خصوصا اذا كانت سيارتك من النوع الصيغر زي الكامري والكورولا وغيرها يا عمري عمرها تحك من تحت وحالك حالة ومن المسؤول محد ....

والسالفة الي صارت كانت عند الحرم وفيه من جميع الطبقات وجميع الثقافات فتوقع مثل هالشيء

لكن بالنسبة لجدة صراحة انا اقول لا تحكمنا بجدة لانها تختلف عنا حتى بطبيعة البشر الموجودة هناك حتى ثقافتهم

عندنا ناس ما تعرف الا هالبعير والغنم وانت جاي فتوقع منهم هالشيء وتوقع انهم يأثرون على غيرهم بالحركات هذي....وجهة نظر لا احد يناظري

والله بالعكس اللي اشوفة بين الناس واحد مسمي امه بالجوال (الغالية) والثاني (امي الحنونه)

الشيء الثاني/ الموقف هذا صار مع الوالدة الله يحفظها وهي بالحرم الموضوع وما فيه كانت تبي تصرف من الصرافة الي حول التوسعة تخبر عند التوسعة وزحمة والناس تبي تصرف المهم الوالدة يوم تجي ما كان قدامها الا يمكن رجالين او ثلاثه هي قالت منب واقفة وراهم ما لها داعي يجي رجال وياقف وراي على قولتها الله يعظم اجرها" خزية " المهم هي وقفة بجنب الصرافة تحتري يجي دورها طبعا ما يحتاج أقولك ان دورها راح عليها وبدون فلسفة زايدة بالعربي ما عندنا احترام للحرمة لا احد يغالطني بهالنقطة وعشان ما اكون ظالم لأحد جبت لكم هالقصة وابي أكملها عشان أثبت ان هالثقافة الي عندنا تبيح لنا إهانة المرأة
المهم الوالدة شافت ان الوضع ما راح يمشي كذا يعني تشوف الرجال عيني عينك يمشون ولا هم معبرينها ولا أحد قال معليش يا خالة ممكن أخذ دورك مستعجل ولا شيء زي كذا لا وشوله يستأذن ما سوى شيْ غلط عشان يعتذر"بوجهة نظره طبعاً" إلى أن جا واحد الله يجزاه الف الف الف خير "مصري" تدرون وش قال يوم جا دوره وهو شايف امي وقافة لها فترة بس محد معبرها قالها تفضلي اصرفي قبلي تصدقون وش الي صار كل الي وراه "وما يحتاج اقولكم جنسياتهم أكيد سادح العقال سعودي ولا خليجي"قاموا وصرخوا عليه وهزأوه وانت على كيفك تاخرنا وتدخل هالحرمة قبلنا ومن هالكلام رد عليهم وقال انا ببلدي متعود غني أحترم الحرمه>>>>أخخخخ بس لو اني كنت موجود كان رحت وحبيت راسه شف الثقافة ولا بلاش..
في موقف ثاني يدور عن نفس القضية عدم احترام المرأة واحد من العيال "الثقة "يسولف علي يقول جالسين في مجلس المهم يسولف واحد علينا وقال بالحرف الواحد"وديت أمي وأنتم بكرامة" اقسم بالله انا فقيت"فتحته "خشتي قلت له متأكد قالي والله هذا الي صار الرجال لو انه مو ثقة كان صفقته بس أعرفه ما هو من النوع الي يكذب علي ما تخيلت إنها تاصل للمسألة هذي لكن بعدها صرت أدقق على بعض علاقاتي مع ناس معينين تصدقون لاحظت عندهم نفس الشيء بس طبعا مو نفس الكلام لك نفس المبدأ
فلسفة مجتمعنا تقول إذا وطيت على الحرمة تصير رجال وإذا ما احترمة الحرمة تصير رجال واذا واذا واذا من هالكلام يعني الحين تحط حيلك بهالضعيفة وين قوتك يوم تشوف الخطأ قدامك وساكت وين قوتك وأنت تشوف حريمنا بفلسطين والعراق تستباح كرامتهم وعذريتهم وتشوف صورهم بالتلفزيون وتغير القناة ما كلفة نفسك تحول من حسابك ولو شوي من هالفلوس الي كانزها على قلبك والا اقل شيء رفعت يدك للسماء ودعيت ربك يخفف عنهم ويكشف كربهم ..وين قوتك يوم تشوف ولدك ما يقوم لصلاة الفجر ليه ما ضربته مو الرسول صلى الله عليه وسلم قال "...مروهم للصلاة لسبع واضربوهم عليها لعشر" مشكلتنا انا ناخذ الي يعجبنا ونترك الي ما يعجبنا يعني المرأة عندنا صفر على الشمال لا لها رأي ولا احترام ولا كلمة والي يسمع كلمة المراة يعتبر مهوب رجال"بوجهة نظر الكثير" طيب الرسول صلى الله عليه وسلم لما امر الصحابة بإن يحلقوا عندما ارادوا الحج ووقفت قريش بوجههم وعقد الصلح ...القصة المشهورة ...ماذا فعل الرسو صلى الله عليه وسلم ومن استشار اسشتار امرأة ...نعم امرأة ولكنها عن الف الف رجل من رجالنا ..استشار أم سلمة وأشرات عليه بأن يحلق وسيقومون الصحابة بفعل الذي يفعل اخذ الرسول صلى الله عليه وسلم بمشورتها لماذا لم يعاب على الرسول صلى الله عليه وسلم هذا الفعل ألستم من اتباع محمد بل بالعكس كتبها التاريخ في صفحاته وأنه هو من اعطى المراة حقها ....
اتوقع ان يكفي سرد امثلة لم يبقى امامنا الان الا ان نحترم المراة وان نعدل من سلوكنا...

يصير سيارتين متقابلتين وبعدين ممر بسيط عشان الي يبي يمر من السيارات اكيد هذا الي تشوفونه المشكلة اليوم وش الي صار أقسم بالله تقل منتب بمواقف لا كانك بمعرض سيارات السيارات

هذي النقطة اختلف معك فيها كلياً
شف اخوي انا لي متواجد على سطح الكرة الأرضيه اكثر من 22 سنه والى الان ما عمري سمعت أحد يتكلم عن امه ويقول (وانتم بكرامة!!!)

والله بالعكس اللي اشوفة بين الناس واحد مسمي امه بالجوال (الغالية) والثاني (امي الحنونه)