إعـــــــلان

**سكر زيادة** · 12-09-2011, 02:57 AM

هلا اخوي ... انا ماعرفت انت باي مدينه
اظن وضعك راح يكون زي وضعي انا خريجة بيوكيميستري انا برضو لسه متخرجة وسالت
مادري اذا عندكم في الكليه امتياز ؟؟؟ إذا ماكان في... راح يطلبو منك شهادة تدريب لمدة سنه .... وهذا التدريب راح يكون على حسابك الخاص الا لو لقيت واسطة في اي مستشفى
وكمان في شهادة ال سي بي ار ... دي سهلة مقدور عليها
وفي الأخر راح يكون تصنيفك فني
بس بعد ماتجيب الخبرة تتعدل وتصير اخصائي ,,, اظن بعد سنه من التصنيف

**faris63** · 12-09-2011, 04:01 AM

انا الحين بالرياض ودراستي كانت 4 سنين

طيب ماعندي مشكله تدرب علي حسابي بس كيف اسوي

**bosha11** · 12-09-2011, 02:49 PM

وعليكم السلام

روح لمكتب التدريب والابتعاث بمنطقة الرياض ( اسال اخوياك عن مكان المكتب )

وبعد كذا راح تحصل مكتب خاص للمتدربين راح تنسق معهم وتدفع مبلغ 12 الف ريال بواقع 1000 للشهر

وراح يعملوا لك خطة تدريب لمده سنه وبعد كذا تاخذ شهادة الامتياز وتاخذ دورة الانعاش القلبي الرئوي 350 ريال

وبعد كذا تروح لاحد مكاتب الهيئه السعوديه وتقدم وتحدد الاختبار والاختبار راح يكون مثل اختبار الفني شامل لجميع اقسام المختبر

موفق

**faris63** · 12-09-2011, 03:22 PM

يعطيك العافية يا لغلا

والموقع المكتب قالولي خلف مبني الناصريه للمرور

ويعطيك العافيه بس سوال يا الطيب دوره الانعاش القلبي الرئوي ايش دخلها بالتخصص بالضبط

وهل باب التديب مفتوح الان ولا له اوقات معينه

ومعليش ثقلت عليكم

والف شكرا علي المعلومات

**bosha11** · 12-09-2011, 03:26 PM

حياك اخوي

بالنسبه لدورة الانعاش القلبي من ضمن المستندات المطلوبه عشان اختبار الهيئه

اما مساله التدريب ما اعتقد فيه توقيت معين انا رحت مع واحد كان يبي يتدرب وما كان فيه شروط معينه للوقت

**faris63** · 12-09-2011, 03:35 PM

الله يعطيك العافية يا لغلا وماقصرت وتعبتك وياي

بس استفسار بسيط هل المعدل لانه معدلي مقبول

فيه شروط ولا ماتدري واخر سوال التدريب لازم الصباح ولا اي وقت والمستشفي انا اختارها ولا هم يختارونها لي

واسف كثير علي اسئلتي الكثير مالقيت الا انت تجاوبني وعندك خلفيه

**bosha11** · 12-09-2011, 03:40 PM

والله ياخوي مساله المعدل ما عندي خلفيه عنها

اما التدريب اكيد راح يكون دوام رسمي لان الدوام الرسمي فيه ممارسه اكثر للعمل وممكن بعد ما تضبط وضعك مع المسؤول في التدريب بالمستشفى

لانه غالبا في التدريب ما بيكون تعامل رسميات انت متدرب وبعد فتره راح تشوف الي حولك يعاملك مثل زميل عمل

**faris63** · 12-09-2011, 03:43 PM

يعطيك العافيه علي الاجوبه

بس ماقلتي يا لغلا المستشفي اختياري وااروح ادور اي مستشفي يقبلني ولا هم يفرضون علي مستشفي معينه

**bosha11** · 12-09-2011, 03:52 PM

التدريب يكون موزع على اكثر من مستشفى غالبا من 3-4 مستشفيات تقسم فترة التدريب عليها

**faris63** · 12-09-2011, 03:55 PM

اها مشكور وماقصرت يا لغلا

واسف لو تعبتك معايا

بس استفدت من معلوماتك وراح ابلغك ايش يصير معاي

ومووفق يا طيب

**bosha11** · 12-09-2011, 03:56 PM

موفق والله يسهل امورك

**خريجة احياء دقيقة** · 13-09-2011, 03:04 AM

يا ليت تكتب لنا وش صار معاك

لاني نفس معاناتك

وما ادري هل اروح لهيئة التخصصات الصحية اللي في حي السفارات ولا مكتب التدريب اللي تقولون عليه

اكتب لنا اذا رحت وش صار معاك بالتفصيل عشان نستفيد لان صعب علي اني اروح واجي

ولا افتحو السواقه لنا عشان نخلص اشغالنا < شطحت

**faris63** · 13-09-2011, 04:25 AM

اوك ولايهمك يا خريجة راح اكتب ايش يصير معاي

وراح ابلغك بس خلي الوثيقه توصل خلال يومين هذي

اليوم سئلت شباب عن المستشفيات قالولي في التدريب فوري في مستشفي الحرس الوطني بس لازم تنجح في اختبار انجليزي وتقديم اما عن طريق النت او تقديم فوري

هههههههههههه حلوة افتحو السواقة ا

الله يعينك ويوفقك ويوفق الجميع

**nony9** · 13-09-2011, 09:14 AM

الله يوفقك يارب وانا بعد نفس معاناتك
وتوي متخرجه وضااااايعه ومدري وش اسوي

ننتظرك

إعـــــــلان

متخرج احياء دقيقه طآآزهـ مساعدتكم تكفون

متخرج احياء دقيقه طآآزهـ مساعدتكم تكفون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق