السلام عليكم

شفت اكثر اخواننا الله يهديهم عندهم وسواس قوي جدا

الي اكد لي هذا ان فيه ناس وصلت سنه كامله تحلل وماتقتنع بالنتيجه

واذا سالته ليه قال لك اعراض ..!!

والاعراض هذي تلقاها موجوده فيه وتجيه دايم قبل مايشك بالاصابه ويطنشها ولا يحس بها

لانه مايدقق فيها وماتهمه لكن بعد الشك يدقق على النفره الواحد ...!!

بالعربي .. الي سوا فحص الاجسام المضاده بعد 90 يوم من اخر علاقه فهو سليم 100%

انا بابدا بموضوعي من اول نقطه وهيـ :

التحاليل ومدته

نبد بـ الـ pcr : هذا التحليل يعطي نتيجه قطعيه 100% بعد شهر من الشك بالاصابه لكن مانصح فيه لان سعره غالي جدا يصل الـ 1500 ريال سعودي

p24 : من افضل التحاليل حاليا يبحث عن الانتيجن والاجسام المضاده وهو قطعي بنسبه كبيره جدا بعد 28 يوم من الشك بالاصابه .. وسعره يصل الـ 250 ريال سعودي

اليزا: تحليل قديم وهو الي يمشي فيه العالم وهو قطعي 100% بعد 3 شهور اي 90 يوم فقط
ويصل سعر الـ 150 ريال

نبدا بالمرحله الثانيه وكلام الخبراء عن فترة تحليل الايدز وهيـ :

1- منظمه الصحه العالميه (ثلاثه اشهر - وللنسب القليله سته اشهر)
2- وزارات الصحه المصريه (6 اسابيع - 12 اسبوع)
3- مركز المشوره بمصر (6 اسابيع - 12 اسبوع )
4- مركز المشوره بالسعوديه (6 اسابيع - 12 اسبوع )
5- مركز المشوره الاردن ( يعتمدون ثلاثه اشهر ويلزمون با اعاده التحليل النهائي بعد سته اشهر )
6-وزاره الصحه الامريكيه ( 90 يوم )مركز مراقبة الامراض الامريكي CDC تحديد ثلاثة اشهر كحد اعلى ...

وزاره الصحه البحرينيه ( 90 يوم )

وزاره الصحه السوريه (90 يوم )

واطباء مناعه يوكدون 90 يوم نهائي

بالنسبه الى الـ 6 شهور هذا الي عنده زراعة اعضاء او سرطان

وثاني شي منظمة الصحه العالميه لمذا قلت 6 شهور

لان فيه ناس تسوي الجنس اكثر من مره وممكن انه يغلط في المده قالو 6 شهور عشان مايكون فيه مجال ولا 1% للشك ولكن 3 شهور قطعيه 100%

بالنسبه لي شخصيا جالس مع 6 دكاتره مختصين بمرض الايدز وقالو كلهم من 6 الى 12 اسبوع قطعي 100%

المشكله هنا انك ماتصدق كل هذي المصادر ويجي واحد جاهل بالانتر نت ويكتب لك قطعي بعد سنه كيف تصدق هذا الجاهل وانت ماتصدق المصادر العالميه
نزلت لك موضوع كامل متكامل وقصدي من هذا الموضوع اي موسوس يبي يستشير يكتب بالموضوع هذا