السلام عليكم ....
باتكلم لكم شوي عن المقابله الي صارت معاي اليوم (الاربعاء 9-6-1427) في مستشفى الملك فهد الجامعي (التعليمي) الموجود في الخبر حيث ان احد الشباب دق علي امس وقالي عن في تقديم لوظائف فنين مختبرات((وينك يالمرتبه الاخصائيه عنا)) على اي حال الحمد لله ونشكره على النعمه ذي .....
المهم اخذت الاغراض والمستندات (وملف اخضر) :sm188:
وهي عباره عن :-
1)السجل الاكاديمي Transcript
2)تعريفه من المسوول عن الامتياز على اني دخلت الامتياز في هذه الفتره وانهيها في هذه الفتره...لان انا بعدني ماخلص من الامتياز....
3)صوره من شهاده حضور مؤتمر>>>> نعم يابو الموتمرات :sm174:
4) توصيه Recommendation من عند بروفسور عندنا في الجامعه .... :sm197:
بعض الشهادات مايحتاج نقول ويش هي....لان مانظروا ليها :sm175:

طبعا الاولاد كانوا 4 مقابل 12 بنت تقريبا او اكثر>>>> يعني بنسبه 3:1 يعني معذورين اذا تزوجنا 4 :sm174:

دخلت انا اول واحد للمقابله ....الي تقابلني دكتوره وعلى ماظن بروفسوره في الهيماتولوجي ومعاها رئيست الفنين حق المختبر... المهم
دخلت سلمت قالوا لي استريح جلست انا ....
سالوني اسمك رديت فلان ود فلان
اي جامعه ؟؟
جامعه الملك فيصل
-اوووو من عندنا
اي نعم
-طيب انت الحين امتياز؟؟
اي نعم
-كم باقي لك
تقريبا 5 شهور بانتهي في بدايه السنه 2007
-طيب ويش الاقسام الي مريت بها؟؟
اخذت الهيماتولوجي والهيستو باثولجي هنا (التعليمي) والحين باخلص الكمستري في العسكري
-طيب كيف شفت الاقسام الي مريت فيها
والله الحمد لله حلوه
-وين احسن لاب عندك تحس روحك فيه interested
والله الهيماتولوجي حلو>>> شوف النفاق لان هي متخصصه هيماتولجي :sm174: لالا بصراحه انا احبه
-طيب ليه ويش الحلو عندك فيه
والله في اشياء حلووه مثلا differential
-طيب اشتغلت على electrophersis او بس قعدت تطالع؟؟
اي والله اشتغلت بس مره خلوني فيها اشتغل
-طيب شفت حالات غير netruphilia والي تكرر عالطول ....مثلا لوكيميا
اي شفت لوكيميا
-طيب قولينا ويش انوع الوكيميا
سكت شوي ورديت lympatic and non-lymphatic
-ويش انواع الكورنيك لايمفاتيك لوكيميا
انا وقفت احاول اتذكر مافي شي ورديت بصراحه ماتذكر نسيت :sm174:
-كم GPA حقك ؟؟
احم احم 5.5 >>>>واحد خراط........... عطيتها وياها وسجلته
-اوكي نخليك مع فلانه ((استلمتني الثانيه))رئيست الفنيين
-انت الحين فوين ؟؟
بغيت ارد عليها انا في المستشفى الحين بس قلت خلك محترم :sm174:
ردبت انا في الكمستري الحين
-طيب ويش الاجهزه الي اشتغلت عليها او الموجوده هناك
اممم dimention and axysm for special chem
-طيب ويش تشوف في الجينرال كمستري
والله مافيه شي تجينا العينه مفصوله من sepration area ونمشيها في الجهاز
-يعني مو حلوو؟؟
والله السبيشل كيم احلى عندي
-انت داومت في الهيستوباثولجي ؟؟
ايوه
-كيف الوضع ؟؟ تعرف تقطع وكيدا؟؟
بصراحه من اول يوم كنت ستيودنت مولهناك بس جيت هنا بصراحه اشوف التقطيع سهل
-طيب انت تعرف القوانين واوقات الدوام وكيدا هنا؟؟
اي نعم
-تدري ان في الخميس دوام صح ؟؟
اي نعم
-طيب عندك شي تبغى تسال عنه؟؟
بغيت اقوليها الحين جاء دوري في المقابله ها :sm174:
قلت ليها بس كيف الشفتات يعني وضحي لي اكثر؟؟
-هو جدول نسويه.. كل واحد ياخذ حقه في الاب وفي بعض الناس مثلا يحبوا افترنون ويكونوا عالطول افترنون
وهكذا..
طيب مايكونوا مثلا البنات صباح والاولاد مثلا اقترنون او نايت ؟؟
-لالا نفس الشي....في شي عندك بعد تبغى تسال عنه ؟؟
لاوالله مافي شي
-خلاص جيب ملفك نشيك على الاوراق اذا فيه شي ناقص...عندك صوره دفتر العائله؟؟
ضحكت انا ....
-صوره البطاقه اقصد ...
اي موجوده
-طيب خلي السكرتيره تسوي لك طلب خطاب توظيف لمديره المختبر وسجل عليه ارقام تلفوناتك وبالتوفيق

طلعت عنهم وعملت لي السكرتيره خطاب طلب التوطيف... ويوم خلصت اطلع تحت اخر شي مكتوب
((طالبه الامتياز\ فلان ولد فلان))
قلت ليها اووووووو تغلطين علينا كذا :sm174:
قالت اسفه وعملته مره ثانيه مع التصحيح ...
---------------------------------

هذه هي المقابله كلها.... وان شاء الله مانسيت شي...
انا كتبتها لكم لان اكثركم بيمر في نفس المقابله حتى ولو مو للوظيفه بس علشان الواحد يتاقلم على الوضع ....مع انا اول مره اسوي مقابله ...بس عادي حسيت روحي لان الي قابلوني اعرفهم من قبل وصار معاي كونتاكت وياهم ويمكن علشان كيدا ماخفت ولاشي...
وان شاء الله بالتوفيق ياخواني ونشوفكم كلكم متوظفين ومحتلين المستشفيات بدل ابو فلبن(الفلبينين) والاجانب :sm188:
واذا اي احد عنده سوال استفسار يقول لايستحي....
سلاااااااام:sm188: