المشاركة الأصلية بواسطة mrmr54
مشاهدة المشاركة
الاخت الكريمه
ذكرتي ان نسبه الهيموجلوبين عندك كانت 11.1 ودي نسبه تقل قليلا عن الطبيعي يعني الاعراض اللي ذكرتيها قد لا يكون لها علاقه بالانيميا لانها بدرجه بسيطه اقصد الانيميا
لفت نظرك ان ال lymphocytes مرتفعه وده مش صحيح اللي موجود هو ان Neutrophil منخفضه وبالتالي تكون نسبه الLymphocytes مرتفعه كنسبه لكن العدد طبيعي وغير مطلوب اننا ندور له علي سبب لانه طبيعي لكن اللي ندور له علي سبب هو انخفاض الNeutrphilلكن قبل ان اقر ان هناك انخفاض يجب التاكد منه باعاده التحليل بعد اسبوعين او شهر مش لان النتيجه غلط لكن لان بعض الامور الطارئه ممكن تكون نتيجتها كده وتختفي بعد زوال السبب الطارئ سواء برد مثل ما قالت الاخت طبيبه المختبر او غيره
يبقي الارهاق الدائم اللي بتعاني منهو - انتي ما وضحتيش بالضبط تقصدي ايه وفي نفس الوقت ايه هي عاداتك الغذائيه وغالبا الانيميا اللي بالنوع اللي ذكرتيه بيكون سببها تغذيه غير سليمه لكن كان مهم برده تقولي الصفائح الدمويه كام
عموما هالخص الكلام اللي فات ببساطه ان لو كان مر اكتر من اسبوعين علي عمل التحليل السابق يا ريت تعيديه في نفس المعمل وتخبريني بالنتيجه الجديده لكن اقولك ان ممكن الارقام اللي ذكرتيها تكون طبيعيه بالنسبه ليكي لكن لما احنا بنكتب تقرير بنعلق علي الارقام ونقارنها بالطبيعي اللي معروف عالميا ونقول ان كانت ناقصه او زايده لذلك كل حاله احنا بننظر لها منفرده وده المهم
منتظر منك رساله تانيه وشكرا
تعليق