السلام عليكم ولاحمة الله وبركاته
افيدوني يا شباب الله لا يهينكم لانه ضااااااااقت بي الوسيعة
انا متخرج من قسم الكيمياء الحيوية والحمد لله معدلي بالحيل رفعته من 2,5 الى 4 والحمد لله درجاتي طيبة في مواد التخصص تدربت في المختبر الجنائي واشتغلت في احد المستشفيات والحمد لله عندي خلفية طيبة عن بعض التقنيات المستخدمة في المعامل واللي ما اعرفه الحمد لله عندي الارادة لمعرفته , ولغتي الانجليزية الحمد لله انتم فقط جيبو لي شجرة وانا اغرد فوقها ومشترك في اغلب المجلات العلمية عن طريق النت او اشتريها من مكتبة جرير.
تخيلو شو اعمل ( شوفو ملفي علشان لا احد يحسدني).
قدمت على الهيئة من اربع اشهر لما عرفت انهم يوظفو خريجي الكيمياء الحيوية ولكن لا حس ولا خبر كلمت الدكتور المهيزع قبل ٣ اسابيع وقال لي اعطيني اسمك ورقم الهوية افا ,, قلت والله زين ,, ولكنها كانت حقنة مهدئة سريعة المفعول تسري مباشرة الى الهيبوثالامس وتفعل فعلها فيها:sm195: ومن يومها وانا جالس .
فهل لو رحت بيطردوني مع الباب ولا انتظر ولا اعمل ايش بالضبط , افيدوني يا اهل العلم !!!!!!
المشاركة الأصلية بواسطة بكالوريوس أحياء دقيقةمشاهدة المشاركة
لاتعبون انفسكم ياناس صارلي سنتين اطارد وراهم .......... والله انهم طارديني من عند حارس الامن ... طبعا مقرهم بالدور الثاني وحارس الامن بالدور الاول اي واحد يجيه من خريجين الاحياء الدقيقةوالكيمياء الحيويه هم معلمينه ومفهمينه وش يقول .......
شف يا totti عند واسطه قويه بهيئة الخراط والا دورلك على زاويه بأحد المقاهي بالدمام مع احترامي لكل خريجي الكيمياء الحيوية والاحياء الدقيقة
اخواني تم الاتصال بقسم الموارد البشريه وسألتهم هل يوجد قبول لتخصص الاحياء الدقيقة حاليا ؟
قال حاليا ما نقبل تخصص الأحياء الدقيقة
قلت له ليه ؟
قال ما اقدر ادخل معك في تفاصيل اكثر ( متحفظ )
قلت يعني هل اكتفيتو بالمقبولين من تخصص الاحياء الدقيقة
قال تقريبا
يعني اجابات مختصره ومتحفظه .
* وين الاخوان الي يقولون انه محتاجين عدد كبير من تخصص الاحياء الدقيقة وبعض التخصصات الاخرى ، أرجو التحري لهذه المعلومه التي تعد خبر محبط لاصحاب تخصص الاحياء الدقيقة .
السلام عليكم ورحمته الله وبركاته....
اعرفكم بنفسي .؟
انا ياشباب طالب تخصصي احياء دقيقه....:sm178: ومعدلي 3,60 والأنجليزيه عندي تعجبك :sm189: وتدربت في الهيئه العامه للغذاء والدواء ..وعندي منهم شهاده تدريب لمده شهرين بواقع 5 ساعات يوميا<<وربي كنت اجلس اكثر من خمس... :sm204: كنت بعض الأوقات اجي من الساعه 8ونص ولا اخرج الا 3 ونص لانه بصراحه كان فيه ضغط وجالس مع الموظفين من باب نخوه ومساعده لهم ن1 ...المهم نكمل
وحاااصل في تقيم الهيئه في فتره التدريب على امتياز "قولوا ماشاء الله "<<بسم الله على نفسي .. وعندي شهادات منهم و اوراق التقيم ...
وفااهم المختبر زيــــــن ,,وفاهم كل الأختبارات اللي يقومون فيها على الأغذيه
كمان اللي حاب اقوله ان بحث التخرج كان بعنوان هيئة الغذاء والدواء ..وكيفية الأختبارات اللتي تقوم بها للكشف عن ميكروبات الأغذيه . ومسوي عليه مراجع من كتب مايكرو بيولوجيا أغذيه مشهوره ومنها كتاب الدكتور .ابراهيم المهيزع "مايكروبيوليوجيا الأغذيه" وكتب ثاني ورسائل ماجستير وموقع الهيئه كانت مراجع للبحث حقي بالأضافه الى بعض الصور اللي ماخذها من الهيئه على الأجهزه طبعا..والأختبارات اللي تقوم فيها الهيئه ...
وطبعا عندي شهات لدورات علميه<<يعني تلمس تخصصي,
و ودورات اجتماعيه<<عد واغلط "ماشاء الله علي""
,ودورات ادرايه وتطويريه<<عد واغلط "ماشاء الله علي""
,ودورات حاسب
وو رش لقواعد للبيانات وهي :
ورشة عمل لقواعد البيانات الطبيه BMJ - JOURNALS &PRODUTS,بالأضافه الى ورشة عمل اخرى لقواعد البيانات العلميه وهي Science Direct - SCOPUS - SAGE
واليكم بعض الدورات
1- الجوده واخلاقيات المهنه .
2- استراتجيه الجوده والقدره التنافسيه.
3- الجوده والتميز في القطاع الصحي.
4- تنمية مهارات الأتصال في الحوار .
5- الخرائط الذهنينه.
6- فن الأقناع والتأثير في الأخرين.
بعض ورش العمل:
1- التحسين المستمر للعمليات.
2- البحث العلمي وطرقه
3- مهارات العرض والتقديم
4-تنظيم وإعداد المؤتمرات.
5- الابتكارات وبراءات الاختراع
هذا اللي يحضرني اللحين ولا بااقي كثير من الدورات ,,ولاتخلوني افك الشنطه واطلع شهادات باقي الدورات والورش:sm195:
وعندي الرخصه لدوليه للغوص<<فرحان فيها يبو خخ ,,,لا مو كذا قلت يمكن يوضفوني في ميناء مثلا ويسفيدوا من خبرتي كغواص ..<<احس انها مامشت معي الزبده ان عنده رخصه وشهاده كمان للغوص صفقوا له ياشباب ..
كما انني عضو في المجلس السعودي للجوده وعندي عضويه... وشهادات حاصل عليها من المجلس السعودي للجوده اللي موعارفه ,,يدور في لبن المراعي زمان علامه الجوده هذي تبعهم خخخ:sm194:
وحاليا قاعد افكر اشتغل في بحث مع دكتور في الجامعه عشان انشره في مجله علميه..ويتسجل البحث بأسمي على اني الباحث وان الدكتور هوه المشرف <<ادعوا لي بالتوفيق
السؤال الى شباب والأعضاء بشكل عام "والى اهل الهيئة العامه للغذاء والدواء" على وجه الخصوص ... هل تتوقعون الهيئه تقبلني او انها على قولت اخوي بكالوريوس احياء دقيقه ووادي الموهور ماعاد يبون هذا التخصص وانهم اكتفوا به <<شباب وربي تحطمت.:sm204:
وانا من يوم مادخلت القسم وانا حاط الهيئه قدام عيوني ونيتي فيها واكبر دليل اني تدربت عندهم . جالس شاد على حيلي ليل نهار وفجاءة يقولون ماعاد نقبل التخصص .:sm177:
الله لايضيع تعبي يارب .
اتمنى ان اجد مايبرد الصدر,,, لاني بصراحه تحطمت لابعد الحدود ..
اخوي اخصائي احياء دقيقه
اتمنى ان اجد اجابه شايفه منك او من احد ممثلي الهيئة العامه للغذاء والدواء .؟
وسامحوني على الأطاله:sm197: .....................لكم مني جزيل الشكر والتقدير
تعليق