إعـــــــلان

**المتوهقه** · 14-10-2008, 11:50 PM

انتظركم :sm202:فياليت تساعدوني كذلك اتمنى اللي عنده اسئلة النظريه لاختبارات فنية مختبر العلميه
تفيدنا الله يجزاها خير

**M.L.T** · 15-10-2008, 12:27 AM

الأكاديميه الدوليه بالرياض سألتي عنها ؟

انا طالب فيها ومرره ممتعه هالاكاديميه ..

عموما اختي شووفي هالرابط

اكيد بيفيد

http://www.scfhs.info/inus/nmah_show_all.php?start=80

والله يوفقك يــارب .. ولاتنسين تبشرينا وش يصير معاك
تحيتي لك

**المتوهقه** · 15-10-2008, 01:37 AM

مشكور ياأخي وماقصرت بس انا ابي ادرس مختبرات علمية المدرسيه او بالجامعة اتوظف فيها مو المستشفى عندنا عيب وشق جيب

**M.L.T** · 15-10-2008, 02:07 AM

آهـــا ..

والله مدري بس شكله مالك الا تخصص أحياء بالجامعات والكليات

بس عاد اذا سمحتي واذا ماهو تدخل بخصوصياتك

وش معنى عاد تشتغلين بالمختبر ؟

الله يوفقك

**المتوهقه** · 15-10-2008, 05:15 PM

انا بكالوريوس تخصص كيمياء وتربوية عاد جالسه بالبيت والمعلمة اكتفوا ودي اصير فنية مختبر وادرس ورغبتي بذلك ياليت تساعدني لو عندك اي خلفيه.....تحياتي

**عشق البدر** · 15-10-2008, 08:00 PM

هلا اختي تخصص كيمياء حيويه يعني انتي اخصائيه مو فنيه

**بكالوريوس أحياء دقيقة** · 15-10-2008, 09:59 PM

الله يوفقك ويفتحها بوجهك ... تخصص الكيمياء جدا ممتاز لكن بدون الواسطه مااظن راح تمشي امورك مع احترامي لك

انصحك بالمستشفيات لانو وزاااااااارة الصحة يقدرون البنات بشكل مو طبيعي ...صدقيني انتي جربي قدمي على الديوان مو خسرانه شي... او مدامك تربوية مالك الا المدارس الخاصة لانه انتي تربويه لين مايفتحون التقديم بالتعليم بيكون عندك نقاط يحسبونها لك الخدمه المدنية

**M.L.T** · 15-10-2008, 10:07 PM

بالتعليم بيكون عندك نقاط يحسبونها لك الخدمه المدنية

مساء الخير ..

صح خصوصا انه اول ثلاث سنوات تحسب لها من جلوسها بالبيت .. ( يعني تشتغل احسن )

وبعدين اختي انتي جربي مهاراات ثانيه وتعلمي اشياء تزيد فرصك وتخليك تتسلين بوقتك

مثل الكمبيوتر .. << مو بس دبلوم اقصد بكل برامجه وعلومه خصوصا انه صاير مصدر رزق هاليومين

والله يوفقك واي مساعده اقدر عليها ان شاء الله مااقصر معاك ..

تحيتي

**b2010** · 16-10-2008, 12:26 AM

مثل ما قال M.L.T عندك الحاسب وزياده عليها اخذي لغة

**المتوهقه** · 16-10-2008, 05:04 AM

هع هع مدرسه اهليه درست بمدرسه اهليه كرفووووووووووووووووني كرف اروح للبيت كأني معاقه من التعب 24حصه وماسكه المختبر ومربيه فصل ومناوبات ظهر وصباااح ودورات لين الساعة4العصر ونشاااااط لالالا جتني عقده كل ماامشي في شارع واقرأ كلمة اهليه تجيني حاااااااله الله لايواريكم >>>>>شكلي بأخلي اهلي يعالجوني

**b2010** · 17-10-2008, 12:06 AM

هههههههه الله يعينك مافيه الا فيتامين وااااو

يعني الواسطة

**المتوهقه** · 18-10-2008, 12:27 AM

اتمنى اللي عنده اي خلفيه يساعدني لأني عندي دورات بالحاسب بس ابي مختبر علمي للحاجه اليه

**أمير الكلمة** · 18-10-2008, 03:34 PM

^
^
^
ابحثي عن المنتديات الخاصة بالجامعات أو الخاصة بالمعلمين اكيد راح يكون عندهم خبرة بمثل هذي المواضيع

**بكالوريوس أحياء دقيقة** · 18-10-2008, 04:15 PM

الله يعينك .... تابعي باستمرار وظايف جامعة الملك سعود وبرضو كليات العلمية ...

إعـــــــلان

اريد معهد لدراسة المختبرات العلميه المدرسية بالرياض فمن لديه المعلومة يتفضل بالاحابة؟

اريد معهد لدراسة المختبرات العلميه المدرسية بالرياض فمن لديه المعلومة يتفضل بالاحابة؟

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق