وعليكم السلام...

*التحاليل اللي تعمل في المراكز الصغيره تختلف من مركز لثاني .. ممكن تلاقي تحليل موجود عند مركز صغير ومو موجود عند مستشفى! لكن اكيد اي مركز صغير فيه لاب لازم يوفر التحاليل الاساسيه اللي مافيه غنى عنها مثل:

Haematology: CBC, differential, ESR, sickling/solubility test, and coagulation profile
Biochemistry: LFT, RFT, electrolytes, and some enzymes and hormones
Microbiology: Culture and sensitivity
Histology/Cytology: Not usually found at small clinics/centers

*لازم يكون عارف شغله اللي يسويه كل يوم!

*النصائح انو يكون فاهم شغله و يعطي صورة حلوه للفنيين والاخصائيين عند الناس.

مراكز الرعاية الاوليه تنقسم لقسمين ..اشرافي وغير اشرافي...

تحاليل الغير اشرافي هي : CBC automated and manual, ABO, ESR, Bleeding time, clotting time, CUA, Stool analysis, occult blood, pregnancy test,

الاشرافي يزيد عن الغير اشرافي ب: chemistry basic panel(liver, kidney, glucose, Hba1c, bone panel,Uric acid,CK and CK mb, electorlyte, amylase)
serology ASO, CRP, Brucella, Widal

بعض المراكز بتسوي فحص الدرن وهي غير مؤهله وهذا غلط لانه زي ما احنا عارفين مختبرات او اماكن فحص الدرن تجهيزها وعزلها وتجهيزات الحمايه اكبر ..فكيف اذا كانت في مركز صحي ووسط زحام ...اللي بيشتغل في مركز في فحص درن لازم يشوف هل هو مطابق للمواصفات عشان يحمي نفسه ويحمي الناس والا يرفض يسوي التحليل وتتحول الحاله للمستشفى ويكتب خطاب يوضح الاسباب...

طبعا الغير اشرافي بيسحب عينات الكيمياء والسيرولوجي ويرسلها للاشرافي..واذا في حالات اشتباه كبد وبائي..حصبة المانيه ... تحاليل التورش للحوامل ايضا ..و اي استقصاء وبائي مثل مابيسوو الان فحص الحلاقين ...بيتم الفصل في المختبر وترسل العينات للمستشفى...

اللي بيشتغل في مركز صحي لازم:

1 ياخذ كورس في مستشفى او اي مختبر بيكون فيه عينات البول والبراز كثيره اكرمكم الله....اقل شي شهر ..كل عينه يشتغلها بنفسه ويطابقها بنتائج الفني الاخر... و خلال فتره التدريب يكون حفظ شكل الطفيليات مثل الجارديا والهستوليتكا والكولاي...السبب لانه لو راح مركز صحي حيكون لوحده غالبا وحيتورط اذا ماكان عنده خلفيه علميه زائد عمليه ...زائد مراجع او اطلس يستند على خطوات عمله عليها ..باقي التحاليل سهله يكفي اسبوعين تتعلمها... اما تشغيل اي جهاز كيمياء بتطلب تدريب ويرسلوك على اي مكان فيه جهاز شبيه يعلموك عليه....

2 المراكز الصحية مافيها سياسه عمل...سمعت انه الان يجري العمل على اصدار سياسه عمل ...يعني كل واحد بيشتغل على كيفه او على حسب ما اتدرب او على حسب مرجعه ..والى حين ما تصدر سياسه العمل الموحد ...ماتدخل المركز الصحي الا وعندك مراجع كامله للتحاليل اللي فوق ..خطوات عملها وظروفها وعيناتها وانابيبها ...مرجعيه توثق عملك لانه حتواجه شرائح مختلفه من الاطباء والتمريض اللي كل واحد يتفلسف عليك ويقلك هذا التحليل مو شرط صايم هذا التحليل مو شرط في انبوب احمر او اخضر ...لازم تكون عندك الحجه الموثقه لكلامك ...قد يحتاج الامر الى بعض الوقت وقد تجد معارضه ومقاومه تغيير في المكان .. الجداول البسيطه اللي توضح كل تحليل وعينته وانبوبه وكميته و الارشادات وهذي الامور التعليميه اذا وزعت بعد ختم مدير المركز عليها تريح كثير...

3 الترتيب في المختبر لو كان صغير مهم مهم مهم .. التخلص من الاثاث الزائد ترتيب الاجهزه وترقيم الدواليب وكتابه المصقات بالمحتويات ..ونظافه الثلاجه وترك حيز للعمل وحيز للملفات والتسجيل مريحه للاعصاب .....مساله انه الشخص يشتغل لوحده ..يعني يلعب دور الفني والاخصائي والطبيب ..المسأله تحتاج نوع من الرقابه العاليه للنفس عشان ماتتراخي وتتسهال في العمل..ولازم تعتبر كل عينه توصلك هيا لاخوك او ابوك او لامك راح يختلف الوضع وتتعامل معاها بكل امانه وحرص ...... ولو اتعودت من البدايه ماتلبس قفاز ولا يكون عملك نظيف ومرتب وتختصر في خطوات العمل ...راح يكون اسلوبك كذا على طول ... وهذا النقطه الكل يعرفها ..

4 سحب الدم في المراكز ...الحريم عند تمريض الحريم ..والرجال عند تمريض الرجال ...نصيحه لا ترضى تسحب من احد في المختبر والا حتصير فوضى ....

5 المختبر تكون عليه فترات ضغط تحاليل ماقبل المدارس وتحاليل ماقبل الجامعه ... افضل ان تنسق مع الجهه المسؤله الاشرافيه وبالتنسيق مع مستشفى تدريبي ..انه خلال فتره التسجيل ... يرسلو طلاب التدريب ..يقضو شهرين منها يتعلمو جزئية تحاليل البول والبراز صح ..لانه العينات تكون كثيره وتعليميه ...ومنها يساعدوك ...الطريقه هذي مجربه وكانت ناجحه و تعليميه اكيد بتجهزهلم برنامج تعليمي مناسب

6 لازم تكون عندك نماذج احصائيات يوميه وشهريه وياحبذا على الاكس ال ...اخر كل شهر عربي واجنبي هناك احصائيه بالاضافه الى احصائية الطفيليات,.. فاذا ماكنت بتسجل عدد التحاليل اليوميه على الاكس ال ... راح تضطر تجمع وتطرح وتصنف سعودي وغير سعودي ...امر مرهق...

7 العمل بالمركز الصحي مايقل شأنا عن المسشفى وكثير من الناس يحقروه ... يكفي انك بتسد ثغره تعتبر اوليه في المجتمع اللي لو ماعولجت صح من البدايه عن طريق التشخيص الصحيح والتحليل الصحيح ... حيؤدي لتأخير العلاج من خلال التحويل المستمر والغير منظم والغير ضروري للمستشفيات ..وضياع المريض بين المواعيد ...يكفي انك ماسك تحاليل اكبر شريحه في المجتمع اللي هما السكر والضغط و المتابعة الشهريه للحوامل

بالتوفيق

اخي العزيز هذا ليس شغل فني مركز صحي فاذا كان يقوم بعمل كل التحاليل التي ذكرتها فانا أنصحه بان يذهب الى مركز المدينه لان التحاليل فيها اقل مماذكرت لانه سوف يعمل في شعبه واحده فقط كأن تكون الهيماتولوجي
وتقبل خالص احترامي

احسنتي واصبتي واسأل الله ان يجعل ماتقدمينه في موازين حسناتك ..

ماقصرو معاك

يـــا سلام

مشكورررررررررررررررررر حبيبي

انا لسه متدربتش خالص وحاصله على طب بيطرىودبلومهclinical labratory diagnosis عايزه اعرف ابتدى ازاى عشان اكون اخصائيه تحاليل محترفه وياترى ممكن حد يقيدنى عايزه اشتغل فى السعوديه لانى هقيم هناك كمان كام شهر

المراكز الصحيه اكتر التحاليل الي بيعملوها هي بقسم parasaite الطفيليات لازم يكون عندك معرفه بتحاليلها وغالبا تكون سهله ...

بالتوفيق ..