس جيين على العشى النهاردة ..

ميرنا : ايه يا ماما عايزة مني حاجة .. احنا كنا قاعدين في الاوضة بنتحدث ...

رهف : ايوة ياماما هو في حاجة ..

فوزيه: لا سلامتكم انتوا اصلا زي قلتكم ...

المهم زين انكم نزلتوا .. يالله عشان تساعدونى....

رهف : ياماما امال الخدامة بتعمل ايه ....

فوزيه: اه من لسانك انتي ... ايوة عارفة ان في خدامة .. بس انتوا كبرتوا خلاص ... ولازم تتحملوا المسؤولية ... بكرة تتجوزا حتعملوا ايه ان شاء الله في بيت اجوازكم ...

سارا:يا ماما لو عايزة حاجة انا حساعدك ..

فوزيه:ما تقصريش يا حبيتي .. بس انتي لسة عروسة .. والعزومة دي عشانك ... ميرنا ورهف حيساعدوني ... شكرا يا بنتي ..

رهف: ونورا كمان اشمعنى هي قاعدة ..

فوزيه: ياام لسان اختك حامل انتي مش شايفاها تعبانة ازاي ..

نورا: لا يا ماما انا مش تعبانة ..

رهف: شفتى بقى انها مش تعبانة بس انتي اللي مش عايزة تشغليها ..

فوزيه: انت يا بت امش من قدامي مش عايزة حاجة منك ...

رهف:ايه يا ماما انا كنت بهزر معاكي . ... هو انا اقدر ما اساعدش القمر دى ..

فوزيه: ما هو واضح

**مشتاقه للجنه** · 06-12-2010, 11:09 PM

الحلقة ال28

بعد ما اتملى بيت ابو عمر بكل الضيوف ... كان الحريم في الصالة والرجالة في الصالون ... والعزيمة كانت كبيرة قووووي .. اهل سارة من عمتها وخالاتها وكل العيلة وعيلة عبد العزيز من عماته وخلاته وكل العيلة كمان ... المهم بعد ما تجمعوا الاهل ... والكل بيبص للعروسة ويدعولها ان ربنا يوفقها في حياته الجديدة .... عبد العزيز نادى على سارة عشان اخوانها محمد وعبدالله عايزين يسلموا عليها ... وفي الصالة كانت هدى قاعدة وجمبها ميرنا ورهف بيتكلموا ..

فوزيه: ميرنا

ميرنا : نعم يا ماما

فوزيه: تعالى عايزاكي ....

وقامت ميرنا وراحت لامها ..

فوزيه: روحي شوفي الخادمة بتعمل ايه ..

ميرنا : حاضر يا ماما ..

بعد ما شافت ميرنا الخدامة راحت تدور على سارة .. اللي لسة بتسلم على اخوانها .. بعد ما سلمت عليهم طلعت للصالة تاني عند الحريم ..بعد ماخلص العشا ... حست سارا بارهاق جامد .. وانها شوية وحيغمى عليها .. وندمت انها ما سمعتش كلام عبد العزيز ونامت شوية .. اول ما خرجوا المعازيم وما فضلتش الا عمة عبد العزيز فاطمة ... راحت سارة لاوضتها ...والرجالة مشيوا ... ودخل صلاح وعياله للصالة .. شافوا ام عمر وعمة الاولاد فاطمة قاعدين في الصالة .. ونورة ورهف وميرنا ..

عبدالعزيز: سارة راحت فين

رهف: راحت مع اهلها

عبدالعزيز: ازاي ؟؟؟

ميرنا : ههههههههه

نورا: وانت بتصدق ... لا هي تعبت وراحت لاوضتها ...

عبدالعزيز: طيب وانا كمان تعبان وحرتاح يالا تصبحوا على خير ..

فاطمة : خليك معانا شوية .. احنا لسة ما شبعناش منك ...

عبدالعزيز: ماشي ياعمتي ولا يهمك ..

صلاح : تصبحوا على خير انا حروح اريح ..

فاطمة : يووووه يا اخويا وانت كمان ..

صلاح : معلش يا فاطمة البيت بيتك ... انا فعلا تعبان وعايز انام ..بش عشان خطرك حقعد شوية ..

عمر: انا اقدر اسيبكي يا عمتي انا قعد معاكي اهوه

فوزيه: ايوة انت في الكلام فالح في حاجة تانية لا

رهف: طبعا يا ماما مش احنا عيال صلاح لازم نبقى فالحين في الكلام ههههههه

صلاح : تعالي انتي يا عفريته تعالي اقعدي جمبي ..

رهف: ما بلاش يا بابا عشان ماما كدة حتغيير

فوزيه:اغير منك انتي يا مفعوصة ... روحي اقعدي جمب ابوكي ..

ميرنا : انت عايزة منها ايه يا ماما ما هو جلك اهوه حبيب قلبك ..

عبدالعزيز: انا قلبي ما فهوش الا واحدة وبس ... فوزية وبس ..

نورا: اسكت لحسن تسمعك مراتك وتزعل ...ومش حتخليك تنام الليل

عبدالعزيز: وهي يعني اول مرة ما تخلنيش انام فيها

صلاح : اتلم يا ولا ... دى بتقول الكلام دى وانت لسة عريس امال قدام حتقول ايه ..

عبدالعزيز: يعني هو انا اتجوزت بمزاجي ...

الكل استغرب من الكلمة اللي قالها عبد العزيز الا عمر ما كانش مستغرب .. هم ايوة عارفين انه ما كانش موافق على الجواز .. بس بعد ما رجع حسوا انه اتغير ... وحاسوا بالتغيير دى في تصرفاته مع عروسته .. وايه لازمة الكلام اللي قاله دى دلوقتي ...

صلاح بعصبيه: انت بتقول ايه يا عبد العزيز

عبدالعزيز:مالك يا بابا اتنرفزت كدة ليه هو انا قلت ايه يعني ..

اتكهرب الجو والكل سكت ...

صلاح : لا ما قلتش حاجة ....

فوزيه:اهدى يا ابو عمر ... انت متنرفز على ايه دلوقتي ..

صلاح : انتي مش سامعة كلام ابنك بيقول ايه .

فاطمة : ماقالش حاجة تستاهل العصبية دي كلها ..

صلاح : الا قال ... وايه قصده بالكلام دى
..
عبد العزيز : اللي يشوفك كدة يابابا يقولوا اني حطلقها يعني خلاص..

عمر صرخ على اخوه : عبد العزيز

صلاح : والله العظيم انت مش راجل ولا تتحمل مسؤولية بيت ابدا ..

عبدالعزيز: يووووووه عشان ايه دى كله .. طيب يا بابا انا مش راجل ارتحت .. عن اذنكم..
وقام وسبلهم المكان

صلاح : عبد العزيز .

وقف عبدالعزيز: نعم

صلاح : اوعى تقول لسارة حاجة .. والله لو عرفت او حسيت انك قلتلها اي كلمة من ان اللي دارت دلوقتي ... حيبقى معاك تصرف تاني .. فاهمني ..

عبدالعزيز: بابا انت فاكرني عيل .. وانا عارف اتصرف ازاي ..
وتطلع فوق لاوضته وهو مضايق ..

فوزيه:صلاح .. عبد العزيز ما قالش حاجة عشان الموضوع يكبر بالشكل دى ...

صلاح : لا قال ... يعني ايه لازمة الكلام اللي قاله ديى يعني احنا اجبرناه على الجواز ..وانه مش راضي على الجوازة .. والبنت خلاص بقت مراته ومسؤولة منه .. مالهاش لازمة انه يكرر الكلام كل شوية .. ولو سمعته مراته حتقول ايه .

فوزيه: خلاص يا ابو عمر والحمد لله ان مراته ما سمعتهوش ... المهم انت اهدى عشان صحتك مش كويس النرفزة عشانك ..

عمر:ايوة يابابا امي معاها حق .. كل حاجة الا العصبية ..

فوزيه: قوم ارتاح وصلي على الني واهدى كدة ..

فاطمة : ايوة يا اخويا قوم وربنا يهديكم دي عين وصابتكم ..

وطلع صلاح لاوضته عشان يرتاح ..

اما نورا ورهف وميرنا ... كانوا ساكتين وما نطقوش بكلمة واحدة .. ميرنا بتفكر مسكينة يا سارة والله ما تستاهليش كل دى .. اناعارفاكي .. اكيد حاجة زي دي تحطمك ...

راح عبدالعزيز لاوضته .. كان مضايق جدااا على اللي حصل تحت في الصالة .. انا ليه قلت كدة .. اكيد هما فهموا من كلامي دلوقتي اني مش راضي على الجوازة دي ....شاف سارة نايمة والنور مفتوح .. واضح ا نها كانت تعبانة قووووي ...كانت نايمة فوق البطانية ... ..شعرها واقع على وشها ومغعطيه ... واضح انها ما صدقت غيرت هدومها واترمت على السرير من التعب... الاوضة كانت ساقعة جدااا ..وهي نايمة من غير غطا وشكلها كان بردان جدااااا .. سحب البطانية من تحتها .. وغطاها وتحركت وهي تهمهم .. وفتحت عنيها وابتسمت لعبد العزيز ...

سارا بصوت كله نوم: انت جيت ..

عبدالعزيز: اشش.. ايوة جيت ارجعي نامي

غمضت عنيها وهي لسة مبتسمة ... وغطها كويس بالبطانية .. ما قدرش عبد العزيز يرفع عنيه عنها .. فضل واقف يتاملها .. يتأمل ابتسامتها اللي مالية وشها البرئ دى وهي نايمة .. الله ياسارة لو كنت تحت او سمعت الكلام اللي قلته اكيد ما كنتيش حتبتسمي الابتسامة دي اللي بدوبني .... ليه انا قلت الكلام دى ... ليه وضحت لهم اني مش مبسوط ... دلوقتي انا مبسوط ولا لاء .. في احساس غريب جوايا انا مش عارف في ايه .. شعور يتملكني ومش عارف اتصرف ازاي ... معقول انا بحب سارة .. معقول الشعور اللي انا بحس بيه دى هو الحب... لالالالالا .... مستحيل ... مستحيل اقع فيه ... لازم ما اخلهوش يسيطر عليا .. لازم اهزم الشعور دى ..
ما قطعش سرحانه وتاملاته الا لما اتقلبت سارة الجهو التانية .. انتيه وفاق من سرحانه . وراح غير هدومة ويرتاح هو كمان ....

الساعه دلوقتي 2 بالليل .. وهي مش جايلها نوم ... حاولت بكل الطرق تنام بش بدون اي فايدة ... وبعدين راحت خدت فرشتها عشان تسلي نفسها في الرسم ... المشكلة انها مش قادرة ترسم .. الالهام راح عنها ... يوووو ... يعني مش جيلي نوم .. ولا قادرة ارسم ... طب اعمب ايه .. طلعت من اوضتها .. وراحت للصالة اللي فوق .. قعدت تتفرج على التليفزيون .....

رهف خرجت من اوضتها على صوت ميرنا : انت لسة ما نمتيش يا ميرنا ..

ميرنا : مش عارفة انام .. وانتي ما نمتيش ليه ؟؟

رهف : قعدت على النت وما حستش بنفسي الا على صوتك في الصالة ..ولما سمعت صوت التلفزيون طلعت عشان اشوف مين اللي مش جيله نوم وسهران ...

ميرنا : هو صوت التلفيزيون عالي...

رهف: لا..

وقعدت رهف جمب اختها ... وقعدوا يتفرجوا على التلفزيون ..

رهف : ميرنا لو مش عايزة الفيلم دى غيري المحطة شوفنا حاجة تانية ..

ميرنا : مين قال اني مش عايزاه ..

رهف: ما هو انتي مش مركزه معاها وطول الوقت عماله تلعبي في الريموت وسرحانة ..

ميرنا : يعني سرحت شوية ..

رهف : سرحتي في ايه ..

ميرنا : ولا حاجة ...تخيلي يا رهف حصلي النهاردة موقف بجد يكسف ..

رهف : ايه

ميرنا : وقت العزومة كنت بدور على سارة لقيتها في اوضة السفرة والباب مقفول .. وفتحته مرة واحدة لقيتها واقفة مع اخوها وشافني وكنت مش لابسة حجاب ...

تغيرت ملامح رهف: أي واحد من اخوها

ميرنا : عبدالله ..

ارتاحت رهف : يااااه وبعدين ايه اللي حصل ..

ميرنا : ماعرفش والمشكلة اني كنت بصرخ وبدور عليها ..

رهف: ههههههههههههه.. .

ميرنا : بس تعرفي دي اول مرة اشوفه كدة من قريب ..تعرفي يارهف انه حلو ما كنتش اتوقعه بالجمال دى ..

رهف : عيب يا ميرنا على فكرة دى متجوز ..

ميرنا : ما انا عارفة هو انا قلت حاجة .. اوعي تفكيريك يروح بعيد .. وتفتكري اني بفكر فيه او بحبه .... ايوة ما انا عارفاكي .

رهف: لا يا عبيطة بس غلط انك تتكلمي عليه بالطريقة دي ..

ميرنا : هو ان ا قلت حاجة انا قلت انه حلو ..

رهف : ما اعتقدش انه احلى من تامر ..

ميرنا وهي معقهدة حواجبها : وانتي امتى شوفتي تامر ...

رهف بارتباك :ايه ... ايوة اليوم اللي رحنا عند بيت عمي شوقي وسلم علينا واحنا عند الباب ..

ميرنا : وانتي شوفتيه ازاي وانتي قاعدة في السيارة وانا واقفة وما شفتهوش بشكل واضح ..

رهف : والله شفته وخلاص مش مصدقاني انتي حرة ..

ميرنا : طيب انتي ليه مرتبكة وعصبية ..

رهف : انا مش عصبية ولا حاجة انا طبيعية اهوه ..

ميرنا : بقولك ايه انا حروح انام ..

رهف : ما فضلش حاجة على الفجر
..
ميرنا : ماتخافش حمد على السرير لغاية لما يأذن واصلي وانام

**مشتاقه للجنه** · 06-12-2010, 11:17 PM

لحلقة ال29

صلاح ما فتحش سيرة لعبد العزيز .. والموضوع اللي حصل من يومين كانها ما حصلتش اصلا .. تامر علاقته مع لمى تحسنت .. ورجعوا زي الاول .. اما رهف قعدت محتاسة عشان حفلتها اللي حتكون النهاردة .. وسارة لسة بيعاملوها زي العروسة في بيت ابو عمر مش مقصرين معها .. وطول اليوم ميرنا ورهف بيقعدوا معاها ويتكلموا معاها ويونسوها ..

وسارة وميرنا بيساعدوا رهف في ترتيبات الحفلة ....الوضع في البيت كان فوضى .. البنات من الصبح عند الكوافير عشان يعملوا شعرهم ويتمكيجوا .. وبعد ما رجعوامن الكوافير قعدوا يلبسوا ويجهزوا نفسهم .. على الساعة 7.30 كانت سارة جاهزة ومخلصة راحت لميرنا في اوضتها وشافتها وهي واقفة وتبص للمرايا وهي متنرفزة ...

ساراا: مالك مترفزة كدة ليه

ميرنا : اوووووف حغسل شعري ..

سارة : لييييييييييه

ميرنا : انتي مش شايفة عامل ازاي ..الكوافيرة ما ظبتهوش ..

سارة : هههههه والله جميلة ..

ميرنا : لا والله .. والمكياج كمان مش حلو....

سارا: ههههههههه .. ليه دى جميل جدااا

ميرنا : وشي كله ابيض من كريم الاساس ورقبتي سودا ازاي ..

سارة : ايوة عندك حق كريم الاساس كتير بس خفيفيه ..

ميرنا : لا انا حدخل استحمى ..

سارة : ما ينفعش مش حتلحقي الساعة دلوقتي 8

ميرنا : عادي وايه المشكلة يعني ..حنشفه بالاستشوار واسيبه من غير فرمة
..
ميرنا شعرها ناعم قوووووي لدرجة ان ولا تسريحة بتمسك فيه من نعومته ..

سارة : والله حرام تسريحتك مش وحشة ..

ميرنا : اهو انتي قلتي مش وحشة يعني برضه مش حلوة ..

سارة : انا ما قلتش كدة ..

ميرنا : انا عارفة ان الكوافيرة دي ما بتعرفش تعمل حاجة خسارة فيها الفلوس اللي خدتها ..

سارا: ههههههه

ميرنا : يارتني كنت قلتلها تعملي زيك شوفي شعرك يجنن والمكياج خفيف ازاي ..

سارة : والله انتي اللي قلتلها عايزة ابقى عروسة ا لنهاردة ..

ميرنا : انتي اللي العروسة ... فستانك يجنن من فين اشترتيه ..

سارا: من فرنسا ..

ميرنا : شافك عبد العزيز

سارا: لا ليه؟؟

ميرنا : حيتجنن عليكي لو شافك بالمنظر دى لانك قمر ما شاء الله عليكي

سارا: هههههههههه.. عادي وبطلي كلام بقى

ميرنا : ايه عادي ... بقولك ايه انا حروح استحمى ما ينفعش تطلعي احلى مني وبتغمز لسارة...

سارا: ههههههههههههههه ههه... وانا حروح اشوف رهف عاملة ايه

ميرنا : رهف اللي يشوفها يقول ان النهاردة فرحها ..

سارة : ههههههه كل واحد عايزة تعمل عروسة النهاردة

خرجت سارة وهي بتضح وراحت على اوضة رهف .. بعد ما خلصت ميرنا نشفت شعرها بالاستشوار .. وحطت مكياج خفيف احسن من البوية اللي كانت حطاها الكوافيرة ..

رهف: يالله اتأخرنا قوووي

ميرنا : اصبري خلي شعري ينشف ..

رهف: لازم اروح بدري...

ميرنا : ما تروحي هو في حد مسكك ..

رهف : مين حيوديني يعني ..

سارة : اتصلت على عبد العزيز عشان يجي يوصلهم ..

رهف: مش حيرضى يجي انا عرفاه ..

ميرنا : قولي لعمر مش حيقول لالالا ولا خلي السواق يوصلنا ..

رهف: السواق مع امي في بيت نورا...

سارا: ليه امي فوزية مش حتروح الحفلة ..

رهف : حتيجي .. بس خدت مي لبيت نورا .. وبعدين حتيجي مع نورة ..

ميرنا : طيب عمر وابويا فين ...

سارا:مش محتاج دى كله انا حتصل بعدالعزيز يجي يوصلنا ..

رهف : هو فين دلوقتي ..

سارا:اعتقد انه تحت انا سامعة صوته ..

رهف: خلاص قولى له ...

سارا: حروح اناديه ..

ولسة سارة طالعة من اوضة ميرنا الا وتشوف عبد العزيز على السلم ..

سارا: كويس انك جيت يا عبد العزيز

وقف عبدالعزيز وقعد يبص لسارة وهو مبلم وفاتح عنيه جامد .

سارا: مالك يا عبد العزيز في ايه

عبدالعزيز: ما فيش حاجة ..

سارا: مالك بتبصلي كدة ليه

عبدالعزيز: هو دى الفستان اللي احنا اشترناه من باريس

سارا: ايوة .. في حاجة ..

عبدالعزيز: لالالالا ما فيش حاجة ..

سارا: طيب وليه كنت بتبصلي كدة كأني لبسة حاجة غلط ..

عبدالعزيز: ههههههه..

سارا: لا بجد يا عبد العزيز في حاجة وحشة

عبدالعزيز: لا بس كنت مستغرب

سارا: مستغرب من ايه ؟؟؟؟؟؟؟

عبدالعزيز:طبعا مستغرب..ماكنتش متوقع انك بالجمال دى كله .. لما قستي الفستان في المحل ما كانش حلو زي دلوقتي ..

احمر وجهه سارا : شكرا

عبدالعزيز: عشان انتي حلوة مش الفستان اللي حلو ... انتي اللي محلية الفستان ..

سارا: انا قصدي شكرا على المجاملة

عبدالعزيز بنظرات تقتل وفمه مايل شوي: انا ما بجملش ... دي حقيقة .

سارا: خلاااااص

عبدالعزيز. باستغراب: هو ايه اللي خلاص ..

سارا: ما تقولش كدة وما بتبصليس بالنظرات دي تاني ..

عبدالعزيز: ههههههههههه.. انت قمر ياسارة .... تعرفي انا حخلي ماما تقرى عليكي عشان ما حدش يحسدك ...

خرجت رهف من الاوضة ..

رهف : احنا اتأخرنا وانتوا قاعدين بتتغازلوا ..

عبدالعزيز : وانتي مالك بينا .. انا ورماتي وبنتكلم ايه الحشرية دي ..

سارا عاشت الجو : ررررررررهف

رهف: هههههه.. والله انت عبيطة

عبدالعزيز: اهو انتي اللي عبيطة ..

رهف: يعني هي ليه المدح وانا الترقية .. والنهاردة حفلتي ولاحتى علقت على شكلي ..

عبدالعزيز: ماله شكلك زي كل يوم ..

رهف: حررااااااااام عليك

سارا: ههههههههههههههه

رهف: وانت كمان ياسارة بتضحكي ..

سارة : انتي اللي جبتيه لنفسك ..

رهف: المهم انت حتوصلنا ياعبدالعزيز ..

عبدالعزيز: اوصلكم فين .

سارا: للحفلة ...

عبدالعزيز: لا اسف انا مستعجل روحوا مع السواق

رهف: السواق مع امي

عبدالعزيز : عندكم عمر يوصلكم

سارا: كدة يا عبد العزيز انا بتكسف ا ركب مع حد

عبدالعزيز:ما فههاش حاجة حتروحي مع اخواتي واخوايا عادي ... يالا ا نا مستعجل ان ا جي اغير هدومي وانزل ..

سارا: طيب نزلنا على الطريق ..

عبدالعزيز: امم... طيب بسرعه

رهف جات لخوها وباسته: مشكوووووووووووو ر يااغلى اخ في الدنيا

عبدالعزيز: المهم بسرعة

سارا: اكيد.

دخل عبدالعزيز اوضته وراحت معاه سارة .. اما رهف رجعت لاوضة ميرنا ..

رهف: ميرنا عبد العزيز بيقول بسرعة

ميرنا : يووووه شعري لسة مانشفش .. اصبروا ..

رهف: عبد العزيز بيقول بسرعة لحسنمش حيوصلنا ...

ميرنا : عمر حيوصلنا .. انا اتصلت بيه وهو قال طيب ..

رهف: خلاص حروح انا وسارا مع عبدالعزيز وانتى تعالى مع عمر

ميرنا : بطلوا رخامة انا مش عايزة اجي لوحدي ...

رهف: ما ينفعش كدة ا تاخرنا ..

ميرنا : مش حتأخر ربع ساعة وحكون جاهزة ....

رهف: اوووووف طيب حنستناكي

دخلت عليها سارا وهي خلاص لبست عباية عشان الفستان مكشوف على الاخر ..

سارا: يالا يابنات عبد العزيز نزل ... بسرعة

رهف: خلاص قولى له يروح .. عمر حيجي

سارا: ما ينفعش ... خلينا نروح مع عبد العزيز

رهف: الاميره لسة ما خلصتش

سارا: ميرنا انت الحقينا

منيره: لا سارا بلاش غلاسة انا عايزة اجي معاكم

سارا: يووووه ...

رن موبيل سارة ..

سارا: دى عبد العزيز اكيد في السيارة

رهف: خلاص قولى له ان عمر حيوصلنا

ردت سارا على عبدالعزيز...

عبدالعزيز: انتوا فين يالا اخرتوني

سارا: خلاص يا عبد العزيز روح وعمر حيوصلنا ..

عبدالعزيز : براحتكم .... مع السلامه ...

وقفلت سارة مع عبد العزيز .. وبعدا ماخلصت ميرنا .. وعدت ربع ساعة ولغاية دلوقتي عمر ما جاش .. وقعدت ميرنا تتصل بعمر وما بيردش عليها ... راحت اتصلت على باباها اللي كان في الاستراحة .. وتسال عن عمر وماكانش يعرف مكانه ... وما رضيش ابوهم يجي يوصلهم للحفلة ..

رهف: كل دى منك يا ميرنا مين اللي حيودينا دلوقتي ..

ميرنا : وانا اش عرفني ان عمر حيختفي كدة ..

رهف: وحنعمل ايه دلوقتي ..

سارة : اخلي السواق يجيلنا ..

رهف: السواق مع امي

سارا: لا قصدي سواق اهلى ...

ميرنا : لا احرج يمكن امك او مها يحتاجوه ..

سارا:حتصل بيهم واشوفهم ..

اتصلت سارة على بيتهم .. رد علهيا تامر ..

سارا: السلام عليكم

تامر : وعليكم السلام ... اهلا

سارا: ازيك يا تامر ... بقول ايه امي فينها ...

تامر : موجودة بتلبس ليه ..

سارة : لا عايزاها تبعتلنا السواق عشان نروح الحفلة ..

تامر : ليهما عندكمش حد ..

سارة : لا عبد العزيز مشغول والسواق مع امي فوزية .. وعمي صلاح في الاستراحة .. وعمر مش عارفين هو فين .

تامر : انتي كنتي ناوية تروحي مع عمر ..

سارا: معايا رهف وميرنا ..

تامر : ااااه بحسب .. خلاص حبعتلك السواق دلوقتي ولا يهمك ..

سارة : يمكن امي تحتاجة ..

تامر : لا تخافين مش حتحتاجة دلوقتي ..

سارا: شكراااااا يا تامر ..

تامر : هههههه العفو انتي تامري يا قمر ...

سارا: اوكي باي ..

وقفل سليمان السماعة مع اخته وهو بيبتسم .. وراح وقف عند المرايا اللي في المدخل .. وقعدت يوضب في نفسه ويحط برفان... وشافته امه ..

ام محمد: على فين ا نشاء الله مش انت قولت انك مش حتطلع الليلة ..

تامر : ايه ا لجمال دى يا ماما حتغطي على الموجودين في الحفلة ...

ام محمد: هههههه .. انت عليك لسان بينقط عسل.. طالع زي ابوك ..

تامر : هههههه عارف

ام محمد: برضه ما قلتليش رايح فين ..

تامر : عندي مشوار ... حروح بسرعة وحرجع ..عايزة حاجة ..

ام محمد: لو فاضى وصلنا للحفلة

تامر : عندكم السواق .. يالا يا امي حتأخر ..

وخرج من البيت وركب سيارته ...

رهف: ما ينفعش كدة اتأخرنا قوووي

سارا: دلوقتي حيجي السواق هو في الطريق

ميرنا : تتوقعوا فين عمر والله اني خايفة عليه ..

رهف: كل منك انتى

ميرنا : هوا نا عملت ايه ..

رن الجرس ..

سارا: اكيد السواق جيه ..

رهف: واخيرا .. انا حروح اركب السيارة يالا بقى عشان اتأخرنا ..

سارا: طيب

ونزلت رهف عشان تركب السياره ...

حتعمل ايه رهف لماتركب السيارة ؟؟؟

ومين ياترى اللي حتتصدم فيه رهف في الحفلة .. ومين اللي حيصدمها ؟؟

**أنسولين** · 07-12-2010, 02:43 PM

مشكورة أختي على القصة الجميلة
هي مو بس حلوة ومشوقة كمان
بس لا تتأخري علينا بالحلقات

**مشتاقه للجنه** · 07-12-2010, 10:12 PM

منورانى يا انسولين والحمد لله ان القصه عجبتك

حاضر من عنيا هكملهالكم

**مشتاقه للجنه** · 07-12-2010, 10:18 PM

الحلقة ال30

رهف: ما ينفعش كدة اتأخرنا قوووي

سارا: دلوقتي حيجي السواق هو في الطريق

ميرنا : تتوقعوا فين عمر والله اني خايفة عليه ..

رهف: كل منك انتى

ميرنا : هوا نا عملت ايه ..

رن الجرس ..

سارا: اكيد السواق جيه ..

رهف: واخيرا .. انا حروح اركب السيارة يالا بقى عشان اتأخرنا ..

سارا: طيب

ونزلت رهف عشان تركب السياره ...

ميرنا وهي بتلبس عبايتها عشان الفستان مكشوف قوووي .. انا مش مطمنة ..

سارا: ليه؟؟

ميرنا : عمر ما جاش ولا برد على التليفون ..

سارا: اكيد مشغول

ميرنا : مش عوايده انا دى اخويا وانا عرفاه ...

سارا: انتي ما تشليش هم وربنا يستر ان شاء الله .. يالا خلينا ننزل لان رهف على اخرها وحتسبنا وتمشي ....

وقفت رهف برى محتاره.. ماشافت سيارة بيت اهل سارة اللي السواق بيسوقها .. كانت في سيارة سبورت سودا واقفة عند باب بيتهم ... بس اكيد مش السواق ما بيسوقش سيارة زي دي .. ياربي حتأخر على الحفلة ... لاحظت جوة السيارة في شاب قاعد في السيارة ..رجعت تاني جوة البيت الا وقابلتها سارة وميرنا ....

سارة : مالك رجعتي ليه تاني ...

رهف: اوووووووف... لا

سارا:غريبة تاخر ... ادى دي سيارة تامر بيعمل ايه هنا ..

اول ما نطقت سارة اسم تامر قلب رهف قعد يدق جامد وبصوت عالي لدرجة خافت ان اللي حواليها يلاحظوا حاجة ...

ميرنا : انت متأكدة ياسارة ...

سارة : ايوة ... ايه اللي مقعدوا في السيارة وايه اللي جابه هنا ... لحظة حشوفه ..

راحت سارة لسيارة تامر وفتحت الباب اللي جامبه ... اتخض تامر منها لانه ما حسش بيها لانه كان مشغول في المسجل اللي معليه على الاخر ومش حاسس بالدنيا اللي برة ..ولما خد باله من اخته ...

تامر :خضتيني ... حد يعمل كدة ..

سارة : انت بتعمل ايه هنا ..

تامر : مش سامعها من الموسيقى العالية قوووي راح وطى الصوت ..

تامر : انت قلتي ايه ..

سارة : بقولك انت بتعمل ايه هنا ..

تامر : لا ابدا قلت ا وديكم الحفلة ..

سارة : ومن امتى الاخلاق النبيلة دي ...

تامر : من زمان عندي بس انتي اللي ما بتشوفيش ..

سارة : امال فين السواق

تامر : امي عايزاه قلت انا اجي وأوصلكم ..

سارة : وليه ماتصلتش بيا وتقولي ..

تامر : ضربت الجرس ههههه

سارة : لا والله ... وليه ان شاء الله وفين موبيلك .

تامر : معرفش ما خطرش على بالي ... وتاني حاجة انا واقف قدام الباب وعايزاني ادفع فواتير عشان اكلمك ...

سارة : بس انا معايا رهف وميرنا ..

تامر: عادي وفيها ايه انا مش غريب .. لومش عايزاني اوصلكم حمشي ...

سارة : لالالا لحظة .. حناديلهم .. استنى اوعى تمشي ..

تامر : خدي راحتك انا فاضي

سارة بتبصلة استغراب : غريبة انت مش طبيعي النهاردة ..

تامر : انا تلاقيني في وقت الازمات ... حلال المشاكل زي ما اصحابي بيقولولي ..

سارة : لحظة ..

تامر : يالا روحي نادي البنات انامش السواق بتاعكم حفضل مستنيكم كدة ..

سارا: هههههههههههه... ..ايوة دى تامر اللي انا عارفاه ..

رجعت سارة لرهف وميرنا اللي كانوا واقفين عند الباب مستنينها ...

سارة : يلا نروح .....

رهف بخضة : مع اخوكي ...

سارة : ايوة اصل ماما عايزة السواق فهو جيه يوصلنا ..

رهف : لا احراج انا مش حروح

ميرنا : اه صحيح احراج يا سارة ..

سارة : احراج من ايه منك ليها .. على فكرة احنا اتأخرنا وما فيش حد غيره دلوقتي ينقذنا ..

رهف: عمر حيجي

ميرنا : ايوة يارهف سارة عندها حق .. عمر اتأخر قوووي ومش عارفين حيجي امتى .. خلينا نروح مع تامر احسن .

رهف : انتوا روحوا وانا حستنى عمر لما يجي ...

سارا: يالا رهف بلاش حركات اطفال .. يالا قدامي ..

رهف: يوووه والله انا مكسوفة ..

ميرنا : خلاص خليكي انت قاعدة هنا لوحدك واحنا رايحين.

وراحوا ميرنا وسارة للسيارة .. سارة كربت جمب تامر اخواها قدام وميرنا قعدت ورا سارة ..لم رهف شافت نفسها واقفة لوحدها في الشارع ودى غلط جريت ولحقتهم وركبت ورا تامر ... وبعد ماتحركت السيارة والوضع كان هادي جدا

تامر قطع السكوت الل كان مالي المكان : مالكم ساكتين ليه

سارة : ولا حاجة

تامر: والحفلة دي بخصوص ايه بقى ..

سارة : حفلة تخرج رهف ...

تامر : بجد مبرووووووك يارهف ...

مع ان تامر عارف ايه مناسبة الحفلة بس كان بيستعبط .. وكان عايز يسمع صوت رهف ... بس البنت مش مدياله وش ... ومش عايزةتتكلم معاه ابدا... قعدوا طول الطريق ميرنا وسارة يتكلموا .... حتى لما سارة وجهت سؤال لرهف ردت عليها بصوت واطي جداااا لدرجة ان تامر اللي قاعد قدمها ما سمعهوش وكان حيموت من الغيظ .. تامر في سره مالها دي مكسوفة مني و لا ايه ... كنت فاكرها جريئة بعد الموقف اللي حصل بينا في ليلة فرح سارة ... رهف اللي كانت مش مرتاحة ابدا ... ومش قادرة تشارك ميرنا وسارة في الكلام بتاعهم ..... رفعت راسها للمرايا اللي قدام وشافت تامر وهو بيسوق وكان مندمج بالسواقة ... وتامر ما خدش باله منها .. ورهف شافت عني تامر .. نفس عيون سارة كبار وواسعين ومكحلين بس الفرق بين عينه وعين سارة ان سارة عنيها بني وهو عنيه سودا.. حست بجداذبية غريبة في عنيه لدرجة انها ما قدرتش تشيل عنيها من المرايا ... ولاحظ تامر انا بتبص على عنيه ووقع عنيه في عنيها وابتسم لها ... وعلى طول لفت رهف لجهة الشباك وقامت تتأمل السيارات وهي بتشتم نفسها في سرها .. انا ايه اللي انا عملته دى ... عرف اني كنت ببص عليه ... ياترى حيقول عليا ايه دلوقتي .... يووووه ايه قصتي مع الانسان دى ليه بفكر فيه كتيير قوووي كدة ...وليه بترعب لما بسمع اسمه ...هو ليه بيحصلي المواقف البايخة دي دايما .... حست انها متراقبة ... ومش قادرة تتحرك ... وكانت عين تامر لسه في المرايا مستنيها تبص تاني في المرايا ... كان نفسه يكلمها بس وجود سارة وميرنا يمنعه انه يكلمها... لو يقدر يوقف السيارة وينزلهم ويقعد يتكلم مع رهف ... وافتكر الموقف اللي حصل يوم فرح سارة ... سارة لحظته وهو بيبتسم ...

سارة : انت بتبتسم ليه ..

انتبه ليها تامر ... وكانه صحي من حلم ..

تامر : لا ولا حاجة بس افتكرت موقف ..

سارة : والموقف دى بيضحك قوووي كدة ..

تامر : امممممم .. تقدري تقولي عنه انه محرج ..

سارة : طيب وليه بتبتسم ..

تامر : عشان انا لما افتكرته دلوقتي لقيته محرج قووووي لدرجة انه ضحكني قوووي .

سارا: يااااه شكل الموقف محرج على الاخر ..

تامر : ههههههه تعرفي لو يقولولي عيد الموقف دى تاني مش حقول لالء .

سارة : ما انت لسة بتقول عليه محرج ..

تامر : ايوة محرج بس لذيذ...

سارا وهي عاقده حواجبها: مش فاهمة

تامر : ولا حتفهمي ..

سارا: طيب ماتقولي عشان افهم ..

تامر : امممم طيب مرة كنت نازل من على السلم ...

رهف كانت مفتحة ودانها على الاخر وعايزة تسمع هو حيقول ايه وعنيها لسة على الشباك ..

... اول ما سمعت يقول سلم ... لفت وشها ناحية المرايا وهي فاتحة عنيهاعلى اخر ... يعني عرفني وقت السلم ...

تامر : ههههههههههه

سارة : طيب وبعدين ما تكمل ...

تامر: لالالا بعدين بعض الناس حيزعلوا ...

وغمز لرهف بعنية ... وتمنت رهف وقتها ان الارض تتشق وتبلعها .. رجعت وبصت للشباك تاني وهي حاسة انها خلاص مش قادرة ...ياترى ايه قصده بالكلام اللي قاله دى ... سارةوميرنا مش حاسين باللي بيجرى ...

سارة : اي ناس؟؟؟

تامر :عزيزين عليا قووووي ..

سارة وهي مستغربة : مين يعني ..

تامر : بقولك ايه يا سارة .... خلاص مش حكمل الحكاية ... وبلاش رغي كتيير ... يالا انتوا في اي قاعة احنا وصلنا ....

سارة : القاعة الرابعة ...

وقفت السيارة عند الباب ...

ميرنا : شكرا يا تامر ما قصرتش ..

تامر : العفو على ايه ....ما علمتش حاجة ...

سارة : حتيجي تاخدنا ...

تامر : تصدقوا انكم وجعتوا راسي ..

سارة : انا بضحك معاك ... شكرا يا اخويا ...

ونزلوا من السياره ... اما رهف نزلت وهي في عالم ثاني .. ومش حاسة بنفسها ابدا ... ايه قصدوه بعزيزين عليا ..... يعني انا عزيزة بالنسبة له ... هو يقصدني انا ... ليه الموقف دى حصل معايا انا ... هو ازاي عرفني ...
دخلوا البنات للقاعة .. راحت ميرنا وسارة للحمام عشان يظبطوا نفسهم ... ورهف طلعت فوق عند البنات .. ولقيتهم كلهم متجمعين فوق .. كانوا حوالي 6 بنات مشتركين في الحفلة ... مع رهف طبعا ... سلمى وندى صديقات رهف المقربين جدااا .....

ندى: واخيرا اتكرمتي وجيتي .. ما لسة بدري ..

سلمى : مالك يارهف شكلك مش طبيعي ؟

ندى : مالك وشك احمر قوووي .

رهف: هاه .. لا بس حرانه

ونزلوا البنات كلهم للقاعة تحت عشان يشوفوا ترتبات الحفلة والمعازيم

**مشتاقه للجنه** · 07-12-2010, 10:25 PM

الحلقة ال31

ونزلوا البنات كلهم للقاعة ع شان يشوفوا ترتيبات الحفلة والمعازيم رهف بطبيعتها اجتماعية معظم المدرسة اصحابها .. غير اختها ميرنا مالهاش غير سارة وبس ...كانت القاعة جميلة جدااا وفي كتيب عند باب القاعة عشان المعازيم يكتبوا ذكرى للبنات فيها .. بعد ما تملت القاعة ... وعلى حدود الساعة 11 ونص .. راحوا البنات فوق ولبسوا ارواب وقبعات التخرج ... واستلموا هداياهم من اسرة المدرسة .. بس منيرة كانت مش مطمنة عشان اخوها عمر ليه ما بيردش عليها .. اكيد حصله حاجة .. وماحبتش تقول لامها عشان ماتقلقش ....... ولما شافت ان الموضوع زاد عن حدة ولغاية دلوقتي ما تصلش بيها عمر ... راحت واتصلت على عبد العزيز عشان تسأله عن عمر ..

ميرنا : السلام عليكم

عبدالعزيز: وعليكم السلام ...

ميرنا : بقولك ايه يا عبد العزيز هو فين عمر ..

عبد العزيز قال حاجة بس ميرنا ما سمعتش عشان صوت الموسيقى كانت عالية قوووي ..

ميرنا وهي بتصرخ : مش سمعاك ..

ميرنا وهي لسة مش سامعة اي حاجة ..

ميرنا : هااااااه كنت بتقول ايه

عبد العزيز : بقولك غيري مكانك عشان تسمعي ..

ميرنا : ماشي لحظة ..

وطلعت برة القاعة وراحت الحمام ..

ميرنا : الوووو ايوة يا عبد العزيز ....

عبد العزيز : ياساتر ايه الازعاج دى ..

ميرنا : بالعكس الجو جميل قوووي والحفلة رائعة ..

عبدالعزيز: نعم كنتي بتقول ايه بقى

ميرنا : ماتعرفش فين عمر ..

عبد العزيز : اهو جمبي .. ليه ..

ميرنا : بجد انتوا فين اوعى تكونوا في المستشفى ...

عبدالعزيز: ياساتر على افكارك ليه .. احنا في الاستراحة مع اصحابنا ..

ميرنا : احلف ..

عبد العزيز : يعني انا بضحك عليكي انت مش مصدقاني يا بت ..

ميرنا : طيب اديهولي اكلمه عشان اتأكد ..

عبدالعزيز: مادام عايزة تكلمي ليه ماتصلتيش بيه على طول ..

ميرنا : انا عمالة اتصل بيه وهو ما بيردش عليا وخفت عليه ..

عبد العزيز : لحظة ..

عبدالعزيز وهو بينادي عمر الي قاعد بعيد عنه شوية ...

عبدالعزيز: عمر ليه ما بتردش على موبيلك ..

عمر : هو ما رنش اصلا ..

عبد العزيز : ميرنا عمالة تتصل بيك وانت ما بتردش عليها ليه ..

عمر وهو بيدخل اديه في البنطلون : شكلي نسيت الموبيل في السيارة .... ليه عايزين ايه ؟

عبد العزيز ردج التليفون على ودانه " بيقولك عايزة ايه ..

ميرنا : هو ليه ما بيردش عليا ..

عبد العزيز : هو نسي الموبيل في السيارة ...

ميرنا : دى مش بس موبيله دى نسينا احنا كمان .... قوله مساء الخير ... واحنا مستنينه عشان يودينا الحفلة والبيه قاعد مع اصحابه ونسينا ..

عبدالعزيز رجع يكلم عمر:بيقولوك ليه ما جتش ودتهم الحفلة ..

عمر حط ايده على راسه: يوووووووووه نسيت ...

وقام من مكانه

عبدالعزيز: رايح فين خلاص راحوا الحفلة وقربوا يرجعوا كمان هههههه

عمر : اديني التليفون اكلمهم .. الووو .

ميرنا : اهلا يا عمر .. انت خوفتني عليك قوووي ..

عمر : ههههه ماتخافيش انا بخير ما فيش حاجة...

ميرنا : اللي واخد عقلك يا سيدي ... ازاي تنسانا ...

عمر: معلش انشغلت ونسيت التليفون في السيارة .

ميرنا : المهم اني اطمنت عليك ..

دخلت نورة الحمام وشافت اختها بتتكلم في التليفون ..

نوره: مالك يا ميرنا مستخبية في الحمام ليه

ميرنا : خلاص يا عمر خلي بالك من نفسك مع السلامة ..

عمر: مع السلامه ...تحبوا اجي اخدكم لما تخلصوا ..

ميرنا : لا حنرجع مع السواق مع امي ..

عمر : ماشي مع السلامة ..

ميرنا قفلت مع اخوها عمر ..

نورة : كنتي بتكلمي مين .

ميرنا : كنت بكلم عمر ..وبطمن عليه

**مشتاقه للجنه** · 07-12-2010, 10:28 PM

الحلقة ال32

بعد ما دخلوا المعازيم على البوفيه ... كانت رهف مع صاحبتها سلمى في البوفيه ... وقعدوا يلفوا على الاصناف اللي موجودة ..

سلمى: بقولك ايه يارهف مرات اخوكي طيبة قووووي

رهف: ايوه

سلمى: بس علاقتها مع ميرنا اكثر منك صح

رهف عرفت ان سلمة عايزة ترغي معها في موضوع من المواضيع البايخة بتاعتها ..

ردت ليها من غير نفس : اصل ميرنا صحبتها من الطفولة عشان كدة متعلقين ببعض اكتر ..

سلمى: يعنى يفضلوا قاعدين مع بعض وما بيشاركوناش الحديث ..

رهف : سلمى انت هايفة قوووي انت مالك بيهم دلوقتي ..

سلمى: لا مش قصدي .... طيب هي سارة مبسوطة في الجواز ..

رهف : وايه لازمة السؤال دى اعتقد ان دي خصوصية مش كدة يا سلمى ولا ايه ..

سلمى:انتي مالك النهاردة مش طايقة مني اي كلام ليه ...

رهف: انا اللي مش عارفة انتي مالك النهاردة واسئلتك غريبة النهاردة ...

سلمى : خلاص ...ياساتر الواحد ما يعرف يتكلم معاكي ...

رهف: ايه سلمى انا مش قصدي ...

سلمى: طيب انا كنت عايزة اسألك سارة عندها اخوان شباب صح ..

رهف وهي رافعه حاجب: ايوة عندها ليه ..

سلمى: في واحد اسمه تامر صح ؟

رهف باستغراب: وانتي اش عرفك ؟

سلمى: لالا ما تفهمنيش غلط...

رهف:ايه اللي عرفك باخو سارة وتامر بالخصوص ؟

سلمى: مالك يارهف اتنرفزتي

رهف بتوتر: ما فيش حاجة بس بسال..

سلمى : حقولك على حاجة بس ماتقوليش لحد ؟

رهف: سلمى في ايه

سلمى: احلفي انك ماتقوليش لحد وخصوصا صحبتنا حنان ؟

رهف: حنااااااااااااا اااااااان

سلمى بصوت واطي :ايوة حنان ..

رهف: اوكي يالا قولى؟؟

سلمى: وما تجبيش سيرة لسارة ..

رهف : خلصينا مش حقول لحد ماتقولي بقى ..

سلمى : اممم .. شفتي البنت اللي قاعدة هناك في الركن دي

وشاورت على ترابيزة فيها مجموعة بنات ..

رهف : اي واحدة ...

سلمى: اللي رافعة شعرها ولابسة فستان ازرق ..

رهف: قصدك لمى ؟؟

سلمى: ايوة تعرفيها

رهف: ايوة دي بنت خالة حنان

سلمى: ايوة عليكي نور

رهف: مالها دي بقى

سلمى: انا ما بحبش افتن .. مش عايزة اقول ..

رهف: بطلي غلاسة بقى عارفة انك عايزة تقولي اتكلمي بقى ..

سلمى: طيب ماتنسيش انك حلفتي ماشي ..

رهف: سلمىىىىىىى

سلمى: طيب طيب... بيقولوا والله اعلم انها بتمشي مع تامر ..

رهف بصوت عالى شوي: اييييييييييه

سلمى: وطي صوتك يا رهف ...

رهف خلاص حست انها حتموت : اني بتقول ايه

سلمى: دى اللي البنات كلهم عارفين ... يعني انت ماعندكيش خبر بالموضوع دى ...

رهف: لا والله .. سارا ما تعرفش حاجة؟؟

سلمى: ماعرفش بس مااعتقدش انها تعرف بلاوي اخوها ...

رهف: أي بلاوي

سلمى: رهف انت مالك النهاردة .. تامر اخو مرات اخوكي معروف بالاعيبه وما فيش بنت ما مشيش معاها ... واخر واحدة لغاية دلوقتي هي لمى ... شكلها عجبته قووي لانها الوحيدة اللي طولتمعاه عن غيرها من البنات .. رهف مالك ..

رهف خلاص حاسه انها حتعيط : لا ولاحاجة .. .. عن اذنك يا سلمى ...

سابت طبقها مكانه مع انها لسة ماتعشتشي .. ومشيت وهي مش عارفة هي رايحة فين ومش في واعيها .. وعنيها غرقانة بالدموع ... مش عايزة تقابل حد او تشوف حد ....طلعت ياتامر صايع وانا معرفش ...وعلى بالك يا رهف انك بقيتي تحبيه ... معقول والنهاردة كان ايه قصده في السيارة ... وهو فاكرني من نوع البنات الواطيين اللي هو بيعرفهم وبيكلمهم في التليفون ويخونوا ثقة اهلم فيهم.. لا مستحيل هو صاحب اخويا ومستحيل يعمل معايا كدة ... وايه قصده بحركاته اللي بيعملها ...انا ليه مهتميه بيه قووووي كدة ..مسحت عنيها باديها اللي كانت بتترعش قوووي ..... كانت متوترة على الاخر ومش عارفة تتمالك على اعصابها ... ... راحت للحمام .. تاملت وشها في المرايا ... مستحيل ارجع للحفله بالشكل دى .. لازم اهدى شوي ....
بعد ما انتهى العشى واغلب الضيوف مشيوا .. الا المقربين من اهل الخريجات .. هما اللي قاعدوا .. ولسة الموسيقى شغالة .. ورهف مش على طبيعتها .. حاولوا اصحابها يرقصوها بس هي ما رضيتش

حنان : رهف ..

لفت رهف لقيت حنان بتناديها وجاية ناحيتها ومعاها لمى بنت خالتها .. اتمنت انها تختفي من الوجود ولا تقابل الانسانة اللي واخدة تامر منها .. لحظة انا بفكر في ايه .. اصلا تامر مش ليا عشان افكر ان لمى واخداه مني ... فوقي يا رهف .. وغير كدة انا ما بحبهوش ولا مهتمية بيه اصلا...

رهف بابتسامه ابتسمتها بالعافية : اهلا حنان ..

حنان : مى حتروح كانت عايزة تسلم عليكى قبل ما تمشى

رهف شافت مى ..مى قصيرة قوووي ورافعة شعرها لفوق ومنزله منه خصل ملونة مصبوغه بالوان البيج والبني والذهبي ... ومع كدة مش حلوة للدرجاتي وباصة لفوق قوووي ومليانة شوية .... مش شايفة فيها حاجة حلوة عشان تامر يعجب بيها .. انا احلى منها بكتيير ..

رهف: اهلا يامى

مى: خلاص حنكون مع بعض انا سجلت معاكي في نفس الجامعة ..

رهف وهي بتبتسم بالعافية : بجد
..
مى: امال فين سارة

رهف : سارة ..

مى: ايوة سارة مرات خوكي .. دايما اسمع عنها ونفسي اشوفها ..

رهف: مش عارفة هي فين ..

مى: يا خساره كان نفسىاشوفها ..

حنان : ليهم ما قلتليش كنتي حورهالك ...

مى: نشوفها بعدين يالا عن اذنكم ..

وسلمت حنان ولمى على رهف ومشيوا ...

ندى ...بخ .

رهف : يمه .. خضتيني ...

ندى .: هههههه سرحانة في ايه ..

رهف: ما فيش حاجة ...

ندى : لاء في حاجة انتي مش طبيعية .. عمالة تبصي للمى وشوية حتاكليها بعنيكي ...

رهف: انتي بتهيألك بس ..

ندى وهي بتجر ايد رهف : يالا يارهف نرقص ..

رهف : ماليش نفس ..

ندى : عشان خطري ..

رهف خلاص حتعيط : ماليش نفس ومصدعة ... عايزة امشي حدور على ماما عشان نمشي ...

راحت رهف لترابيزة اللي قاعدة علهيا امها .. وكانت مشغولة ... شافت ميرنا واقفة مع سارة وصحابهم وكانوا بيتكلموا ... فراحت لهم ..

رهف : ميرنا تعالي ا نا عايزاكي ..

ميرنا : نعم مالك ..

رهف : هي فين ماما ...

ميرنا : لسة ماشية هي ونورة ليه ؟

رهف: عايزة امشي
...
ميرنا : ليه لسة بدري وماتنسيش ا ن الحفلة حفلتك ..

رهف : بس راسي وجعاني ...يالا يا ميرنا ..

بعد مخلصت سارة كلامها مع صاحبتها راحت لميرنا ورهف ..

سارا:مالكم واقفين كدة ليه ..

رهف: عايزة اروح ..

سارا: ليه يا رهف..

رهف: اصلي مصدعة وتعبانة

ميرنا : براحتك اتصلي على ماما خليها تبعتلنا السواق ..

اتصلت رهف بامها ومارضيتش تبعتلها السواق لان الوقت بقى متأخر وما ينفعش بنات لوحدهم يجوا مع سواق في الوقت دى ..قالتلها اتصلي بحد من اخوانك يجوا يوصلوكم.. ولان عمر اقرب ليهم من عبد العزيز وقعدوا يتصلوا بيه كتتتير ورد عليهم .. وحيجلهم كمان ساعة ..ز حاولت معاه انه يجي بدري شوية .. وما رضيش ..

ميرنا : ها يا رهف مين اللي حيجي ياخدنا ..

رهف وشوية وحتعيط : عمر بس كمان ساعة ..

ميرنا : طيب ومالك مضايقة ليه ..

رهف : ولا حاجة عايزة اروح تعبانة ..

ميرنا : حتروحي ..

قعدت رهف على ترابيزة وهي مبوزة ومالهاش نفس تتكلم مع حد .. وحاسة ان راسها حتنفجر من التفكير ... وبعد ساعة جالهم عمر ووصلهم للبيت .. رجعت سارة طبعا معاهم .. كان عبد العزيز لسة في الاستراحة ما روحش لسة .. اتغاظت سارة لان المفروض هو اللي يجي يوصلها مش عمر .. غير كدة ايه اللي مسهرة لغاية دلوقتي برة هو فاكر نفسه لسة عازب وناسي ان ليه زوجة في البيت
..
طول الطريق ورهف ماسكة نفسها عشان ما تعيطش قدام حد ..واول ما دخلت اوضتها اترمت على السرير بهدومها .. بس ما نزلتش ولا دمعة وحاولت انها تخرج الحزن اللي جواها بس ما قدرتش ..... وفضلت فردة نفسها على السرير وبتفكر في الوضع اللي هي فيه .. وليه الموضوع نكد عليها وبوظلها الحفلة بتاعتها .. معقول انا مهتمية بتامر للدرجاتي ... معقول بكون بحبه ... اترددت الكلمة دي في بالها اكتر من مرة ...انا بحب تامر .. ايوة انا بحبه وليه لا انا حاسة بالاحساس دى .. عشان كدة كلمات سلمى كانت زي الطعنات في قلبي .....بس هو ما يستهلش الحب دى .. اللي يمشي مع بنات يبقى مالهوش امان .. يالله انا ليه حظي كدة ... قامت من على السرير وغسلت وشها ...وبعد ما غيرت هدومها ورجعت فردت نفسها على السرير واستنت اذان الفجر وصلت الفجر ونامت

**مشتاقه للجنه** · 07-12-2010, 10:35 PM

الحلقة ال33
وفي الطرف التاني .. كان تامر لسة موقف سيارته ودخل بيتهم ... وخد تليفونة واتصل بلمى .. وكان مسجلها باسم حب حياتي ..

مى بصوت ناعم : الوووووو

تامر : اهلا بالقمر احلى الووووو سمعتها في حياتي ..

مى: اهلا حبيبى

تامر : حبيبك زعلان

مى: ليه يا حبييي قولي مين اللي مزعلك وانا ابهدله ..

تامر : انتي مش عارفة اني مسافر مع اصحابي كمان اربع ايام ...

مى:معلش يا حياتي انا عارفة اني مقصرة معاكي بس معلش كنت مشغولة قوووي النهاردة ؟

تامر : وايه ياترى اللي شغلك عننا ..

مى : تامر : كنت معزومة النهاردة في حفلة ورحتها ...ولسة راجعة من شوية ..

تامر : يعني انتي لسة راجعة .

مى : ايوة ..

تامر بخبث : واكيد لسة بالمكياج ...نفسي اشوفك يامى حرام تحرميني من طلتك ..

مى: حبيبي ماقدرش ...

تامر : اجيلك دلوقتي للبيت وتطلعي عشان خطري ما تقوليش لاء

مى: لا ما ينفعش احنا عندنا اعمامي وعماتي وبايتين عندنا ..

تامر : انتي اعذارك على طول جاهزة .. قولي انك مش عيزاني وخلاص ..

مى : لا والله مش قصدي ... تامر ما تزعلش .. اللي انت عايزة انا حعملهولك .. ولو عايز تيجي دلوقتي تعالى المهم عندي رضاك يا حبيبي .

تامر : لا خلاص انتي رفضتي في الاول .. واصلا انا لسة جي واروح لناس هما مش عايزيني

مى: تامر انا ما قلتش كدة .. ليه بتعاملني بالطريقة دي ..

تامر : طريقة ايه هو انا عملتلك حاجة ..

مى: بقولك ايه يا حياتي .. تعرف كان مين موجود في الحفلة اللي انا رحتها ..

مى: اختك سارة

تامر: اييييييه .

مى: اختك .. مالك اتخضيت كدة ليه .

تامر : وان شاء الله سلمتي عليها ...

مى: لا كان نفسي بس ا شوفتهاش اصلا ... سمعت انها موجودة ..

تامر حس براحة : احسن ..

مى: لييييه

تامر : قصدي الحمد لله انك رحتي الحفلة اللي فيها اختي يعني طلعنا نعرف بعض ..

مى وحتموت من الفرحه : تعرف ان اهل جوزها اعرفهم قووووي ..

تامر : جوز مين ..

مى: جوزر سارة اختك ..

تامر: مى حياتي مش حقدر اطول معامي ... الفجر اذن لو ابويا شافني بتكلم في الموبيل دلوقتي حيستجوبني
وماليش نفس دلوقتي ..

مى: اوكي يا حبي ...ماقلتيش حتسافر امتى

تامر : يوم الثلاثاء

مى: مو عليك اختبارات

تامر :مش عايزة حاجة من هناك ..

مى : ههههه كل اللي تجيبه حلو يا حبي ..

تامر : يالا مع السلامة حبيت اسمع صوتك قبل ماانام ....تصبحي على خير

مى بصوت ناعم : وانت من اهله يا حبيبي .....
............

الشمس طلعت ولسة عبد العزيز ما رجعش البيت .. وبعد ما رجعت سارة من الحفلة قعدتمع ميرنا في الصالة وقعدوا تيكلموا عن الحفلة .. ولما اذن الفجر كل واحدة راحت اوضتها وصلت .. توقعت عبد العزيز انه يرجع بعد الصلاة على طول بس ما رجعتش .. انتظرته بس ما جاش ... لغاية لما يأست وفردت نفسها على السرير وحاولت تنام. ....وعلى حدود الساعه 6 ونص الصبح ما قدرتش تصبر وتقاوم ونامت ....
انتبهت شافت الساعه .... يالا اتأخرت قوووي في النوم لفت جهة عبد العزيز ما لفيتهوش .. كان واضح انه ما جاش اصلا ... راح فين دى ...قامت من السرير .. بعد مالبست هدومها وحطت الحجاب عليها احتياطي لحسن تلاقي عمر في الصالة تحت ...نزلت ولقيت ام عمر ومي قاعدين في الصالة ....

سارا: صباح الخير..

ميرنا : صباح الخير ايه الساعة 12.30 الناس تقول مساء الخير ..

اتكسفت سارة من ام عمر لانها موجودة ... وهي لسة ما تعودتش عليها ..

فوزية : اللي يسمعك يقول من الصبح صاحية .. مش من خمس دقايق ..

ميرنا : بس بقى ياماما بلاش فضايح ..

فوزية : امال فين رهف ..

ميرنا : لسة نايمة ..

سارا:بقولك ايا يا ماما هو فين عبد العزيز ..

فوزيه: راح يصلى الجمعه ... وبعدين حيروحوا لبيت عمتهم ..

ميرنا : ايوة يا سارة اتعودي من هنا ورايح ...بابا واخواتي اول ما يخلصوا صلاة الجمعة بيروحوا عند بيت عمتي وبعدين حيجوا ..

سارة : وامتى حيرجعوا ..

فوزية : على الساعة واحدة ...ميرنا : روحي نادي اختك عشان نتغدى ما بقاش حاجة وابوكي قرب يرجع ..

ميرنا : ان شاء الله يا ماما ..

وقامت فوزية وراحت المطبخ عشان تشوف اخبار الغدا ..

سارة : ياماما عايزاني اساعدك ..

فوزية : لا شكرا يا حبيبتي ..

بعد ما رحت فوزية المطلخ وميرنا طلعت تصحي اختها .. فضلت سارة لوحدها هي ومي في الصالة ودى اول مرة تحصل .. كانت مس قاعدة على الطرف التاني منالكنبة .. وتلعب في الهدايا اللي جابتهالها سارة من ديزني .. سارة مش عجبها سكوتها كدة حبت انها تتقرب من مي اكتر ..

سارا : عجبتك سندريلا

هزت مي راسها بالايجاب.. وكملت لعبها ...

سارا: انتى يتروحي المدرسة يا مي

وفضلت سارة تسأل مي وهي بترد علهيا براسها يا اه يا لاء .. من غير كلام .. ودخل عليهم صلاح وعبد العزيز .. وتقوم مي وتترمي في حضن جدها ..

مي: جدو جبت لي حاجة حلوة

صلاح : هههه ايوة طبعا ... ازيك يا سارة يابنتي ... اخبارك ايه النهاردة ..

سارا: الحمد لله يا عمي انا بخير ...

عبدالعزيز من غير ما يسلم على سارا ولا حاجة : البسي الحجاب عشان عمر جي دلوقتي
..
سارا: حاضر

رجعت فوزيه لما سمعت صوت جوزها وعيالها ..

فوزيه: رجعتوا...

صلاح : انا جعان يا ام عمر الغدا جاهز ..

فوزيه: ولا يهمك يالغالي الغدا جاهز ...

دخل عمر وطبعا كالعاده بنته لصقت فيه وقعدت في حضنه ... فوزيه قالت للخدامات تجهز الغدا على الترابيزة ...وقعدوا الرجالة يتلكموا ..... حست سارا انها غريبه ومالهاش مكان بينهم .. خصوصا ان عبد العزيز ما قعدش جمبها وقعد بعيد عنها ..... وفي الجهه الثانيه كان قاعد عمر وبيدور على بنته مي اللي قامت من حضنه .... وكان جمبه ابوه صلاح ..اما عبد العزيز كان قاعد على كنبه لوحده... وفوزيه ما قدرتش تصبر وراحت تشرف مره ثانيه على الخدامات وهما بيحضروا الغدا ... قامت سارا من مكانها ...

صلاح : على فين ..

سارة : حروح اساعد امي فوزية في الغدا ..

صلاح : امال فين ميرنا ورهف ..

سارة : ميرنا راحت تصحي رهف عشان ينزلوا يتغدوا ..

وخرت سارة من الصالة ومارحتش للمطبخ على طول طلعت اوضتها .. ماله عبد العزيز مش طايقني ليه النهاردة ... دى حتى ما سلمش عليا ماله ايه اللي قلبه عليا .. انا ما عملتلهوش حاجة ..

فوزية وهي واقفة عند السلم وبتصرخ بصوت عالي : ميرنا ... رهف ... يالا الغدا ..

ميرنا : انا نزلة اهوه ؟؟

ونزلت وهي بتجري ..

فوزية : قلتلك صحي رهف مش تنامي جمبها .. فينها اختك ..

ميرنا وهي تاخد نفسها من الجري: بتقولك مش عايزة تاكل دلوقتي وان راسها واجعها ..وانها عايزة تنام لانها نايمة متأخر انبارح ..

فوزيه: طيب مش حتصلي الظهر .. خليها تصلي وتنام ..

ميرنا : قامت صلت ورجعت تنام تاني ..

قعدوا كلهم يتغدوا .. كان صلاح على راس الترابيزة وفوزية جمبه وميرنا جمب امها ووعلى شمال صلاح عمر وجمبه عبد العزيز اللي قاعده قدامه مي .. وكان كرسي رهف وسارة فاضي ..

فوزيه: هي فين سارة ..

صلاح : هي ما كانتش معاكي في المطبخ ..

فوزية : لاء

ميرنا : يمكن فوق في اوضتها حروح انادلها ..

صلاح : لا اقعدي انتي .. عبد العزيز قوم شوف مراتك هي فين ..

عبد العزيز باستغراب : ليه يا بابا ..

صلاح : كمان ليه اكيد فيها حاجة قومي شوفها مالها ..

عبدالعزيز: ما تقلقش انت بس يابابا هي حتنزل دلوقتي ..

فوزية : معلش يا ابني هي من ساعة ما قامت الصبح ووشها مش طبيعي قوم شوف مراتك ..

ميرنا : لو مالكش نفس انا حروح انادلها ..

صلاح : بس يا بت .. قوم شوف مراتك ..

قام عبد العزيز راح لاوضتهم ويشوف مالها سارة .. فتح بابا الاوضة ولقاها واقفة عند الشباك بتتأمل في جنينه بتهم ..

عبدالعزيز: انتي مش عارفة اني في غدا اتحط ..بتعملي ايه عندك ..

سارة ولسة ظهرها لعبد العزيز .. ماليش نفس..

عبدالعزيز قرب منها ... حط ايده على كتفها .. ولفها ..

عبدالعزيز: انتي مالك النهاردة

سارا: انت اللي مالك مش طبيعي النهاردة ..

عبدالعزيز باستغراب: ما فيش حاجة

سارا: لا في حاجة .. حضرتك كنت فين انبارح وتخرج من غير ما اشوفك وحتى لما رجعت ولا حتى تسلم ومش معبرني ... مالك اناعملتك حاجة ..

عبدالعزيز اتنرفز عليها: انتي بتحاسبيني و لا ايه

سارا: لا بس المفروض اني اعرف انتكنت فين انبارح لغاية الساعة 6 ولسة ماجيتش..

عبدالعزيز: سارة انا ما سمحلكيش انك تحاسبيني على كل حاجة اعملها .. سواء اتأخرت اولا .. حتى لو نمت برة مالكيش حق تساليني فاهمة ..

سارا: ليه هو انا مش مراتك

عبدالعزيز: والمفروض ان الزوجة ما تسألش جوزها عن كل حاجة ...يالا بطلي دلع وانزلي مش عايز اهلي يحسوا بحاجة ...فاهماني ...

سارا: انت ليه بتعاملني بالطريقة دي

عبدالعزيز: انتي مالك النهاردة انتي عايزة تتخنقي وخلاص ... على فكرة انا مش رايق .. يالا انزلي مش عايز اتأخر ...

من غير ما ينتظر ردها ...خرج من الاوضة ونزل لتحت .. قررت سارة تعانده وماتنزلش .. لاحظ عبد العزيز سخافة موقفها معاه وبعد خمس دقايق نزل .. ولا كأنه عمل حاجة او حصل بينهم حاجة .. مهما كان هي غلطانة المفروض تكلمني باسلوب احسنمن كدة مش بالطريقة دي ...

الوضع كما هو عليه بين عبد العزيز وسارة .. وبدل ما تزيد بدأت تتدهور .... كل يوم يقوم عبد العزيز قبل سارة عشان الشغل بتاعه ...ويرجع من الشغل بيكون تعبان ويتغدى ويرتاح وما يصحاش الا بعد المغرب .. والوقت الوحيد اللي بيقعد مع سارة بين صلاو المغرب والعشى .. واكيد اهله بيقعدوا معاهم.. واول ما تأذن العشى يطلع يصلي ويخرج مع اصحابة وما يرجعش الا بعد الساعة 12 بلليل .. ويجي ينام عشان شغله الصبح .. يعني ما بيقعدش مع سارة لوحدهم خالص تقريبا .. ... اما سارا البنات بيقعدوا معاهم وبيسهروا مع بعض .. الوضع ما كانش عاجب سارة .. حسيت ان عبد العزيز بيبعد عنها اكتر من الاول .. ما بقتش سارة تساله هو رايح فين ولا جية منين ...يمكن لو بدأت الدراسة الوضع يتغير ...

رجع تامر من السفر .. ولاحظ ان صورة رهف ما بتفرقهوش ابدا ... مش عجبه الوضع وخاف انه يتعلق بيها .. وهو مش عايز يفكر فيها عشان مش عايز يفكر في الجواز دلوقتي .......

رهف الي كان حالها ما يطمن بعد اول اسبوع من الحفلة لما خلصت .... تطلع تقعد مع اهلها وهي جواها حاجة تانية خالص .. اكتشفت ان تامر يبقالها حاجة كبيرة ... ومع كل اللي عرفته عنه صورة بتتحطم قدامها ... ولسة محتل عقلها وقلبها .. مهما كان مضايقها ومزعلها .. والدراسة على الابواب لهيت نفسها في شرى ملابس الجامعة والحاجات اللي كانت نقصاها ...

**مشتاقه للجنه** · 07-12-2010, 11:06 PM

الحلقه ال34

باقي اسبوع وتفتح المدارس والجامعات ... خرجت رهف وميرنا وسارة للسوق عشان يشتروا الحاجات اللي ناقصاهم ولما رجعوا لقوا ام عمر قاعدة في الصالة ..

ام عمر: واخيرا جيتوا

جات ميرنا وباست راس امها ..

ميرنا : ايوة بس مااتأخرناش ..

فوزيه: ليه ما اختوش معاكم مي ..

دخلت رهف وهي شايلة اكياس كتيرة .

رهف: وليه هي كانت عايزة تروح ..

فوزيه:ايه يارهف الاكياس دي كلها انتي اشتريتي السوق كله ولا ايه ..

رهف: ايه يا ماما دى شوية بلوزات على شوية جيبات للجامعة ..

ميرنا : لو شوفتيها يا ماما تقولي دي ما سبتش حاجة ما اشترتهاش ..

فوزيه: اللي يشوفك يقول ان دولابك فاضي يا عيني ..

رهف: كلها قديمة ياماما وتكسف ... وانا رايحة الجامعة ..

فوزيه : الله يهديكم ... امال فين سارة ..

ميرنا :نزلناها لبيت اهلها ..

فوزيه: كويس لان امها كانت بتسال عليها النهاردة ..

رهف: انا حروح اقيس الحاجات اللي انا جبتها ..

فوزيه: تعالوا هنا

ميرنا : في ايه يا ماما ... ليه ما ختوش مي معاكم ..

ميرنا : ما حدش قالينا واحنا كمان مالناش نفس ناخد عيال معانا مش حنعرف نلف ...

فوزيه: استني ما تطلعيش انا ما خلصتش كلامي يا رهف .. الوضع دى مش عجبني ولا عاجب اخوكي ..

ميرنا : يوووووه ياماما نعمل ايه يعني ..

فوزية :مي محتاجة حد كبير يهتم بيها .. امتى اخر مرة كلمتوها ولا قعدتوا معاها ..

رهف: نعلمها ايه بس يا ماما ..

فوزية : اقعدوامعاها في الاوضة ... طلعوا اللي جواها .. خلوها تحس ان في حد مهتم بيها في البيت ..ديى ما بتتكلمش ماحد حتى ابوها ...ما بتقولهوش حاجة ..

ميرنا : ولا يهمك ياماما ..

فوزية : مش كلام وبس ... انا عايزة اشوف فعل ..

رهف : ليه ما تجوزوا عمر لو كنتوا حاسين ان مي محتاجة لوحدة يرعاها للدراجتي

فوزيه: تعبت والله بحاول مع اخوكم وهو مش راضي ..

رهف: ماشي يا ماما هي فين مي دلوقتي ..

فوزيه: ياعمري هي قاعدة في اوضتها وبتقولي انها عايزة تروح المكتبة تشتري حاجات المدرسة اشمعنا سمية بنت عمتو اشترت حاجت للروضة..

ميرنا : لو كنا نعرف كنا خدناها معانا وودناها المكتبة .

فوزيه: خلاص ابوها خدها بعد ما صعبت عليه ووداها تشتري اللي هي عيزاه .. يا عرمي رجع من الشغل تعبان ووداها ..

رهف: دلوقتي حترجع وتلاقيهاف رحانة ياماما ..

ميرنا : من زمان ما شوفناش الضحة في وش مي اوعى ياماما تكونمين معقدة ولا حاجة ..

فوزيه: ياساتر عليكي ما تقوليش كدة على بنت اخوكي ..

ميرنا : لا بجد ياماما لازم نشوفها عشان ما تتقعدش البيت دي لسة صغيرة ..الله يرحمك يا فاطمة ... خلاص يا ماما مي دي حتبقى مسؤليتي انا وانا حعتني بيها وحقعد معاها واشوفها ...

فوزيه: دى امانة عندكم وابوها تعب من لعب دور الاب والام ليها ..

رهف: اوكي يا ماما ولا تشيلي هم ..

وخرجوا من الصالة وطلعوا لفوق ..

ميرنا : هي الساعة كام دلوقتي ...

رهف : الساعة 8.30 بتسألي ليه ..

ميرنا : يوووووه المسلسل اشتغل اوعي كدة دى قرب يخلص ..

وراحت فتحت التليفزيون اللي في الصالة اللي فوق وجابت المحطة اللي فيها المسلسل...

وهي بتتفرج على التليفزيون ... ناديتها امها ...نزلت تشوفها عايزة ايه ..

ميرنا : ايوة يا ماما نعم ..

فوزية: انت كبيرتي يا بنتي والنهاردة في ناس جم لابوكي وطلبوا اديكي ..

تغيرت تعابير وشها .. فاجأها الموضوع اللي قالته امها ...

ميرنا : ارفضوا انا مش عايزة اتجوز دلوقتي ...

فوزية : مش تعرفي مين الاول ..

ميرنا : مش عايزة اعرف .. لمااخلص دراستي الاول ....

فوزية بعصبية : اسمعيني الاول ... خليني اقولك مين الاول ..

ميرن : مين يا ماما ..

فوزيه: ام خالد عايزاكي لابنها

ميرنا : مين ام خالد ..اوعي تقولي قرايب جوز اختي نورة ..

فوزيه: ايوة

ميرنا : لا ما بطقهمش اصلا ..ودمهم تقيل..

فوزيه: اعقلي يا بنتي ..

ميرنا :انا مش عايزة اتجوز انتي مش مصدقة ليه ....وانا عارفة ان خالد متجوز ...

فوزيه: ما هو انتي مش مدية الواحد فرصة يتكلم ..

ميرنا وهي متنرفزة : اديني اسكت اتفضلي يا ماما كملي كلامك ...

فوزيه: يا هبلة مش خالد اللي عايزك .. دى اخوه ياسر ..

ميرنا وهي مستغربة : وهو ليه اخ اسمه ياسر..

فوزيه: ايوة ولد جمال ايه واخلاق ايه والكل بيمدح فيه ...

ميرنا : قوليلي في الاول هي نورة ورا الموضوع دى كله ... انا شايفة نورة شغالة خاطبة الايام دي ..اااااه عشان كدة جابتلي اخواته البنات واحنا في الحفلة عشان اسلم عليهم وانا زي الهبلة مش فاهمة حاجة ...

فوزيه: عيب يابت تتكلمي عن اختك بالطريقة دي ..

ميرنا : وانا مش عايزة اتجوز ومش بالطريقة دي ومش الناس دول بس..

فوزية : انت ليه معارضة انا عايزة افهم ..

ميرنا : لما اخلص تعليمي الاول وبعد كدة اشتغل وبعدين افكر في الجواز ..

فوزيه: ابوكي واخواتك مش معارضين وموافقين عليه ..

ميرنا : بس ان اخواته دول ما بطهومش ..

فوزيه: انتى مش حتتجوزي اخواتك .... ولو جتعلى كدة احنا نشترط عليه انكم تسكنوا لوحدكم ...

ميرنا : وانا مش عايزة اتجوز ....

فوزيه: بقولك ايه انا مش عايزة اسمع ردك دلوقتي ... انت قعدي مع نفسك وفكري كويس .. وتأكدي لا انا ولا ابوكي حنجبرك على حاجة ...ولو رفضتي قوليلي .. اتفقنا ..

فوزيه: ومش عايزة الرد دلوقتي كمان اسبوع وردي عليا ماشي وانا حتصرف ..

ميرنا : حاضر يا ماما ..

وقامت ميرنا من مكانها ....

فوزيه: رايحة فين ..

ميرنا : لاوضتي ..

فوزية : بس فكري كويس ..

ميرنا حركت راسها بالايجاب ... وراحت فوق لاوضتها تفكر في الكلام اللي قالته امها ..

اول ما طلعت ميرنا لاوضيتها ... جت نورة تزور امها ..

نورة : السلام عليكم يا ماما

فوزيه: اهلا ... خير جاية ليه ...

نورة : ههههههه عرفت ان ام خالد كلمتك النهاردة قلت ما فوتش الفرصة واكلم ميرنا في الموضوع ...

فوزية : لا خلاص انا فاتحتها ...

نورة : والله وايه رايها ..

فوزيه: شكلها مش موافقه بس قلت لها تفكر كويس وترد عليا

نوره: يا ماما مش بكيفها ... الراجل مش ناقصه اي حاجة .. دين واخلاق ..

فوزية : دى رايها وهي حرة فيه ..

نورة : لا ياماما مش رايها ...

فوزية : وانتي مالك ... اختك اللي حتتجوز ولازم تكون مقتنعة بيه ..

نوره:ماشي .. دقيقة حروحلها ..

فوزية : ما تجبريش اختك وسيبيها على راحتها ..

نوره: ماشي بس حوريها حاجة ..

فوزيه:ما تضغتيش عليها ..

نورة : ماشي مش حضغط ..

وراحت لميرنا في اوضتها ... شافتها واقفة وفرشتها في ايدها وبترسم لوحة بشكل عشاوئي ودى طباعها لما تكون مضطربة ..

نوره: الله ايه الشخابيط دي ..

ميرنا من غير لف ودوران يا نورة : عايزة ايه .. ما هو انتي الخطابة بتاعت العيلة دلوقتي

نورة : هههههههههه خطابة مرة واحدة ..

نوره :ممكن ميرنا تسيبي اللي في اديك واكلمك شوية ..

ميرنا : ليه وبخصوص ايه ..

جات نورة لعند ميرنا ووقفت عند اللوحة وبتبص لميرنا وعنيها مليانة دموع ..

نوره باستغراب: انتي بتعيطي يا ميرنا ..

ميرنا مسحت باديها الل يماسكة الالوان وطبعت الاالوان على خدها ..

تصيحين منور...

ميرنا : سيبني يا نورة وانا عايزة اقعد لوحدي ..

نورة : لا مش رايحة تعالي بس ..

ومسكت نورة ايدي ميرنا وقعدتها ع ند الكنبة اللي موجودة في الاوضة .. وقعدت جمبها ..

نورة : ممكن اعرف مالك بتعيطي ليه ..

ميرنا : ما فيش حاجة ..

نوره: امال ايه الدموع دي كلها ... كل دى عشان في حد متقدملك ..

ميرنا : لا انت فاهمة وكلكم فاهمين ..

نوره وهي معقده حواجبها : ايه اللي احنا فاهمينه ..

ميرنا : ولا حاجة ..

نورة : ميرنا انا اختك مالك ..

ميرنا : ما فيش حاجة مش عايزة اتجوز دلوقتي ..

نوره: طيب ليه ... وتاني حاجة انتي ما شوفتيش ياسر ولا تعرفيه عشان ترفضيه ..

ميرنا : مش عايزة اشوفه ..

نورة : ليييه يا بنتي ..ادي نفسك فرصه وبعدين قرري ..

ميرنا : بس بقى يا نورة ..

نورة فتحت شنطتها وطلعت منها حاجة وحطته قدام ميرنا ..

ميرنا باستغراب : ايه دى ..

نوره: اقلبيها وشوفي

قلبت ميرنا الورقة اللي ادتهالها نورة .. شافت صورة لراجل حلو قووووي .. ليه سكسوكة خفيفة .. واخر شياكة ..

نورة : لا وكمان احمد جوزي بيقول عليه انه شاعر ..

ميرنا رمت الصورة عند نورة : الشكل مش مهم .. وانا ما بحبش الشعراء ..

نورة : دلوقتي ما بتحبيش الشعراء .. في رسامة ما بتحبش الشعر ..

ميرنا : حتى لو شاعر وشكله حلو برضه مش عايزة اتجوز ....

نورة : ميرنا انت بتحبي حد تاني ..

ميرنا تصدمت : لالالالالا ليه لازمة السؤال دى ..

نورة : طيب ليه رفضة ..

ميرنا رجعت تعيط تاني : مش عايزة اتجوز .. مش عايزة اطلع من بيت اهل انا مبسوطة هنا ..

نوره: هههههههههههه..ا لليه يخرب عقلك بتعيطي عشان كدة وانا اللي كنت فكرة ان في حاجة خضتنيني ..

ميرنا : ودى حاجة بسيطة ..

نورة : ميرنا حبيبتي البنت مننا مكانها في بيت جوزها ..

ميرنا : لا بيت اهلها .. وانا مبسوطة هنا .. بين اخواتي واهلي...

ميرنا : ولو ما كانش ليكي نصيب مع ياسر حيتقدملك حد تاني حترفضيه برضه عشان كدة يبقى انتي عايزة تعنسي..

ميرنا : ما تقوليش عانس قولي عازبة ....

نورة : ههههههه اعقلي يا ميرنا وفكري كويس .. يا بنتي دي سنة الحياة .. وربنا خلق الراجل والست ليه مش عشان يتجوزوا ويكونوا حلال بعض ..

ميرنا : انا عارفة دى كله بس ما اقدرش ابعد عن اهلي ..

نورة : عارفة ليه ؟؟

بصتلها ميرنا بعلامة استفهام .

نورة وهي بتبتسم : على فكرة مش ام خالد اللي طلبتك لابنها ياسر ..

ميرنا : امال مين ..

نورة : هو اللي اختارك بالاسم ..

ميرنا وهي معقدة حواجبها : ليه هو شافني فين ..

نورة : يقول شافك من سنتين في كارفور كنتي معايا مرة وعجبتيه .. ويسمع اخواته بيتكلموا عنك كتيير .. وشعوره من ناحيتك غير شعورهم من ناحيتك ..

ميرنا : لا والله ولسة فاكرني من ساعتها ..

نورة : ايوة والله ... هو اللي كلم احمد ..

ميرنا : يعني هو اللي طلبني بنفسه مش امه ..

نورة : ايوة هههههه دلوقتي ابتسمتي

ميرنا : ايوة انا ابتسمت بس مش معناه اني وافقت ..

نورة : عارفة يا قمر خدي راحتك في التفكير وزي ما قلتلك امك احنا مش حنجبرك على حاجة .. بس ياريت تفكري بعقلك شوية ..

ميرنا : ان شاء الله واللي فيه ا لخير يقدمه ربنا ..

قامت نورة وطبطبت على اختها وباستها وقالتلها والله كبرتي يا ميرنا وبقيتي عروسة ..

ميرنا : هههههههههه

نوره:ايوة كدة عايزة اسمع ضحتك الحلوة .. يالا روحي اغسلي وشك عشان كله الوان ..

ميرنا : هههههههه طيب ..

نورة : خلصي وانزلي تحت انا سهرانة معاكم النهاردة ..

بعد ما خرجت نورةراحت لرهف ونزلوا مع بعض عند امهم في الصالة ..

عمر خد بنته للمكتبة ... عشان تشتري حاجات المدرسة .. كان زحمة قوووي كل الاطفال جايين مع اهليهم عشان يشتروا حاجات المدرسة ... الابتسامة كانت على وش مي .. وخلت كل تعب ابوها تروح لما شافت ابتسامتها ... كفايه عليه فرحة بنته .. واي حاجة عجبها يشترليهالها من غير اي نقاش ..قعدت معي تختار وتشتري اللي هي عيزاه .. وعمر كان واقف جمبها مستنيها تستقر على راي .. مرت جمبه امرأة متحجبة .. وريحته تنشم من بعد ميل... كانت حطة برفان مركز وبتمشي جمبه بكل مياسة ودلع وشوية وحتلزق فيه ..وكل شويه بتبص لعمر .. لدرجة ان عمر اضايق من الموقف وقال بنات اخر زمن ما فيش حياء ابدا .. يعني هي مش شايفاني واقف مع بنتي .. يعني انا متجوز .. فعلا ناس ما بتخفش ربها ...سحب مي مع ا نها لسة ما خلصتش شرى

مي : فين يا بابا ..

عمر : حنرجع تاني بعدين ..و حوريكي حاجة حلوة ..

راح عمر لمكان ثاني .. عشان يبعد عن المرأة اللي ما بتتكسفش دي .. وبعد ما اشترت مي اللي هي عيزاه ..

عمر : مي حبيبتي انا حروح هناك عند الكتب شفتي انا واقف فين ..

وشاورلها على مكان الكتب ..

عمر: انا حكون واقف هناك او لما تخلصي اللي انتي عيزاه تعالي هناك ماشي يا قمر ..

مي : طيب يا بابا ..

وراح عمر لمكان الكتب العربيه ...قعد يتصفح الكتب ... وهي مندمج يقرى الكتاب .. شم ريحه العطر ..وشاف نفس المرأة جاية ناحيته .. طنشها ورجع يشوف الكتاب اللي في اديه .. اتصدم لما حس بايد على كتفع ... لف على طول اندهش من جراءة المراة دي ..

شالت اديها وبصوت كله نعومه : لو سمحت ما تعرفش فين مكان الروايات الرومانسيه...

عمر حس بقرف منها ورد علهيا بكل خشونة : ماعتقدش اني بشتغل في المكتبة عشان تسأليني ..

المراءه : يووه ... طيب اسفيين ما تزعلش كدة

مي : بابا مين دي ..

بص عمر لبنته وشايلة معاها لعبة كبيرة ..راح عمر لبنته وخد منها اللعبة .. وحط ايده على ظهرها ومسك اديها ومشيت جمبه ..

عمر: دي واحدة بتسألني عن حاجة ... اشترتي ايه يا قمر ؟

مي: عروسة عجبتني يا بابا ..

عمر وهو معقد حواجبه ومتضايق: هو انتي جاية تشتري لعب ولا ادوات للمدرسة .

مي : دي عروسة للعروسة اللي في البيت عشان هي في البيت لوحدها من غير اصحاب فجبتلها صحبة ..

عمر بابتسامة اب حنون : ماشي يا قمر ..

وراحوا عشان يحاسبوا ويرجعوا للبيت .. كان عمر مضايق من وقحاة المراة اللي كلمته .. وفي نفس الوقت كان مبسوط لنظرة الكرهة اللي كانت في عين مي لما شافت الست دي ... يعني معنى كدة ان مي مش في بالها ان يكون هناك ست تانية في حياتي ولا في حياتها ..

.. ودى طبعا في صالحة انه يقدر يستخده كسلاح اذا حاولت معاه امه مرة تاني بخصوص موضوع الجواز دى .. وبعد ما خلصوا حساب ركب السيارة هو بنته ورجعوا للبيت ..

ياترى هل حتوافق ميرنا على ياسر ولا حتتمسك بموقفها وترفض ؟
وايه اللي حيكون انطباع مي في اول يوم للمدرسة ؟
وسارة وعبد العزيز لغاية امتى حيفضلوا على الوضع دى ؟
رهف : اذا شافت مى في الجامعة حتتصرف ازاي ؟

إعـــــــلان

لا يمكن اتجوز عبد العزيز(قصه جميله جدااا)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق