لا أنصحك بالدراسة هناك ... ابحث عن دولة أخرى ...

طـيب ايش السـبب اخـي كـوماندوز ؟؟
ممـكن تـقولي سبب مقـنع يخليـنا نبـعد عنـها ؟

أول شي أنت من فين؟

ما عندي خلفية عن جامعات الهند
لكن اسأل وزارة التعليم العالي
عطهم اسم الجامعه وهم بيفيدوك اذا كانت معترف بها أو لا

عموما البكالوريس برا ممكن يكون أقل سنوات من عندنا
لكن بتكون متخصص في قسم معين
يعني 3 سنوات مثلا لكنك تتخرج أخصائي في مختبر الدم فقط
ولا تقدر تغير لمختبر ثاني

لكن عندنا 5 سنوات وبعدها تختار المختبر اللي تبيه

أولا ... لو رايح الهند علشان الرخص فما تضمن أنك تحصل الرخص اللي تبحث عنه
ثانيا ... الجامعات المعترف بها في السعودية أغلبها حكومية والجامعات الحكومية الهندية مبانيها قديمة ورديئة وكذلك مستشفياتها
ثالثا ... في الجامعات رايح تتورط بالنسبة للروائح، وكذلك لو حبيت مثلا تدخل دورة المياه
رابعاً .... ما أدري عن أسعار المختبرات لكن الطب في الهند أقل شي 50 ألف ريال في السنة كرسوم دراسية
خامساً ... ايجاد سكن مناسب في مكان مناسب أمر صعب والايجار مشكلة اخرى
سادسا ... النظافة في البلد معدومة
سابعا ... لا تفكر تروح الأماكن الراهية وتسكن فيها لأن أسعارها نار
ثامنا ... البيروقراطية في الدوائر الحكومية وغيرها، والمراكز الحكومية اللي هتتعامل معها أغلبها غير متطورة وتأخير للمعاملات بشكل لا تتخيله
تاسعا ... بالنسبة لتمشية معاملاتك وغيرها لازم تدفع رشاوي وإلا تتعطل
عاشرا ... إذا كنت سعودي أو خليجي فتوقع أنهم عنصرية لا تتخيلها، وفيهم ناس كثير ممكن يحاولوا يردوا على الاشياء السلبية اللي واجههوها هنا من بعض الناس أو الكفلاء
الحادي عشر ... في مرحلة الماجستير والدكتوراه وخصوصا في التخصصات الطبية والهندسية والتكنولوجية الهنود يفضلوا يكملوا خارج الهند حتى يستفيدوا من الدول المتقدمة
الثاني عشر ... التأقلم في البلد صعب ، وسعوديين كثير بعد بضعة أشهر أو بداية الدراسة يطلبوا الانتقال لدولة أخرى أو تغيير دولة الابتعاث

اهــآآآآم و انا اقـول ليش سنـواتهـآ قلـيلة


اخـوي انـآ مو هـآمني نـظآفـتـهآ ولا أي مشـآكـل رح احـصل عليهـآ لو رحت لهنـآكـ , بس كنت ابي اشـوف كيف شهـآدتهـآ بالمختبـرات , انا اليـوم رحت لدكتور هندي متخرج من بـآنجلور و سألته انه الشهـآدة هنـآكـ زينة ولا لا قـام هزز لي راسه وسألته كمان عن الهنود المتخرجين من هناكـ مختبرات و يجون السعودية بيلاقون وظيفة ؟ , قالي انت لو اتخرجت من هنـآك لازم تدخل اختبـار مدري ايش علشـآن تـآخذ رواتب زينة , وبعدين قـام ناد دكتور سوداني وقعد يقرقر معـآه انجلش هناكـ وبعدين ذاكـ السوداني قالي ما انصحكـ بالمختبرات من هنـآك قـالي حول الي هندسة ازينلكـ ... ايش ذا [-( ولله مضيع هنـآ مو عـآرف وش ادخـل ولا ويين اروح ادرس

اختر دولة تقدر تتحملها وتعيش فيها وما تندم انك اخترتها وتذكر انت مو رايح سياحة
بالنسبة لاستشارتك لواحد هندي ، فنصيحة لا تعتمد على نصيحة اي واحد يتكلم عن بلده، شنو تريده يقول؟ غير كذا قدرتك على تحمل العيشة هناك تختلف عنه.
بالنسبة لتوظيف الهنود هنا فطبيعي لأن عندهم خيارات اكثر، وعملتهم ضعيفة فما عندهم مشكلة يشتغلوا في المستوصفات والمستشفيات الأهلية، لكن انت لا.
لا تذهب لمكان ثم تندم عليه لأنك لم تتحمل واقع البلد. لا تغامر. وزي ما يقولوا ما في هالبلد إلا هالولد . الدول كثيرة وعلى قد ميزانيتك هتلاقي اكثر من دولة واكثر من خيار فلا تضيق على نفسك بخيار وحيد وهو الهند.
قيمها ايضا من باب الفائدة اللي ستتحصل عليها انت وليس مجرد ان الجامعة لها اسم جيد فهذا لا يكفي لك. سعوديين كثر راحو الهند وبعضهم اسبوعين وسحبوا عليها واغلبهم ما يقدر يكمل سنة.

لو اتخرجت انت وواحد هندي من جامعة ما وهي غير معترف بها في السعودية الهندي يقدر يشتغل في السعودية بدون مشاكل اما انت فلا .
الفلبينيين ما لين المستشفيات ، تخيل لو دخلت موقع الوزارة ما في ولا جامعة فلبينية موصى الدراسة بها .

فكر جيدا ...
كم ميزانيتك وقدرتك والتخصص اللي تريده؟ وهل شرط تدرس بالانجليزي؟ ممكن نفيدك بدول ثانية تناسب وضعك ..

الهند بلد ممتاز للدراسة وانا من متخرجي ماجستير كيمياء حيوية والدراسة فعلا صعبة ولكنها ممتعه ... واوافقكم الرأي بأن دول الخليج ما ينفعوووووون يدرسووون في الهند لانهم رح ينتقموون منهم وانا شفت بنفسي